ཟིན་བྲིས།

རིགས་རང་བཞིན་བརྗོད་པའི་རྒྱན།། གཞན་གནོད་གཞི་དང་བཅས་པའི་དྲི་མས་སྤངས།།  ལེགས་ཉེས་བླང་དོར་འབྱེད་ལ་སྤྱན་ཡངས་པ།།  འཚམས་སྤྲིན་གསར་པའི་མདངས་འཛིན་ཆ་བྱད་ཅན།།  ཚངས་པར་སྤྱོད་པ་རྣམས་ནི་ཡི་གར་འོང་།།

རྒྱ་ནག་གི་དྲག་པོའི་བཙན་འཛུལ་དང་མེ་མདའི་ཧྲག་དབར་ནས་སྤུན་ཟླ་གྲངས་མང་ཞིག་གི་སྐུ་སྲོག་ཤོར་ཡོད་ལ། ཉེས་མེད་ཁྲིམས་གཅོད་ཀྱི་རྡུང་གདག་དབར་ནས་སྤུན་ཟླ་གྲངས་མང་ཞིག་གར་སོང་ཆ་མེད་དུ་གྱུར་ཡོད། འདི་ནི་རྒྱ་ནག་དམར་གཞུང་གིས་བོད་དུ་བཟུང་བའི་སྲིད་ཇུས་མ་རུང་བ་ཞིག་དང་། གྲངས་ཉུང་མི་རིགས་ལ་མནར་གཅོད་དང་རྡུང་གདག་བཏང་བའི་མཚོན་དོན་བླ་ན་མེད་པ་ཞིག་ཀྱང་ཡིན།

ངའི་དུས་རྒྱུན་གྱི་བསམ་ཕྱོགས་ལྟར་ན་ང་ཚོའི་སྤྱི་ཚོགས་ཁྲོད་དུ་རྒྱུན་འཇགས་སུ་སོང་བའི་བསམ་སྤྱོད་ནོར་འཁྲུལ་ཅན་ཞིག་ཡོད་པ་ནི་རང་གི་རིག་གཞུང་གི་དགེ་མཚན་ལ་ནོ་བསམ་ཆེར་མི་གཏོང་བར་ཕྱི་གླིང་བ་འམ་རྒྱ་རིགས་ཀྱི་རིག་གཞུང་དག་ལ་དང་བ་ཤོར་འགྲོ་བ་དང་ཡིད་སྨོན་སྐྱེ་འགྲོ་བ་འདི་རེད། འདིའི་རྐྱེན་རྩ་གཅིག་ནི་ང་ཚོའི་རིག་གཞུང་གི་ཁྲོད་དུ་མི་ཆོས་དང་། སྤྱི་ཚོགས་ཀྱི་འཚོ་བར་ཉེ་བའི་ཁ་ཡོད་ལག་ཡོད་ཀྱི་ལམ་སྟོན་ཡང་དག་པ་ཞིག་མེད་པས་རེད་ཅེས་མང་པོ་ཞིག་གིས་བསམ་ཤིང་བཤད་ཡོད། འོན་ཀྱང་ངས་འདུ་ཤེས་དེ་ནི་བསམ་གཞིགས་གཏིང་ཟབ་མ་བྱས་པའི་ཚོར་ཐོག་གི་རགས་བཤད་ཙམ་ལ་ངོས་འཛིན་བྱེད་ཀྱི་ཡོད།