ཕྱི་ཟླ་དྲུག་པ།
སྟོད་དིང་རི་རྫོང་ཤེལ་དཀར་ཆོས་སྡེའི་དགེ་འདུན་པ་འཛིན་བཟུང༌།
འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། དིང་རི་རྫོང་ཤེལ་དཀར་ཆོས་སྡེར་རྒྱ་གཞུང་གིས་བཙན་བཀའི་འོག་རྒྱལ་གཅེས་ཆོས་གཅེས་ཞེས་པའི་ལས་འགུལ་སྤེལ་སྐབས། དགེ་འདུན་པས་ངོས་ལེན་མ་བྱས་པར་བརྟེན། དགེ་འདུན་པ་བཅུ་གསུམ་འཛིན་བཟུང་བཙོན་འཇུག་བྱས་རྗེས་གང་དུ་ཁྲིད་ཡོད་མེད་ཤེས་རྟོགས་བྱུང་མེད་པ་རེད། དིང་རི་རྫོང་ཤེལ་དཀར་ཆོས་སྡེའི་ཕྱག་མཛོད་གྲྭ་མཁྱེན་རབ་མཐར་ཕྱིན་ལགས་ཀྱིས་སྣེ་ཁྲིད་འོག་དགེ་འདུན་བཅུ་གཉིས་ཀྱིས་རྒྱལ་གཅེས་ཆོས་གཅེས་ཟེར་བའི་སློབ་གསོ་ལ་ངོས་ལེན་མ་བྱས་པ་དང༌། རྒྱ་ཆེ་བའི་རྔམ་སྟོན་ཁྲོམ་སྐོར་བྱེད་རྒྱུའི་འཆར་གཞི་ཡོད་པ་ལྟར། དེ་ཁུལ་མང་ཚོགས་ལའང་བརྒྱུད་སྐུལ་བྱེད་རྒྱུའི་གསང་བརྡ་གྱར་ཏེ་དགོན་པར་གཏན་སྡོད་བྱས་པའི་རྒྱ་གཞུང་གི་ལས་དོན་ཚོགས་ཆུང་དང༌།
རྒྱས་པར་གཟིགས།
སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པ་དེ་ཟླ་འདིའི་ཚེས་༨ ཉིན་འགོ་འཛུགས་ཀྱིས་གངས་སྐྱིད་གྲོས་ཚོགས་ཚོགས་ཁང་དུ་འཚོག་བཞིན་ཡོད་པ་དང༌། ཉིན་དང་པོ་བོད་མི་མང་སྤྱི་འཐུས་ཚོགས་གཙོ་ཀརྨ་ཆོས་འཕེལ་མཆོག་གིས་དབུ་འཛུགས་མཛད་སྒོའི་གསུང་བཤད་གནང་སྐབས། ཕྱི་ཟླ་༣ པ་ནས་ད་ལྟ་བར་བོད་ནང་གཞི་ལུས་སྤུན་ཟླ་ཚོས་ཞི་བའི་གྱེན་ལངས་ཀྱི་ལས་འགུལ་སྤེལ་བར་རྒྱ་ནག་གཞུང་གིས་དམ་དྲག་ཆེན་པོ་བྱས་ཡོད་སྟབས། ཛ་དྲག་གི་འོག་ཏུ་གནས་ཡོད་པ་རེད། ཡིན་ནའང་བོད་མི་ཚོས་ཞི་རྒོལ་གནང་རྒྱུའི་ཆོད་སེམས་དེ་མུ་མཐུད་ནས་བརྟན་པོ་གནས་ཡོད་པ་དང༌། དེའི་ཐོག་གྲོས་ཚོགས་ལ་ཐུགས་ཚབས་ཆེན་པོ་ཡོད་པ་མ་ཟད། གུས་བཏུད་དང་རྒྱབ་སྐྱོར་ཡོད་པ་གྲོས་ཚོགས་འདིའི་ལས་དོན་གྱི་རིང་ལ་རྣམ་པ་གསལ་ཡོང་གི་རེད་བསམ་གྱི་འདུག་ཅེས་གསུངས་ཡོད་པ་རེད།