གསར་འགྱུར་གནད་བསྡུས་ཁག

ཨ་རིའི་ལོ་སི་ཨན་ཇི་ལིར་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གིས་བརྒྱུད་བསྐུལ་འོག རྒྱ་རིགས་སློབ་མའི་ཚོགས་པ་ཞིག་གིས་༧གོང་ས་མཆོག་གིས་གསུང་བཤད་གནང་རྒྱུའི་ལས་རིམ་ཞིག་ལ་ངོ་རྒོལ་བྱས་སྐོར་གྱི་གནས་ཚུལ་ཐོན་འདུག

ཤོག་ཁག་དབྱེ་འབྱེད་དང་མི་སྤྱོད་ལས་འགོངས་པའི་གཏམ་བཤད་སྤེལ་མཁན་གྱི་ཆབ་སྲིད་པ་ཚོས། འཛམ་གླིང་ཁ་འཐོར་དང་ཉེན་ཁ་རང་བཞིན་ཅན་དུ་བསྒྱུར་གྱི་འདུག་ཅེས་རྒྱལ་སྤྱིའི་ཉེས་ཡངས་ཚོགས་པས་བརྗོད་ཡོད་འདུག

ཟླ་འདིའི་ཚེས་༢༡ ཉིན། རྒྱ་གར་བང་ཆེན་གསར་ཤོག་གི་དྲ་ཐོག་གནས་ཚུལ་ཐོན་གསལ། ལྷོ་ཨ་ཧྥི་རི་ཀའི་རྒྱལ་ཁབ་ནེ་ཇི་རི་ཡ། སོ་མོ་ལི། ལྷོ་སུའུ་ཌན་དང་ཡེ་མན་བཅས་ནང་ཕྲུ་གུ་ས་ཡ་གཅིག་དང་ཚག་བཞི་ཙམ་ལ་་ཟས་བཅུད་མ་འདང་ནས་མུ་གེའི་དཀའ་ངལ་འཕྲད་བཞིན་ཡོད་འདུག

ཟླ་འདིའི་ཕྱི་ཚེས་༢༠ ཉིན་རྒྱལ་སྤྱིའི་གསར་ལམ་ཁག་ཏུ་གནས་ཚུལ་འཁོད་གསལ་ལྟར་ན། སི་པེན་གྱི་གྲོང་ཁྱེར་མེ་ཌི་རི་ཌི་དང་བྷར་སེ་ལོ་ན་སོགས་ནས་ཏར་འཕྲིན་སོགས་ཀྱི་འབྲེལ་ལམ་བརྒྱུད། མི་གཞན་མགོ་བསྐོར་བཏང་ནས་དངུལ་རྐུ་བ་ལྟ་བུ་གཞན་ལ་གནོད་པའི་བྱ་བ་བྱེད་མཁན་གྱི་རིགས་ཕྱིར་ཕུད་གཏོང་འཆར་ཡོད་པ་རེད།

ཨ་རི་དང་འབྲེལ་ལམ་ཡག་པོ་མེད་མཁན་གྱི་རྒྱལ་ཁབ་ཨི་རན་དང་བྱང་ཀོ་རི་ཡ་གཉིས་ཀྱིས། ཕྱོགས་གཉིས་ཀྱི་དཔལ་འབྱོར་སོགས་ཀྱི་འབྲེལ་ལམ་ཡག་ཏུ་གཏོང་རྒྱུ་ཡིན་སྐོར་བརྗོད་ཡོད་འདུག

ཟླ་འདིའི་ཕྱི་ཚེས་༡༨ ཉིན་རོའུ་ཊར་གསར་ཁང་གིས་གནས་ཚུལ་སྤེལ་གསལ་ལྟར་ན། པ་ཀི་སི་ཐན་གྱི་ཁ་ཆེའི་གནས་ཆེན་སུ་ཧྥི་ལྷ་ཁང་དུ་ཁ་ཆེ་འཇིགས་སྐུལ་རིང་ལུགས་པ་ཨི་སི་སིའི་རང་གཞན་གཉིས་ཕུང་གི་འབར་གས་གཏོར་རྒོལ་བའི་དྲག་སྤྱོད་དོན་རྐྱེན་འོག