དཔེ་དེབ་ངོ་སྤྲོད།

༡ བྱ་བ་ལས་ཀྱི་འཁོར་ལོའི་རྣམ་གཞག་ཅེས་པའི་དཔེ་དེབ་འདི་ནི་བཀའ་ཟུར་ལྕོག་སྟེང་ཐུབ་བསྟན་ནོར་བཟང་ལགས་ཀྱིས། ཕྱི་ལོ་༡༩༢༦ ནས་༡༩༦༨ བར་༧རྒྱལ་དབང་སྐུ་ཐོག་གཉིས་ལ་སྲི་ཞུ་བསྒྲུབས་པའི་སྐོར་དང་འབྲེལ་རང་ཉིད་ཀྱི་མི་ཚེའི་ལོ་རྒྱུས་བྲིས་གནང་བ་ཞིག་རེད་འདུག བོད་ཀྱི་དཔེ་མཛོད་ཁང་ནས་དེབ་འདི་ལོ་རྒྱུས་དེབ་ཕྲེང་༩༤ པར་དཔར་དུ་བསྐྲུན་འདུག  ༢ འཁོར་ཡུག་ལ་བདག་གཅེས།

༡)གཡུང་དྲུང་བོན་གྱི་ལམ་རིམ་སུམ་བརྒྱ་པ་དང་དེའི་འགྲེལ་པ་ཞེས་པ་འདི་ནི་མེ་སྟོན་ཤེས་རབ་འོད་ཟེར་གྱིས་རྩ་བ་དང་། གཤེན་སྟོན་ནམ་མཁའ་རྒྱལ་མཚན་གྱིས་འགྲེལ་པ་མཛད་པ་ཞིག་རེད་འདུག་ལ། བརྗོད་བྱ་ནི་བླ་མ་བསྟན་པ་ནས་གདམས་པ་བསྟན་པའི་བར་དོན་བཅུ་གཉིས་ཀྱི་བདག་ཉིད་ཅན་ཞིག་རེད་འདུག  ༢) རྟོག་པའི་རི་མོ་ཞེས་པའི་དེབ་འདི་ནི་རྩོམ་པ་པོ་དགེ་འདུན་རབ་གསལ་གྱིས་སྔོན་ཆད་བྲིས་པའི་དཔྱད་རྩོམ་དང་ཟིན་ཐོ་ཁག་ཅིག་ཞུ་སྒྲིག་གནང་བ་ཞིག་རེད་འདུག་པ་དང་། འདིའི་ནང་དུ་ཧོར་གོང་མའི་ཕོ་བྲང་གི་བོད་ཀྱི་རྩོམ་པ་པོ། བསྟན་རྩིས་ཀུན་ལས་བཏུས་པ་དང་ལོ་ཚིགས་དྭངས་ཤེལ་མེ་ལོང་གཉིས་བསྡུར་པའི་དཔྱད་ཞིབ་ཐོར་བུ་ཞིག བོད་ཀྱི་ལོ་རྒྱུས་ཁྲོད་ཀྱི་མཁན་ཆེན་དགེ་འདུན་རྒྱ་མཚོའི་སྐུ་ཚེ་སོགས་འདུག  ༣)

༡) མཛད་རྣམ་སྲིད་པ་མགུ་བའི་མཆོད་ཕྲེང་ཞེས་པའི་དེབ་འདི་ནི་སློབ་དཔོན་ཆེན་མོ་ལྡོང་ཕྱིང་གུར་བ་རྒྱལ་ལོས་བརྩམས་གནང་ཞིང་། གུང་ཐང་སྐུ་ཕྲེང་དྲུག་པ་༧རྗེ་འཇིགས་མེད་བསྟན་པའི་དབང་ཕྱུག་དཔལ་བཟང་པོའི་མཛད་རྣམ་ཞིག་རེད་འདུག་ལ། འདིའི་ནང་དུ་གུང་ཐང་སྐུ་ཕྲེང་དྲུག་པ་མཆོག་གིས་ཆོས་ཕྱོགས་ཙམ་མིན་པར་ བོད་ཀྱི་ཆབ་དཔལ་རིག་གསུམ་གྱི་ཐོག་ནས་མི་ཉམས་གོང་སྤེལ་དང་ཉམས་པ་སླར་གསོའི་ཆེད་དུ་སྐུ་ལས་འཛེམས་མེད་བསྐྱོན་པས། རྒྱ་གཞུང་གི་བཙོན་ཁང་དུ་མི་ལོ་༢༡ ཙམ་བཞུགས་དགོས་བྱུང་བ། མི་རིགས་ཀྱི་སློབ་གསོར་ཐུགས་ཁུར་གནང་ཚུལ། ཀུན་གཟིགས་པཎ་ཆེན་རིན་པོ་ཆེའི་ཕྱག་རོགས་སུ་བོད་ཀྱི་སློབ་གྲྭ་དང་སློབ་གསོའི་ཕྱག་ལས་གནང་བའི་སྐོར།