རྒྱལ་སྤྱི།

ཤར་ཡུ་རོབ་ཁུལ་དུ་སྔོན་འགོག་སྨན་ཁབ་བརྒྱབ་ཟིན་པའི་མི་མང་ཉུང་ཉུང་ཡིན་ཁར། ཁང་པའི་ནང་དུ་མི་མང་མཉམ་འཛོམས་བྱེད་མཁན་མང་པོ་ཡོད་པའི་རྐྱེན་གྱིས། ཁུལ་དེར་ཏོག་དབྱིབས་ནད་དུག་ཁྱབ་གདལ་གྱི་གནས་སྟངས་ཛ་དྲག་ཆགས་བཞིན་ཡོད་འདུག 

ཨ་རིའི་སྲིད་འཛིན་བྷ་ཌན་གྱིས་གལ་སྲིད་རྒྱ་ནག་གིས་ཐའེ་ཝན་ལ་དྲག་རྒོལ་བྱས་པ་ཡིན་ན། ཨ་རི་ཐའེ་ཝན་གྱི་རྒྱབ་ཏུ་ལངས་ནས་ཐའེ་ཝན་སྲུང་སྐྱོབ་བྱེད་རྒྱུ་ཡིན་ཞེས་བརྗོད་འདུག ཟླ་འདིའི་ཨ་རིའི་ཚེས་ ༢༡ རེས་གཟའ་ཕུར་བུའི་ཉིན་ཨ་རིའི་སྲིད་འཛིན་བྷ་ཌན་སི་ཨན་ཨན་གསར་ཁང་(CNN)གི་ལས་རིམ་ཞིག་ལ་མཉམ་ཞུགས་གནང་འདུག་ཅིང་། ལས་རིམ་དེའི་ཐོག་ཁོང་ལ་གལ་སྲིད་རྒྱ་ནག་གིས་ཐའེ་ཝན་ལ་དྲག་པོའི་བཙན་འཛུལ་བྱས་ན། ཨ་རི་ཐའེ་ཝན་གྱི་རྒྱབ་ཏུ་ལངས་ནས་ཐའེ་ཝན་སྲུང་སྐྱོབ་བྱེད་སྲིད་མིན་དྲིས་པར། ཁོང་གིས་“བྱེད་རྒྱུ་རེད། ང་ཚོ་ལ་དེ་ལྟར་བྱེད་རྒྱུའི་འོས་འགན་ཡོད་”ཅེས་བརྗོད་ཡོད་འདུག

ཨ་རིའི་རྒྱལ་ཡོངས་ལག་རྩེད་སྤོ་ལོའི་རུ་ཚོགས་(NBA) ཀྱི་རྩེད་འགྲན་པ་ཨེ་ནེ་སི-ཁེན་ཋར་(Enes Kanter) གྱིས་རྒྱ་ནག་གིས་བོད་དུ་ལག་བསྟར་བྱེད་བཞིན་པའི་མི་རིགས་རྩ་མེད་ཀྱི་སྲིད་བྱུས་ལ་སྐྱོན་བརྗོད་དྲག་པོ་བྱས་པ་མ་ཟད། “ངས་བོད་ལ་རང་བཙན་འཐོབ་པའི་རེ་བ་དང་ཡིད་ཆེས་བྱེད་ཀྱི་ཡོད་”ཅེས་བཤད་འདུག 

 རྒྱ་གར་གྱི་དམག་མིའི་སྒྲིག་འཛུགས་ནས་རྒྱ་ནག་གི་དྲིལ་བསྒྲགས་དང་ཤུགས་རྐྱེན་རྒྱ་སྐྱེད་ལ་ཁ་གཏད་གཅོག་ཆེད་དུ། དམག་མི་རྣམས་ལ་བོད་ཀྱི་སྐད་ཡིག་དང་ལོ་རྒྱུས་སོགས་སློབ་ཁྲིད་བྱེད་འགོ་བཙུགས་ཟིན་ཡོད་འདུག

ཤར་ཏུར་ཀི་སི་ཐན་ནམ་ཤིང་ཅང་དུ་འགྲོ་བ་མིའི་ཐོབ་ཐང་རྩིས་མེད་རྡོག་རོལ་དང་དྲག་གནོན་གྱི་སྲིད་བྱུས་འཐེན་པ་དང་ལག་བསྟར་ནན་པོ་བྱས་པའི་རྒྱུ་མཚན་གྱིས། ཨ་རི་དང་ཁ་ན་ཊ། དབྱིན་ཇི། ཡུ་རོབ་མཐུན་ཚོགས་བཅས་ཀྱི་ཉེས་ཆད་ཕོག་པའི་རྒྱ་ནག་དམར་ཤོག་ཚོགས་པའི་འགོ་ཁྲིད་ཝང་ཇོན་ཀྲིན་(Wang Junzheng) རྒྱ་ནག་གིས་“བོད་རང་སྐྱོང་ལྗོངས་”སུ་འབོད་པའི་དྲུང་ཆེ་ལ་བསྐོ་བཞག་བྱས་ཡོད་འདུག  དེ་རིང་རེས་གཟའ་མིག་དམར་ཉིན་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་དམར་ཤོག་ཚོགས་པས་ཤར་ཏུར་ཀི་སི་ཐན་དུ་དྲག་གནོན་དང་མི་རིགས་རྩ་མེད་ཀྱི་སྲིད་བྱུས་གདུག་རྩུབ་ཆེན་པོས་ལག་བསྟར་བྱས་པའི་རྒྱུ་མཚན་གྱིས་རྒྱལ་ཁབ་མང་པོའི་ཉེས་ཆད་ཕོག་པའི་ཝང་ཇོན་ཀྲིན་“བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་”ལ་བསྐོ་བཞག་བྱས་ཡོད་འདུག  ལོ་ན་༥༨

རྒྱལ་སྤྱིའི་གླུ་པ་གཉིས་ཀྱིས་རྒྱ་ནག་ལ་ཟུར་ཟ་བྱེད་པའི་གླུ་གཞས་ཤིག་བླངས་རྗེས། རྒྱ་ནག་གཞུང་གིས་ཁོང་གཉིས་ཀྱི་གླུ་གཞས་དང་དྲ་བྱང་(account) ཚང་མ་རྒྱ་ནག་གི་དྲ་བ་ནས་ནག་བསུབ་བཏང་ནས་ལྟ་ཉན་མི་ཐུབ་པ་བཟོས་ཡོད་འདུག 

མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མིའི་འོས་བསྡུར་ཨ་རིས་མཉམ་ཞུགས་བྱས་ཏེ། ཚོགས་མིར་འདེམས་ཐོན་བྱུང་འདུག། ལས་དོན་དེ་ནི་ཨ་རིའི་སྲིད་འཛིན་བྷའེ་ཌན་གྱིས་རྒྱལ་སྤྱིའི་ནང་ཨ་རིའི་ཆེ་མཐོང་དང་མཉམ་ལས་ཆེ་རུ་གཏོང་བའི་ཐབས་བྱུས་ཤིག་ཡིན་པ་རེད། ཟླ་༡༠ པའི་ཚེས་༡༥ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཚེས་༡༤ ཉིན་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་གསར་འདེམས་ཀྱི་ལས་དོན་སྤེལ་ཡོད་འདུག་པ་དང་། ཨ་རིར་འོས་གྲངས་༡༦༨

རྒྱ་དཀར་ནག་གཉིས་ཀྱི་རྒྱལ་མཚམས་དང་འབྲེལ་བའི་རྩོད་རྙོག་མུ་མཐུད་འབྱུང་བཞིན་པའི་སྐབས་འདིར། རྒྱ་ནག་གིས་སླར་ཡང་ལ་དྭགས་དང་ཨ་རུ་ནཱ་ཅལ་རྒྱ་གར་གྱི་ཡིན་པར་ངོས་འཛིན་བྱེད་ཀྱི་མེད་པ་དང་། རྒྱལ་མཚམས་ཀྱི་རྩོད་རྙོག་ཡོངས་རྫོགས་ཀྱི་འབྱུང་རྐྱེན་རྒྱ་གར་ལ་ཐུག་ཡོད་པའི་ཉེས་འཛུགས་བྱས་ཡོད་འདུག

མི་མང་ས་ཡ་མང་པོའི་ཚེ་སྲོག་གཅོད་མཁན་རྒྱ་ནག་ནས་ཐོན་པའི་ཏོག་དབྱིབས་ནད་དུག་གི་འབྱུང་ཁུངས་དང་། དེ་བཞིན་མ་འོངས་པར་ཉེན་ཁ་ཡོད་པའི་ནད་འབུ་གཞན་གྱི་འབྱུང་ཁུངས་སོགས་རྩད་གཅོད་བྱེད་ཆེད་དུ། འཛམ་གླིང་འཕྲོད་བསྟེན་ལྷན་ཚོགས་ཀྱིས་ཚན་རིག་པའི་རུ་ཁག་གསར་པ་ཞིག་གསལ་བསྒྲགས་བྱས་འདུག 

རྒྱལ་སྤྱིའི་ནང་གི་དཔལ་འབྱོར་གྱི་སྟོབས་ཤུགས་ཆེ་བའི་རྒྱལ་ཁབ་༢༠ ཡི་ལྷན་ཚོགས་ཀྱིས། ཏ་ལི་བྷན་སྲིད་གཞུང་དེ་ངོས་ལེན་མི་བྱེད་པའི་ཐོག་ནས། ཨབ་གྷན་ནང་གི་དཔལ་འབྱོར་དཀའ་ངལ་དེ་སེལ་ཐབས་སུ་རོགས་དངུལ་སྤྲོད་རྒྱུ་མོས་མཐུན་བྱས་འདུག  ཟླ་༡༠ པའི་ཚེས་༡༢ ཉིན་ཨི་ཊ་ལིའི་སྲིད་བློན་གྱིས་ཨབ་གྷན་གྱི་དཔལ་འབྱོར་གནས་སྟངས་ཛ་དྲག་ཡིན་པ་དེར་རོགས་རམ་བྱེད་ཐབས་སུ། རྒྱལ་སྤྱིའི་ནང་དཔལ་འབྱོར་གྱི་སྟོབས་ཤུགས་ཆེ་བའི་རྒྱལ་ཁབ་༢༠ (G20)ཡི་འགོ་ཁྲིད་རྣམས་ཀྱི་ལྷན་ཚོགས་ཤིག་དྲ་ཐོག་ནས་གོ་སྒྲིག་བྱས་འདུག་པ་དང་།