རྒྱལ་སྤྱི།

 ཨེ་ཤི་ཡ་དང་ཞི་བདེ་རྒྱ་མཚོའི་རྒྱལ་ཁབ་བར་གྱི་ཚོང་འབྲེལ་གྲོས་མཐུན་གཅིག་ནང་རྒྱ་ནག་ནང་ཐའེ་ཝན་གཉིས་ཀ་འཛུལ་ཐབས་བྱེད་བཞིན་འདུག་པ་དང་། ཐའེ་ཝན་གྱིས་གལ་ཏེ་ཚོགས་པ་དེའི་རྒྱ་ནག་སྔོན་དུ་ཚུད་ཚེ་ཐའེ་ཝན་ལ་དཀའ་ངལ་འཕྲད་རྒྱུ་གསལ་པོ་ཡིན་སྐོར་བརྗོད་འདུག

ཁེ་ན་ཌའི་རྒྱལ་ཡོངས་གྲོས་ཚོགས་འོས་བསྡུའི་ནང་། གཞུང་འཛིན་གུ་ཡངས་ཚོགས་པ་(the Liberal Party) ལ་རྒྱལ་ཁ་ཐོབ་རྗེས། ༧གོང་ས་མཆོག་གིས་སྲིད་བློན་ཊེ་རུ་ཌོ་(Trudeau) ལ་འཚམས་འདྲི་གནང་བ་དང་། ཁེ་ན་ཌས་བོད་མི་སྐྱབས་བཅོལ་བ་རྣམས་དགའ་བས་བསུས་པར་བཀའ་དྲིན་ཆེ་ཞུས་འདུག 

འབར་མའི་ནང་དུ་སྲིད་དབང་བཙན་འཕྲོག་བྱེད་མཁན་དམག་གི་སྲིད་གཞུང་དང་གྱེན་ལངས་ཤོག་ཁག་བར་དམག་འཁྲུག་རྒྱག་བཞིན་ཡོད་པས། དེ་ལ་བརྟེན་ནས་རྒྱ་གར་ནང་དུ་འབར་མའི་མི་སེར་དཀྱུས་མ་བྲོས་བྱོལ་ཡོང་མཁན་མང་པོ་ཆགས་བཞིན་ཡོད་འདུག 

ཡུ་རོབ་ཀྱི་རྒྱལ་ཁབ་ལཱི་ཐུ་ནི་ཡཱ་གཞུང་གིས་རྒྱ་ནག་གི་ཁ་པར་ཚོང་ལས་ཁང་ཞིག་གི་ཁ་པར་ནང། བོད་དང་ཐའེ་ཝན། མང་གཙོ་སོགས་དང་འབྲེལ་བའི་ཚིག་རྣམས་རང་ངོས་ནས་ཞིབ་བཤེར་བྱེད་ཀྱི་ཡོད་ཁར། ཁ་པར་ནང་དུ་གནས་ཚུལ་མང་པོ་ཞིག་ཕྱི་ལ་གཏོང་གི་ཡོད་པ་ར་འཕྲོད་བྱུང་སྐོར་བརྗོད་འདུག 

སྔ་སྣུར་བཏང་བའི་ཁེ་ན་ཌའི་རྒྱལ་ཡོངས་གྲོས་ཚོགས་འོས་བསྡུའི་གྲུབ་དོན་ནང་དུ། གཞུང་འཛིན་གུ་ཡངས་སྲིད་དོན་ཚོགས་པར་རྒྱལ་ཁ་ཐོབ་ཡོད་ཀྱང་རེ་བ་བྱས་པ་ལྟར་རྐུབ་སྟེགས་མང་མོས་ཐོབ་མེད་ཁར། འོས་བསྡུ་སྔོན་གྱི་གྲོས་ཚོགས་ཀྱི་རྐུབ་སྟེགས་གྲངས་ལས་གཅིག་མང་དུ་སོང་ཡོད་པར་ཚོད་དཔག་བྱེད་བཞིན་འདུག་པས། ཕྱོགས་འགལ་ཚོགས་པས་སྲིད་བློན་གྱིས་འོས་བསྡུའི་ཆེད་དུ་ཨ་སྒོར་ས་ཡ་མང་པོ་འཕྲོག་བརླག་བཏང་ཡོད་པའི་སྐྱོན་བརྗོད་བྱེད་བཞིན་འདུག 

རྒྱ་ནག་དང་འཛམ་གླིང་གི་འགལ་བ་ཇེ་ཆེ་དང་། ཐའེ་ཝན་ལ་རྒྱབ་སྐྱོར་ཤུགས་ཆེ་རུ་འགྲོ་བཞིན་པའི་སྐབས་འདིར། ཧྥ་རན་སིའི་གྲོས་ཚོགས་འཐུས་མིའི་སྐུ་ཚབ་རྣམས་རྒྱ་ནག་གི་གནོན་ཤུགས་དང་ངོ་རྒོལ་བྱས་མིན་ལ་མ་ལྟོས་པར་ཟླ་རྗེས་མའི་འགོ་སྟོད་དུ་ཐའེ་ཝན་ལ་གཟིགས་སྐོར་དུ་ཕེབས་གཏན་འཁེལ་ཡོད་འདུག 

རྒྱལ་མཚམས་མེད་པའི་གསར་འགོད་མཐུན་ཚོགས་(Reporters Without Borders) ཀྱིས་གཙོས་པའི་རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་པ་༤༥ ཡིས་ཞི་ཅིན་ཕིང་ལ་ཞུ་ཡིག་བསྐུར་ནས། མི་སེར་གསར་འགོད་པ་ཀྲེང་ཏྲན་(Zhang Zhan) བཙོན་ཁང་ནས་འཕྲལ་དུ་གློད་གྲོལ་གཏོང་བའི་དགོས་འདུན་བཏོན་ཡོད་འདུག 

ཧྥི་ལི་པན་གྱི་སྲིད་འཛིན་འོས་འགྲན་ནང་དུ། རྒྱལ་ཁབ་དེའི་གྲོས་ཚོགས་གོང་མའི་འཐུས་མི་དང་རྒྱལ་སྤྱིའི་ནང་ཁུ་ཚུར་རྩེད་འགྲན་པ་གྲགས་ཅན་ཞིག་འོས་མིར་ལང་འཆར་འདུག 

རྒྱ་ནག་གིས་ཐའེ་ཝན་གྱི་དམིགས་བསལ་ཐོན་སྐྱེད་ཤིང་འབྲས་སྣ་ཁ་གཉིས་ནང་འདྲེན་བྱེད་མཚམས་འཇོག་རྒྱུ་ཡིན་ཚུལ་བཤད་རྗེས། ཐའེ་ཝན་གྱིས་གལ་སྲིད་རྒྱ་ནག་གིས་ཟླ་འདིའི་ཚེས་༣༠ ཡི་ནང་ཚུན་དུ་གཉིས་མོས་ཀྱི་ལམ་ནས་དཀའ་རྙོག་སེལ་བའི་རེ་སྐུལ་ལ་ཡ་ལན་མ་སྤྲད་པ་ཡིན་ན། འཛམ་གླིང་ཚོང་འབྲེལ་ལྷན་ཚོགས་(World Trade Organization) ལ་ཁྲིམས་གཏུག་བྱེད་རྒྱུ་ཡིན་པའི་འཇིགས་སྐུལ་བྱས་ཡོད་འདུག

ཨ་རི་དང་། དབྱིན་ཇི། ཨོ་སི་ཁྲུ་ལི་ཡ་གསུམ་གྱི་ཞི་བདེ་རྒྱ་མཚོའི་བདེ་འཇགས་སྲུང་སྐྱོབ་ཀྱི་གྲོས་མཐུན་གསར་ཤོས་ཏེ། ཨ་ཁུའུ་སཱ་(Aukus) ཡིས་བསླངས་པའི་རྩོད་རྙོག་ཁྲོད། ཧྥ་རན་སིའི་རྒྱལ་སྲུང་ལས་ཁུངས་ནས་དབྱིན་ཇི་དང་ལྷན་དུ་འཚོགས་གཏན་འཁེལ་བའི་རྒྱལ་སྲུང་གྲོས་མོལ་ཚོགས་འདུ་ཞིག་ཕར་འགྱངས་བྱས་ཡོད་འདུག