རྒྱལ་སྤྱི།

ཧོང་ཀོང་སྲིད་གཞུང་གི་བཙན་བཀའི་འོག ཧོང་ཀོང་སློབ་གྲྭ་ཆེན་མོའི་ནང་དུ་ཡོད་པའི་གནམ་སྡེ་སྒོ་མོའི་དོན་རྐྱེན་དྲན་གསོ་བྱེད་པའི་“ངོ་ཚའི་རྡོ་རིང་”(Pillar of Shame) རྩ་བ་ནས་བཀོག་ཏེ་ཁྱེར་ཡོད་འདུག 

ཨ་རིའི་ཧཱ་ཝར་ཌི་སློབ་ཆེན་(Harvard University) གྱི་རྫས་སྦྱོར་རིག་པའི་སློབ་དཔོན་ཞིག་ལ་རྒྱ་ནག་དམར་ཤོག་ཚོགས་པ་དང་གསང་འབྲེལ་གྱིས་སྒོར་མོ་ཕོན་ཆེན་བླངས་པའི་ནག་ཉེས་ཕོག་འདུག 

ཨ་རིའི་གྲོས་ཚོགས་ཀྱིས་གཏན་ལ་ཕབ་པའི་“ཡུ་གུར་གྱི་བཙན་འོག་ངལ་རྩོལ་བཀག་འགོག་ཁྲིམས་”(Uyghur Forced Labor Prevention Act) ཀྱི་ནང་དུ། ཨ་རི་དང་རྒྱལ་སྤྱིའི་བཟོ་ཚོང་ཁང་རྣམས་ཀྱིས་ཤར་ཏུར་ཀི་སི་ཐན་ནས་ནང་འདྲེན་བྱེད་འདོད་པའི་ཚོང་རྫས་རྣམས་བཙན་འོག་ངལ་རྩོལ་གྱིས་བཟོ་སྐྲུན་བྱས་པ་མ་ཡིན་པའི་དཔང་རྟགས་གསལ་པོར་སྟོན་ཐུབ་ན་མ་གཏོགས། ཐོན་རྫས་གཅིག་ཀྱང་ཨ་རིར་ནང་འདྲེན་བྱེད་མི་ཆོག་པ་བཟོས་ཡོད་འདུག 

ཨ་རིས་སྣེ་ཁྲིད་པའི་མང་གཙོའི་རྒྱལ་ཁབ་རྣམས་ཀྱིས་རྒྱ་ནག་གི་འགྲོ་བ་མིའི་ཐོབ་ཐང་གི་གནས་སྟངས་དང་། མི་རིགས་རྩ་མེད་ཀྱི་སྲིད་བྱུས་ལ་ངོ་རྒོལ་བྱེད་པའི་ཆེད་དུ་༢༠༢༢ ལོའི་པེ་ཅིང་ཨོ་ལིམ་ཕིག་རྩེད་འགྲན་ཆེན་མོ་གཞུང་འབྲེལ་ཐོག་ནས་བཀག་སྡོམ་(Diplomatic boycott) བྱེད་བཞིན་པའི་སྐབས་འདིར། རཱ་ཤི་ཡའི་སྲིད་འཛིན་ཕུའུ་ཊིན་གྱིས་ཁོ་རང་རྒྱལ་སྤྱིའི་རྩེད་འགྲན་ཆེན་མོ་དེའི་མཛད་སྒོར་བཅར་རྒྱུ་ཡིན་པའི་ཁས་ལེན་བྱས་ཡོད་འདུག 

ཨ་རིའི་གྲོས་ཚོགས་འཐུས་མི་ཚོས་སྲིད་འཛིན་བྷ་ཌན་ལ་༧གོང་ས་མཆོག་དང་མཇལ་ཁ་ཞུ་བའི་དགོས་འདུན་བཏོན་པ་དང་། གལ་སྲིད་ལོ་ན་བགྲེས་པའི་༧རིན་པོ་ཆེ་མཆོག་ཨ་རིར་ཕེབས་མ་ཐུབ་པ་ཡིན་ན། སྲིད་འཛིན་གཞོན་པ་ཁཱ་མ་ལ-ཧ་རེ་སི་(Kamala Harris) འམ་ཡང་ན་མི་སྣ་མཐོན་པོ་ཞིག་རྒྱ་གར་ལ་ཆེད་གཏོང་གིས་ཁོང་དང་མཇལ་ཁ་ཞུ་དགོས་སྐོར་གསུངས་འདུག 

ཨ་རྒྱའི་འགལ་བ་ཉིན་རེ་བཞིན་དྲག་ཏུ་འགྱུར་བཞིན་པའི་སྐབས་འདིར། ཨ་རིས་ཞི་བདེ་རྒྱ་མཚོའི་ཁུལ་དུ་རྒྱ་ནག་གི་བཙན་ཤེད་ཆེ་རུ་འགྲོ་བཞིན་པར་གདོང་ལེན་དང་ཁ་གཏད་གཅོག་པའི་ཆེད། ཨེ་ཤི་ཡའི་མཐུན་གྲོགས་རྒྱལ་ཁབ་ཚོ་དང་ལྷན་དུ་དམག་དང་དཔལ་འབྱོར་གྱི་འབྲེལ་བ་ཟབ་ཏུ་གཏོང་རྒྱུ་ཡིན་སྐོར་བརྗོད་འདུག 

རྒྱ་ནག་གིས་རྒྱལ་སྤྱིའི་ནང་ཐའེ་ཝན་དང་གཞུང་འབྲེལ་ཐོག་ནས་འབྲེལ་ལམ་ཉར་མཁན་རྣམས་ལ་ཐའེ་ཝན་དང་འབྲེལ་ལམ་གཅོད་དགོས་པའི་གནོན་ཤུགས་དང་ཤུགས་རྐྱེན་སྣ་མང་སྤྲོད་བཞིན་པ་ལྟར། ཉེ་ཆར་ནཱི་ཀ་རཱ་གྷུ་ཝ་ཡིས་རྒྱ་ནག་གི་ཁ་ལ་ཉན་རྗེས་རྒྱ་ནག་གིས་སྔོན་འགོག་སྨན་ཁབ་ས་ཡ་གཅིག་སྤྲད་ཡོད་པ་རེད་འདུག 

ཟླ་༡༢ ཚེས་༩ ཉིན་སྐུ་ཞབས་ཨོ་ལ་ཧྥི་ཤོལ་ཛི་(Olaf Scholz) ཇར་མ་ནཱིའི་སྲིད་བློན་དུ་བདམས་ཐོན་བྱུང་བར་༧གོང་ས་མཆོག་གིས་འཚམས་འཕྲིན་ཞིག་བསྩལ་བའི་ནང་འཁོད་དོན། “སྐུ་ཉིད་ཀྱིས་བསམ་ཤེས་དང་། དངོས་ཡོད་གནས་ཚུལ་དང་མཐུན་པའི་སྒོ་ནས་མུ་མཐུད་འཇར་མན་དཔལ་འབྱོར་ཡར་རྒྱས་གཏོང་རྒྱུ་ཡིན་པ་མ་ཟད། འཛམ་གླིང་གི་རང་དབང་དང་།

ཨ་རིའི་རྗེས་སུ། ཨོ་སི་ཁྲུ་ལི་ཡས་༢༠༢༢ ལོའི་པེ་ཅིང་ཨོ་ལིམ་ཕིག་རྩེད་འགྲན་ཆེན་མོ་གཞུང་འབྲེལ་ཐོག་ནས་བཀག་སྡོམ་(diplomatic boycott of Beijing Olympics) བྱས་པ་ཡིན་པའི་གསལ་བསྒྲགས་སྤེལ་འདུག་པ་མ་ཟད། རྒྱ་ནག་གི་རྩེད་འགྲན་ཆེན་མོ་དེར་ངོ་རྒོལ་གྱི་རྣམ་འགྱུར་སྟོན་མཁན་གྱི་རྒྱལ་ཁབ་མང་དུ་འགྲོ་བཞིན་འདུག