རྒྱལ་སྤྱི།

ཨབ་གྷ་ནི་སེ་ཐན་གྱི་སྲིད་དབང་དེ་ཏ་ལི་བྷན་དྲག་སྤྱོད་རུ་ཁག་གིས་བཙན་འཕྲོག་བྱས་པའི་རྗེས་སུ། འབྲིང་རིམ་སློབ་གྲྭའི་བུད་མེད་སློབ་ཕྲུག་རྣམས་ད་དུང་ཡང་སློབ་གྲྭར་འགྲོ་ཆོག་གི་མེད་པས། དེ་ལ་བརྟེན་ནས་ནང་མི་ཚོས་བུད་མེད་ཕྲུ་གུ་ལོ་ཆུང་ཆུང་རྣམས་ཆང་ས་རྒྱག་ཏུ་འཇུག་པའི་གནས་ཚུལ་མང་དུ་འགྲོ་བཞིན་འདུག 

གྲང་དམག་སྐབས་ནས་ད་བར་འབྲེལ་ལམ་ཡག་པོ་ཡོད་པའི་ཨུ་རུ་སུ་དང་རྒྱ་གར་གཉིས་ཀྱིས། ཉེ་ཆར་ཕྱོགས་གཉིས་བར་ཚོང་དང་དམག་གི་གྲོས་མཐུན་མང་པོ་ཞིག་བཞག་ནས། ལོ་རེའི་ཚོང་འབྲེལ་གྱི་འབབ་ཨ་སྒོར་ཐེར་འབུམ་༣༠ བཟོ་རྒྱུའི་གྲོས་མཐུན་བྱུང་ཡོད་འདུག

ཨ་རིས་དངོས་སུ་༢༠༢༢ ལོའི་པེ་ཅིང་ཨོ་ལིམ་ཕིག་རྩེད་འགྲན་ཆེན་མོ་གཞུང་འབྲེལ་ཐོག་ནས་བཀག་སྡོམ་(diplomatic boycott of Beijing Olympics) བྱེད་རྒྱུ་ཡིན་པའི་གསལ་བསྒྲགས་སྤེལ་རྗེས། མང་གཙོའི་སྟོབས་ཆེན་རྒྱལ་ཁབ་གཞན་རྣམས་ཀྱང་ཨ་རིའི་རྗེས་སུ་འབྲང་བའི་གོ་སྐབས་ཆེན་པོ་ཡོད་འདུག

འབར་མའི་ཁྲིམས་ཁང་ཞིག་གིས་ལྕམ་ཨང་སན་སུ་ཅི་ལ་ལོ་ངོ་བཞི་ཡི་བཙོན་འཇུག་ཁྲིམས་ཐག་བཅད་འདུག་པ་དང་། བཙན་དབང་ཐོག་ནས་གནས་དབྱུང་བཏང་ཟིན་པའི་སྲིད་འཛིན་ལ་ཡང་དེ་ལྟར་ཁྲིམས་ཐག་བཅད་འདུག སྲིད་དབང་བཙན་བཟུང་བྱེད་མཁན་དམག་གི་སྲིད་གཞུང་གིས་ལྕམ་ཁོང་ལ་ད་དུང་ཡང་ཉེས་འཛུགས་ཁག་ཅིག་ཐོག་ཁྲིམས་ཐག་བཅད་རྒྱུ་ལྷག་ཡོད་སྐོར་བརྗོད་འདུག 

ཨ་རིས་བདུན་ཕྲག་འདིའི་ནང་དུ་༢༠༢༢ ལོའི་པེ་ཅིང་ཨོ་ལིམ་ཕིག་རྩེད་འགྲན་ཆེན་མོ་གཞུང་འབྲེལ་ཐོག་ནས་བཀག་སྡོམ་(diplomatic boycott of Beijing Olympics) བྱེད་རྒྱུའི་གསལ་བསྒྲགས་སྤེལ་འཆར་ཡོད་འདུག 

ལོ་སྔོན་མར་རྒྱ་ནག་གཞུང་གིས་གཏན་ལ་ཕབ་པའི་“རྒྱལ་ཁབ་ཀྱི་བདེ་འཇགས་བཅའ་ཁྲིམས་”ཀྱི་གནོན་ཤུགས་འོག་ནས་སྒོ་བརྒྱབ་པའི་“ཀུ་ཤུ་ཉིན་རེའི་གསར་ཁང་”དང་། གསར་ཁང་དེ་གསར་འཛུགས་གནང་མཁན་གྱི་ཕྱུག་བདག་ཇེ་མི-ལཱ་(Jimmy Lai) ལ་འཛམ་གླིང་གསར་ཁང་ལྷན་ཚོགས་(WAN-IFRA) ཀྱི་༢༠༢༡ ལོའི་གསེར་གྱི་སྨྱུ་གུའི་གཟེངས་རྟགས་ཐོབ་འདུག

 རྒྱལ་སྤྱིའི་རྩེད་མོའི་ཚོགས་པ་ཕལ་ཆེ་བས་སྒོར་མོའི་ཆེད་དུ་རྒྱ་ནག་དམར་ཤོག་སྲིད་གཞུང་ལ་བསྟུན་ཐབས་ཞེ་ཅིག་བྱེད་བཞིན་ཡོད་རུང་། རྒྱལ་སྤྱིའི་བུད་མེད་ཀྱི་ཊེ་ནེ་སིའི་ལྷན་ཚོགས་(The Women’sTennis association) ནས་རྒྱ་ནག་གི་རྩེད་འགྲན་པ་ཕན་ཧྲུའུ་(Peng Shuai) ཡི་གནས་སྟངས་གང་ཡིན་པ་གསལ་པོ་མེད་པར་བརྟེན་ ༢༠༢༢ ལོར་རྒྱ་ནག་དང་ཧོང་ཀོང་དུ་འཚོགས་གཏན་འཁེལ་བའི་འགྲན་བསྡུར་ཚང་མ་མཚམས་འཇོག་བྱེད་རྒྱུ་ཡིན་པའི་གསལ་བསྒྲགས་སྤེལ་འདུག 

སྨྱོ་རྫས་དང་འབྲེལ་བའི་དྲག་སྤྱོད་དང་ལྐོག་ཟ་རུང་སུངས། དབུལ་ཕོངས་སོགས་ཀྱི་དཀའ་ངལ་ནང་དུ་ཡོད་པའི་ཧོན་ཌུ་རཱསེའི་མི་མང་གིས། རྒྱལ་ཁབ་དེའི་ལོ་རྒྱུས་ནང་གི་བུད་མེད་སྲིད་འཛིན་ཐོག་མར་དེ་འོས་འདེམས་བྱས་འདུག 

རྒྱ་ནག་གི་གཞུང་འབྲེལ་གསར་ཁང་གོ་ལའི་དུས་བབ་(Global Times) ཀྱིས་“རྒྱ་གར་གྱིས་པེ་ཅིང་ཨོ་ལིམ་ཕིག་རྩེད་འགྲན་ཆེན་མོར་རྒྱབ་སྐྱོར་བྱས་པ་དེས་རྒྱ་གར་རང་བཞིན་གྱིས་ཨ་རིའི་མཐུན་གྲོགས་མིན་པ་སྟོན་”ཞེས་བྲིས་འདུག 

རྒྱ་ནག་གི་གནམ་སྡེ་སྒོ་མོ་ཐང་ཆེན་གྱི་དམར་གསོད་དང་མའོ་ཙེ་ཏུང་ལ་ཟུར་ཟ་ཡོད་པའི་འགུལ་བརྙན་གྱི་ལེའུ་ཞིག ཧོང་ཀོང་གི་དྲ་ལམ་ནས་བཀམ་སྡོམ་བྱས་ཏེ་བལྟ་རྒྱུ་མེད་པ་བཟོས་འདུག