Uncategorized

སྤུན་ཟླ་ཁྱེད་ཀྱིས་མཁའ་འགྲོ་མ་ཞེས་བརྗོད་མ་ཐག་ངའི་མིག་ནང་འཁོར་ཡོང་ བ་ནི་མིང་དོན་མཚུངས་པའི་སྔོན་བྱོན་བོད་ཀྱི་མཛངས་མ་མ་ཅིག་ལབ་སྒྲོན་རེད། འོན་ཀྱང་དེང་སང་ང་ཚོའི་སྤྱི་ཚོགས་སུ་ཆེ་གེ་མོ་འགའ་ཡིས་མཐོ་ས་ནས་རྫིག་ཉམས་ངོམ་པ་ལས་ཁོང་མོ་ལྟ་བུའི་དོན་དམ་གྱི་མཛངས་མ་ནི་ཉིན་མོའི་སྐར་མ་ལྟར་རེད།  ད་ང་ཚོའི་བརྗོད་གཞི་སྣ་མང་ཡོང་ཕྱིར། གུས་མོས་བུད་མེད་ཀྱི་དོན་གནད་ཐོག་ནས་གླེང་ན་ང་ཚོའི་ཁྱིམ་གཞི་འདིའང་འཁྲུག་ཆ་ཆེ་རུ་འགྲོ་བའི་དགེ་མཚན་ཡོད།   དེའང་འུ་ཚང་གི་གནའ་དཔེར་ལུང་པ་རྩྭ་ཕྱེད་ཆུ་ཕྱེད།  རྒྱལ་ཁམས་ཕོ་ཕྱེད་མོ་ཕྱེད་ཅེས་ཟེར་སྲོལ་ཡོད་པ་ལྟར་བུད་མེད་རྣམས་ཀྱི་བྱ་བྱེད་ཡོངས་རྫོགས་འུ་ཚང་གི་ཁྱིམ་གཞི་ཆེན་མོར་འཇིག་བརྟེན་པའི་བདེ་སྐྱིད་དང་ཐད་ཀར་འབྲེལ་བ་ཡོད་སྟབས་། ཕ་ས་དང་མི་འདྲ་བ་རང་དབང་ལུང་པར་འཚོ་བཞིན་པའི་བུད་མེད་ཚོའི་འཇོན་ནུས་གང་ཅིའི་ཐད་ཡར་རྒྱས་ཀྱི་གོ་རིམ་འཐུས་ཚང་ཞིག་མ་བྱུང་ན།

ཁར་སང་དེ་རིང་ཞིག་ནས་མི་མང་པོ་ཞིག་གློ་བུར་དུ་གཉིད་ལས་སད་པ་ལྟ་ག་ས་གང་ལ་དོགས་པ་རྣམ་རྟོག་རེ་སློང་ས་ཨེ་རྙེད་ལྟ་བཞིན་འདུག་ལ། དེའི་གྲས་ནས་ངས་དོ་སྣང་བྱུང་ས་གཅིག་ནི་རང་རེའི་མགོ་མཁས་གྲུབ་དམ་པ་དག་ནས་མཇུག་ལུག་རྫི་རྒན་པོ་ཡན་ཆད་ཀྱིས་གཙུག་གི་ཏོག་ལྟར་བཀུར་བའི་མི་ལ་བཞད་པའི་རྡོ་རྗེ་ཞེས་མཚན་ཡོངས་སུ་གྲགས་པ་དེའི་རྣམ་ཐར་སྤྱི་དང་ལྷག་པར་ཡང་མགུར་འབུམ་གྱི་སྐོར་ལ་དོགས་སློང་འདི་འདྲ་ཞིག་ཡོང་གིན་འདུག དེ་ཡང་མི་ལ་སྐད་གྲགས་ཆགས་པ་དེ་ཡང་ཚུར་གཏུག་དུས་གཙང་སྨྱོན་ཧེ་རུ་ཀ་རུས་པའི་རྒྱན་ཅན་གྱིས་རྩོམ་སྒྲིག་མཛད་པའི་མགུར་འབུམ་རྣམ་ཐར་འདི་ཁོ་ན་ལས་མི་ལའི་ངོ་མཚར་བའི་མཛད་པ་རྣམས་རྟོགས་པ་ཡིན་མོད། རྣམ་མགུར་འདི་ལ་དོགས་གཞི་སྐྱེ་ས་མི་ཉུང་བ་ཞིག་ཡོད་པ་དེར་ཡང་ཁག་མེད། མགུར་དུ་བླངས་པའི་ཚིག་དེ་དག་རྗེ་མི་ལ་རང་གིས་ཡིག་ཐོག་ཏུ་བཀོད་པ་མེད་ལ་དེའི་ཞལ་སློབ་ལྟ་བུ་ཞིག་གིས་བཀའ་བསྡུ་བྱས་ཚུལ་ཡང་མེད། དེ་ཡང་དཔེར་ན་ལྷ་འདྲེ་མི་མ་ཡིན་ལ་བླངས་པའི་མགུར་གླུ་དེ་ཚོ་སུ་ཞིག་གིས་ཐོས་ཤིང་ཡི་གེར་བཀོད་ཚུལ་སོགས་ལ་ཡང་དོགས་གཞི་ཆེ། གཙང་སྨྱོན་གྱིས་བཀའ་བསྡུ་བྱས་ཟེར་ན་གཙང་སྨྱོན་འདི་བ་མི་ལ་འདས་ནས་ལོ་བརྒྱ་ཕྲག་དུ་མའི་རྗེས་སུ་བྱུང་བ་ཡིན་ཞིང་ཁོང་གིས་རྗེ་མི་ལའི་མགུར་འབུམ་བསྒྲིགས་ཚུལ་སྐོར་ཡང་དམངས་ཁྲོད་ནས་བསྡུ་རུབ་གནང་ཚུལ་ཞིག་གསུངས་འདུག དངོས་ཡོད་གནས་སྟངས་གཞིར་བཞག་ནས་བསམ་ན་རྗེ་མི་ལ་ཟེར་བ་ཞིག་འཇིག་རྟེན་འདིར་བྱུང་བར་བསྙོན་དུ་མེད་ཀྱང་རྣམ་ཐར་དུ་བྲིས་པ་ཚང་མ་བདེན་པ་ཡིན་མིན་གྱི་དོགས་གཞི་སྐྱེས་ཡུལ་ཞིག་ཆགས་འདུག་པ་ནི་མགུར་མ་འདི་དག་ལས་ཀྱང་ཤེས་པ་ཞིག་རེད། འོན་ཀྱང་རྣམ་ཐར་རང་ངོས་ནས་སྤྱིར་བཏང་རྩོམ་རིག་གི་སྒྱུ་རྩལ་དང་ནང་དོན་རིག་པའི་རྣམ་བཞག་དང་མཐུན་མིན་གྱི་སྐོར་ལ་བསམ་ཚེ་རྨ་ཐར་འདི་འདྲའི་ཡིད་འཕྲོག་པ་ཞིག་ཕལ་ཆེར་བོད་དུ་མི་འདུག་ཅེས་བརྗོད་ཆོག་པར་འདུག

མཁྱེན་སྤྱན་ཡངས་པའི་དྲྭ་རྒྱའི་གཙིགས་མོ་བ་ཡོངས་ཀྱི་སྤྱན་ལམ་དུ་སྟབས་འབུལ། ཁོ་བོའི་རིང་མོ་ཞིག་ནས་བཤད་འདོད་པ་ནི་བོད་རིགས་གཞོན་སྐྱེས་མི་ཉུང་བ་ཞིག་དང་མ་འོངས་བོད་ཀྱི་འཐབ་རྩོད་དང་གནའ་བོའི་རིག་གཞུང་རྣམས་མི་རབས་རྗེས་མ་དག་ལ་ཇི་ལྟར་རྩིས་སྤྲོད་བྱེདཕྱོགས་སྐོར་བགྲོ་གླེང་ཞིབ་བསྡུར་ནན་མོ་བྱ་རྒྱུ་དེ་་ཡིན། 

I am very happy to see the new website

གྲོགས་པོ་བཀྲ་ཤིས་བདེ་ལེགས་ལགས། ཁྱེད་ཀྱི་གློག་ཀླད་ནང་ཧི་མ་ལ་ཡའི་ཡིག་གཟུགས་ཡོད་པའི་ཐོག་  དྲ་འབྱེད་གཉེན་ཆས་གསར་པ་ internet explorer 7  འམ་ཡང་ན་ firefox 3.0.5

སྦེལ་ཀོབ་ས་གནས་གཞོན་ནུ་དང་བུད་མེད་སོགས་ཀྱིས་མྱང་ངན་དྲན་གསོའི་ཆེད་ལོ་གསར་མི་གཏོང་བའི་ལས་འགུལ་ཟེར་བ་དེར་ང་རང་གི་ངོས་ནས་རྒྱབ་སྐྱོར་བྱེད་འོས་སུ་མཐོང༌། ད་ལོར་ཆ་མཚོན་ན་བོད་གངས་ཅན་གྱི་ལྗོངས་དེ་ཉིད་བཙོན་ར་ཆེན་པོ་ཞིག་གི་ངང་ཚུལ་ལས་མེད་ལ། བོད་མི་ཚོར་མཚོན་ན་བཙོན་པ་རྐྱང་རྐྱང་གི་འཚོ་བ་ཞིག་བསྐྱལ་དང་སྐྱེལ་མུས་རེད། ལོ་རྗེས་མར་ཆ་བཞག་ན་བོད་ཁམས་ཡོངས་རྫོགས་རྒྱ་འོག་ཏུ་བསྡུས་པ་དང༌། ྋགོང་ས་སྐྱབས་མགོན་ཆེན་པོས་གཙོས་བོད་མི་མང་པོ་མི་འདོད་བཞིན་བཙན་བྱོལ་དུ་འབྱོར་ནས་ལོ་ངོ་ལྔ་བཅུ་འཁོར་བའི་མྱ་ངན་དུས་དྲན་གྱི་ལོ་ཞིག་ཡིན་པ་ལས། དགའ་སྐྱིད་ཀྱི་དཔལ་ལ་རོལ་བའི་དུས་བཟང་ཞིག་གཏན་ནས་མིན། དེར་བརྟེན་བཙན་བྱོལ་ནང་ཙམ་དུ་མ་ཟད། བོད་ནང་གི་རྒྱ་ཆེའི་སྤུན་ཟླ་རྣམས་ཀྱིས་མྱ་ངན་མཚོན་བྱེད་དུ་ལོ་གསར་གྱི་དགའ་སྟོན་མི་བྱེད་པའི་ལས་འགུལ་ཞིག་སྤེལ་ཐུབ་ན་བོད་སྤྱི་པའི་རྩ་དོན་ལ་གང་ལ་གང་འཚམ་གྱི་ཕན་ཐོགས་ཡོང་ངེས་རེད། དེར་བརྟེན་རྒྱ་ཆེའི་བོད་རིགས་སྤུན་ཟླ་རྣམས་ཀྱིས་ལས་འགུལ་དེར་རྒྱབ་སྐྱོར་དགོས་རྒྱུ་གལ་ཆེན་པོ་རེད་སྙམ།།

ད་ལྟའི་དུས་ཚོད་འདིར་བཙན་བྱོལ་བོད་པའི་སྤྱི་ཚོགས་ལ་མཚོན་ན་རྩོད་རྙོག་ཧ་ཅང་ཉུང་ཉུང་ཡིན་ནའང༌། ཤུགས་ལྡན་སྐོར་གྱི་རྩོད་རྙོག་དེ་གཏན་ནས་འཇམ་ཐུབ་ཀྱི་མེད་པ་རེད། དེ་ལའང་རྒྱུ་མཚན་མི་འདྲ་བ་གཉིས་ཀྱི་ཐོག་ནས་འཇམ་ཐུབ་ཀྱི་མེད་པ་དང༌། དེ་ཡང་ཁེ་ཕན་དང་འབྲེལ་བའི་ཆ་ནས་རྩོད་རྙོག་དེ་ཞི་འཇམ་དུ་འགྱུར་ཐུབ་ཀྱི་མེད་པ་དང༌། ཁག་ཅིག་གིས་སྒེར་ནད་སྤྱི་སྤུངས་ཀྱི་ཐོག་ནས་རྩོད་རྙོག་དེ་ཞི་འཇམ་དུ་གཏོང་མི་ཐུབ་པའི་འབད་བརྩོན་བྱེད་བཞིན་ཡོད་པའི་ཚོར་སྣང་བྱུང༌།

དོན་དམ་པའི་ཤེས་ཡོན་པ་ཞིག་ཡིན་ན། རྒྱུ་མཚན་ལྡན་པ་དང༌། དངོས་ཡོད་གནས་ཚུལ་དང་མཐུན་པའི་རྣམ་དཔྱོད་དང་རིག་པའི་རྩལ་གྱིས་གཞན་ལ་འགྲན་ཟླ་དང་སྐྱོན་བརྗོད་བྱེད་པ་ལས། སྒེར་གྱི་འཁོན་འཛིན་དང་ཚོད་དཔག་རྐྱང་རྐྱང་གིས་གཏམ་ཉོག་གང་སར་སྤེལ་བ་ནི། ཤེས་ཡོན་པ་དངོས་གནས་ཤིག་མིན་པའི་རྟགས་མཚན་རེད། དེ་ལྟར་ཞིབ་ཚགས་ཀྱིས་བསམ་བློ་གཏོང་ན་དོན་དམ་པའི་ཤེས་ཡོན་པ་དང༌། རྩོམ་པ་པོ། སྙན་ངག་པ་ཞིག་ང་ཚོའི་སྤྱི་ཚོགས་སུ་རྙེད་དཀའ་བར་གྱུར་ཡོད། དེའི་རྒྱུ་མཚན་ནི་མི་གཞིའི་ཀུན་སྤྱོད་ལ་དོ་སྣང་མ་བྱས་པ་དང༌།

ཟིན་བྲིས་བདག་པོ་རྣམས་ལ་དེ་རིང་ཆེད་དུ་འབོད་སྐུལ་ཞུ་རྒྱུ་གཅིག་ཡོད། ཁྱེད་ཀྱིས་ཟིན་བྲིས་སུ་རྩོམ་ཡིག་འགོད་པའི་སྐབས། རྩོམ་ཡིག་གི་ནང་ནས་ཐིག་ཕྲེང་གང་ཉུང་ཉུང་གི་མཚམས་སུ་མདའ་མགོ་བཞག་པ་དང༌། གཤམ་དུ་(བརྙན་རིས)(Pagebreak)(དེ་ལས་མང་)ཞེས་གསུམ་ཡོད་པའི་ནང་ནས་(དེ་ལས་མང་)ཞེས་གཤམ་འཁོད་དཔེ་རིས་ཐོག་དམར་རྟགས་བརྒྱབ་པ་དེར་རྐྱང་རྡེབ་གནང་རོགས། དེ་ལྟར་བྱས་ནས་ཁྱེད་ཀྱི་རྩོམ་ཡིག་གི་སྟོད་དེ་ཕྱི་ལོགས་སུ་ཡོད་པ་དང༌། དེའི་འཕྲོས་རྒྱབ་ལོགས་སུ་འགྲོ་ཐུབ། རྩོམ་ཡིག་ཆ་ཚང་ཀློག་སྐབས་རྩོམ་ཡིག་གི་ཁ་བྱང་ཐོག་རྐྱང་རྡེབ་བྱས་ན་ཆ་ཚང་མཐོང་ཐུབ། རྩོམ་ཡིག་ཚང་མ་ཕྱི་ལོགས་སུ་བཀོད་ན། ཟིན་བྲིས་མང་པོ་ཞིག་མདུན་ངོས་མི་ཆུད་པའི་དཀའ་ངལ་འདུག་པས་དེ་ལུགས་དགོངས་བཞེས་ཡོང་བ་ཞུ་བཞིན་ཡོད།