པཎ་ཆེན་སྐུ་ཕྲེང་བརྒྱད་པ་བསྟན་པའི་དབང་ཕྱུག་ནི། གཙང་ཐོབ་རྒྱལ་དུ་ཡབ་བོན་རིགས་བསྟན་འཛིན་རྣམ་རྒྱལ་དང༌། ཡུམ་བཀྲིས་ལྷ་མོ་གཉིས་ཀྱི་སྲས་སུ་རབ་བྱུང་བཅུ་བཞི་པའི་ཤིང་ཡོས་༡༨༥༥ལོའི་ཟླ་བརྒྱད་པའི་ཚེས་བརྒྱད་ཉིན་སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་བདུན་པ་བསྟན་པའི་ཉི་མ་ནི། གཙང་ཉང་སྨད་པ་སྣམ་སྐྱིད་གཤོངས་སུ་ཡབ་དཔལ་ལྡན་དོན་གྲུབ་དང༌། ཡུམ་འཆི་མེད་རྒྱལ་མོ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ཆུ་སྟག་༡༧༨༢ལོའི་བོད་ཟླ་བཞི་པའི་ཚེས་བརྒྱད་ཉིན་སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་དྲུག་པ་དཔལ་ལྡན་ཡེ་ཤེས་ནི། གཙང་གི་ས་ཁུལ་ཤངས་བཀྲིས་རྩེར་ཡབ་ཚེ་རིང་དཔལ་འབྱོར་དང༌། ཡུམ་ལྷ་ལྕམ་གཉིས་ཀྱི་སྲས་སུ་རབ་བྱུང་བཅུ་གཉིས་པའི་ས་རྟ་༡༧༣༨ལོར་སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ནི། གཙང་ཐོབ་རྒྱལ་དུ་ཡབ་ཞབས་དྲུང་བསོད་ནམས་དབང་གྲགས་དང༌། ཡུམ་ཚེ་བརྟན་བུ་འཁྲིད་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ཆུ་ཡོས་༡༦༦༣ལོའི་བོད་ཟླ་བདུན་པའི་ཚེས་བཅོ་ལྔ་ཉིན་ངོ་མཚར་བའི་ལྟས་དུ་མ་དང་བཅས་སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་ནི། གཙང་རོང་མཚམས་ལྷན་དྲུག་ཏུ། ཡབ་དཔོན་ཚང་ཀུན་དགའ་འོད་ཟེར་རམ་ཚེ་རིང་དཔལ་འབྱོར་དང༌། ཡུམ་མཚོ་རྒྱལ་གཉིས་ཀྱི་སྲས་སུ་རབ་བྱུང་བཅུ་པའི་ལྕགས་རྟ་ལོར་༡༥༧༠སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་གསུམ་པ་དབེན་ས་བ་བློ་བཟང་དོན་འགྲུབ་ནི། གཙང་གཡས་རུ་དབེན་ས་ཞེས་པར་ཡབ་བསོད་ནམས་རྡོ་རྗེ་དང༌། ཡུམ་དཔལ་འཛོམས་སྐྱིད་གཉིས་ཀྱི་སྲས་སུ་རབ་བྱུང་བརྒྱད་པའི་ཤིང་གླང་༡༥༠༥ལོར་སྐུ་འཁྲུངས། སྐྱེ་མ་ཐག་ནས་མ་ཎི་འབྲུ་དྲུག་ཞལ་མདོན་མཛད་པ་སོགས་ཡ་མཚན་པའི་རང་རྟགས་དུ་མ་བསྟན། དགེ་འཕེལ་མཁན་པོ་ལེགས་བློ་བས་མཚན་ལ་མགོན་པོ་སྐྱབས་ཞེས་བཏགས། རྗེ་སྐྱབས་མཆོག་དཔལ་བཟང་ལ་ལྷག་པའི་ལྷ་དང་བླ་མ་དུ་མས་ལུང་གིས་བསྟན་པ་ལྟར་ཐམས་ཅད་མཁྱེན་པ་བསོད་ནམས་ཕྱོགས་ཀྱི་གླང་པོའི་གདན་ས་དབེན་དགོན་ལ་ཕེབས་ཏེ། ཆུང་དུས་ནས་ཡི་གེ་འབྲེི་ཀློག་དང་ཆོས་སྤྱོད་སོགས་བསླབས་པས་ཚེགས་མེད་པར་མཁྱེན། དགུང་ལོ་བཅུ་གཅིག་པར་ལྷ་རི་རྩེ་བ་ཆོས་རྗེ་གྲགས་པ་དོན་འགྲུབ་པའི་དྲུང་ནས་རབ་ཏུ་བྱུང་བའི་མཚན་ལ་བློ་བཟང་དོན་འགྲུབ་ཞེས་གསོལ།
རྒྱས་པར་གཟིགས།པཎ་ཆེན་སྐུ་ཕྲེང་གཉིས་པ་བསོད་ནམས་ཕྱོགས་ཀྱི་གླང་པོ་ནི། གཙང་གཞིས་རྩེ་རྒྱ་མདའ་དབེན་ས་ཁུལ་དུ་བླ་མ་རྣམ་རྒྱལ་དབང་ཕྱུག་གི་ཚ་བོར་རབ་བྱུང་བདུན་པའི་ས་ལུག་༡༤༣༩ལོའི་བོད་ཟླ་དང་པོའི་ཚེས་བཅུ་གཉིས་ཉིན་སྐུ་འཁྲུངས།
རྒྱས་པར་གཟིགས།པཎ་ཆེན་སྐུ་ཕྲེང་རིམ་བྱོན་གྱི་རྣམ་ཐར་རགས་ཙམ་གླེང་པ། སྣང་མཐའི་ཟློས་གར་པཎ་ཆེན་སྐུ་ཕྲེང་རིམ་བྱོན་ནི། སྟོན་པའི་སྤྱན་སྔར་གནས་བརྟན་རབ་འབྱོར། རིགས་ལྡན་འཇམ་དཔལ་གྲགས་པ། འཕགས་ཡུལ་ཤར་ཕྱོགས་ཀྱི་སློབ་དཔོན་ཆེན་པོ་ལེགས་ལྡན་འབྱེད། དབུ་མའི་སྲོལ་འཛིན་རིག་པའི་ཁུ་བྱུག དཔལ་ལྡན་ཆོས་ཀྱི་གྲགས་པ། མཁས་གྲུབ་ལྷ་དབང་བློ། རྡོ་རྗེ་གདན་གྱི་སྨྲ་བའི་སེང་གེ་ཀརྨ་དེ་བ། དྲང་སྲོང་ཆེན་པོ་ལེགས་པའི་བློ་གྲོས། སློབ་དཔོན་ཨ་བྷྱ་ཡ། དྲིལ་བུ་བ། ལོ་ཆེན་བཻ་རོ་ཙ་ན། སྣ་ནམ་ཡེ་ཤེས། འགོས་ཁུག་པ་ལྷས་བཙས། བསོད་ནམས་བླ་མ། གཡུང་སྟོན་རྡོ་རྗེ་འབང་བ། གནས་ལྔ་རིག་པའི་དབང་ཕྱུག་ས་སྐྱ་པཎྜིཏ། ལ་སོགས་པའི་འཕགས་བོད་ཀྱི་མཁས་གྲུབ་དུ་མའི་སྐྱེ་བ་བཞེས་པའི་རྣམ་པར་ཐར་པ་རེ་རེ་བཞིན་བརྗོད་ཀྱིས་མི་ལངས་ཤིང༌། འདིར་པཎ་ཆེན་སྐུ་ཕྲེང་རིམ་བྱོན་གང་ནས་བརྩི་བའི་ཐོག་མ་མཁས་གྲུབ་ཐམས་ཅད་མཁྱེན་པ་ནས་འཇོག་པའི་སྲོལ་ལྟར་བྱས་ཏེ་ད་ལྟའི་བར་གྱི་སྐུ་རབས་ཕྲེང་བའི་རྣམ་པར་ཐར་བ་མདོ་ཙམ་གླེང་བར་བྱ་སྟེ།
རྒྱས་པར་གཟིགས།འཇིག་རྟེན་དབང་ཕྱུག་བཞད་པའི་འཛུམ་དཀར་ཁྲོད།
མཐའ་དབུས་སྐྱེ་འགྲོ་ཞི་བདེའི་སྤྲོ་དགའ་འབར།།
ལྷག་ཏུ་མགོ་ནག་བོད་ཀྱི་དབུགས་རྒྱུན་ཉིད།།
ཁྱེད་སྐུ་མི་འགྱུར་ལྷུན་པོའི་རྗེས་འགྲོ་མཛོད།།
རྒྱས་པར་གཟིགས།
བེ་རི་འཇིགས་མེད།
བྱམས་པས་ཡུན་རིང་བསྐྱངས་པའི་ཕ་མ་དང་བྲལ་ཞིང༌།།
བརྩེ་སེམས་འཛུམ་གྱིས་བསུ་བའི་སྤུན་མཆེད་ནི་རིང་སོང༌།།
སྐྱིད་པའི་ཕ་ཡུལ་ལུང་པ་རྒྱབ་ལོགས་སུ་བཞག་ནས།།
རྒྱུས་མེད་མི་ཡུལ་ལུང་པར་སྔོན་ལས་གྱིས་སླེབས་སོང༌།།