རྒྱལ་སྤྱི།

ཟླ་འདིའི་ཚེས་༩ ཉིན་རྒྱ་གར་གྱི་དུས་བབ་ཚགས་ཤོག་སྟེང་གནས་ཚུལ་སྤེབ་བ་ལྟར་ན། རྒྱ་དཀར་ནག་གཉིས་དབར་འཚོག་ལ་ཉེ་བའི་ས་མཚམས་འཐབ་རྩོད་ཀྱི་གྲོས་མོལ་སྐབས། རྒྱ་གར་གཞུང་ཕྱོགས་ནས་ལ་དྭགས་ས་ཁུལ་གྱི་ཨག་སཱ་ཆིན་ས་གནས་རྒྱ་ནག་ལ་སྤྲད་པ་ཡིན་ན། རྒྱ་ནག་གཞུང་གིས་ཨ་རུན་ནཱ་ཅལ་མངའ་སྡེའི་ཕྱོགས་སུ་རྩོད་བཞིན་པའི་ས་ཁུལ་དེ་དག་བློས་གཏོང་རྒྱུ་ཡིན་ཚུལ། ཧོང་ཀོང་གི་ཚགས་པ་མེང་པའོ་སྟེང་བཀོད་ཡོད་པར། རྒྱ་ནག་གི་ཕྱི་སྲིད་བློན་ཆེན་སོགས་ཀྱིས་ངོ་རྒོལ་ཤུགས་ཆེར་བྱས་ཡོད་པའི་གནས་ཚུལ་ཐོན་ཡོད་པ་རེད།

ཟླ་འདིའི་ཚེས་༩ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་གར་ལྷོ་ཕྱོགས་ཀྱི་གྲོང་ཁྱེར་པུན་ནའི་ནང་ཕག་འཆམ་ནད་ཡམས་ཀྱིས། བདུན་གཅིག་གི་ནང་མི་གྲངས་༥ ཙམ་ཤི་ཡོད་པ་དང༌། ལྡི་ལི་སོགས་གྲོང་ཁྱེར་ཁག་ནང་ནད་ཡམས་འདི་ཁྱབ་བརྡལ་ཤུགས་ཆེན་པོ་འགྲོ་བཞིན་ཡོད་པས། གྲོང་ཁྱེར་ཁག་གི་སློབ་གྲྭ་མང་པོ་ཞིག་གནས་སྐབས་རིང་སྒོ་རྒྱག་དགོས་བྱུང་ཡོད་པ་རེད།

ཟླ་འདིའི་ཚེས་༡༠ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་གི་ལྷོ་ཤར་མཚོ་འགྲམ་གྱི་ས་ཁུལ་ཊེ་ཧྤིན་མཱོ་ར་ཀོ་ཊི་ཟེར་བའི་ས་གནས་སུ་ཆུ་ལོག་བརྒྱབ་སྟེ། མི་མང་ས་ཡ་གཅིག་གཉེན་གཡོལ་ལ་འགྲོ་དགོས་བྱུང་ཡོད་པ་དང༌། རྒྱ་ནག་ནང་བྱུང་བའི་ཆུ་ལོག་དང་ཆར་རླུང་གི་ཤུགས་རྐྱེན་གྱིས། ཉི་ཧོང་ནང་ཆུ་ལོག་དང་ཆར་རླུང། རི་ཉིལ་པ་སོགས་བྱས་ཏེ་མི་གྲངས་༩ ཆུ་ནང་ཤི་ཡོད་པ་དང་མང་པོ་ཞིག་ད་དུང་རྙེད་མེད་པ་རེད།

ཟླ་འདིའི་ཚེས་༣ ཉིན་དྲ་ལམ་ཁག་ནས་གནས་ཚུལ་སྤེལ་གསལ་ལྟར་ན།    བདུན་རྗེས་མར་རྒྱ་ནག་དང་བལ་ཡུལ་གཞུང་གཉིས་ནས་ས་མཚམས་སྟངས་འཛིན་གྱི་སྐོར་ལ་ལྷན་ཚོགས་ཤིག་འཚོག་གཏན་ཁེལ་ཡོད་པ་དང༌། རྒྱལ་སྤྱིའི་བོད་དོན་ལས་འགུལ་ཁང་གིས་སྤེལ་བའི་དྲིལ་བསྒྲགས་ཡིག་ཆའི་ནང༌། ལྷན་ཚོགས་དེས་རྐྱེན་བྱས་ཏེ་མ་འོངས་པར་བོད་ནས་སྐྱབས་བཅོལ་ལ་ཡོང་མཁན་ཚོར་དཀའ་ངལ་འཕྲད་རྒྱུ་ཡིན་པའི་གནས་ཚུལ་ཁྱབ་བསྒྲགས་བྱས་ཡོད་པ་རེད།

ཕྱི་ཟླ་༧ པའི་ཚེས་༢༩ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། འཛམ་གླིང་ཡུ་གུར་མཐུན་ཚོགས་ཀྱི་ཚོགས་གཙོ་ལྕམ་རེ་བྷ་ཁེ་ཌར་མཆོག་ཉི་ཧོང་དུ་ཕེབས་ནས། དེང་སྐབས་རྒྱ་ནག་དམར་པོའི་གདུག་རྩུབ་འོག་ཏུ་དཀའ་ངལ་མྱོང་བཞིན་ཡོད་པའི་ཡུ་གུར་བ་རྣམས་ཀྱི་ཚབ་བྱས་ཏེ། ང་འདིར་སླེབས་པ་ཡིན་ཞེས་གཏམ་བཤད་སྤེལ་ཡོད་པ་དང༌། རྒྱ་ནག་གཞུང་གིས་ལྕམ་རེ་བྷ་ཡ་ཁེ་ཌར་ཁ་བྲལ་རིང་ལུགས་པ་ཡིན་པས། རྒྱ་ནག་ཏུ་ཡོད་པའི་ཉི་ཧོང་གི་གཞུང་ཚབ་ཁང་གིས་ངོ་རྒོལ་གྱི་ལས་འགུལ་སྤེལ་དགོས་སྐོར་སྐུལ་མ་བྱས་ཡོད་པའི་གནས་ཚུལ་ཐོན་ཡོད་པ་རེད།

ཟླ་འདིའི་ཚེས་༢༢ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། འབར་མའི་རང་དབང་འཐབ་རྩོད་པ་དང་རྒྱལ་ཡོངས་མང་གཙོ་ཚོགས་པའི་ཚོགས་གཙོ། ཟླ་འདིའི་ཕྱི་ཚེས་༢༠ ཉིན་ལྕམ་ཨང་སན་སུ་སྐྱིད་བཟང་བཙོན་བཀག་ཉར་འོག་ཏུ་བསྡད་ནས་མི་ལོ་ཧྲིལ་པོ་༢༠ འཁོར་བའི་ཉིན་མོ་དང་དུས་བསྟུན།

ཟླ་འདིའི་ཚེས་༢༠ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། འཛམ་གླིང་ནང་རང་དབང་ཐབས་རྩོད་པ་གྲགས་ཅན། ནོ་བྷེལ་ཞི་བདེའི་གཟེངས་རྟགས་བཞེས་མྱོང་མཁན་ནཱལ་སོན་མན་ཌི་ལཱ་མཆོག  དགུང་གྲངས་༩༡ ལ་སོན་པའི་འཁྲུངས་སྐར་ཨ་རིའི་གྲོང་ཁྱེར་ནེའུ་ཡོག་ཏུ་གོ་སྒྲིག་བྱས་ཡོད་པ་དང༌། སྐབས་དེར་མཛད་སྒོའི་ཐོག་འཛམ་གླིང་ནང་སྙན་གྲགས་ཆེ་བའི་མི་སྣ་མང་པོ་འཛོམས་ཡོད་ཅིང༌། དམིགས་བསལ་གྱི་ཧྥ་རན་སིའི་སྲིད་འཛིན་གྱི་བཟའ་ཟླ་ཁཱར་ལཱ་ཡིས་གཞས་སྣ་འཁྲབ་སྟོན་བྱས་ཡོད་པ་དང༌། འཁྲབ་སྟོན་དེ་ནི་ཁཱར་ལཱ་ཧྥ་རན་སིའི་སྲིད་འཛིན་གྱི་བཟའ་ཟླ་ཆགས་ནས་འཁྲབ་སྟོན་བྱས་པ་ཐོག་མ་ཆགས་ཡོད་པས།

ཟླ་འདིའི་ཚེས་༡༩ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་སྲིད་འཛིན་ཨོ་བྷ་མའི་འཛིན་སྐྱོང་གི་ངོས་ནས་རྒྱ་ནག་གཞུང་གིས་ངོ་རྒོལ་བྱེད་མིན་ལ་མ་ལྟོས་པར། ཕྱི་ཟླ་༩ པའི་ཟླ་མཇུག་དང་༡༠ པའི་ཟླ་དཀྱིལ་ནང་སྲིད་འཛིན་ཨོ་བྷ་མས་ྋགོང་ས་མཆོག་དང་མཇལ་འཕྲད་ཞུ་རྒྱུ་ཡིན་སྐོར་གནས་ཚུལ་ཁྱབ་བསྒྲགས་བྱས་ཡོད་པ་རེད།

ྋགོང་ས་མཆོག་ལ་བོད་མི་རྣམས་ཡུ་གུར་བ་དང་ཟླ་སྒྲིལ་གྱིས་ཤིན་ཅང་གི་ཆེད་དུ་ངོ་རྒོལ་གྱི་ལས་འགུལ་ནང་ཞུགས་དགོས་པའི་ཕྱག་བྲིས་ཕུལ་ཡོད་པ་རེད་ཅེས། ཨ་རིའི་ཡུ་གུར་མཐུན་ཚོགས་ཀྱི་ཚོགས་གཞོན་དང་འཛམ་གླིང་ཡུ་གུར་ལྷན་ཚོགས་ཀྱི་མགྲིན་ཚབ་པའི་མཚན་ཐོག་ནས་གསར་ལམ་ཁག་དུ་གནས་ཚུལ་སྤེལ་ཡོད་པ་དང། ཟླ་འདིའི་ཚེས་༡༦ ཉིན་ཚོགས་པ་དེའི་གཉིས་ཀྱི་ངོས་ནས་གནས་ཚུལ་དེ་རྫུན་མ་རེད། ྋགོང་ས་མཆོག་ལ་ཡི་གེ་གཅིག་ཀྱང་ཕུལ་རྒྱུ་མ་བྱུང་ཞེས་ཁྱབ་བསྒྲགས་བྱས་ཡོད་པ་རེད།