གསར་འགྱུར་གནད་བསྡུས་ཁག

རྒྱ་གར་གྱི་ཇར་ཁན་ཀྲེ་(Jharkhand) མངའ་སྡེའི་གྲོང་ཁྱེར་ཇཱམ་ཤེ་པུར་(Jamshedpur) གྱི་ས་གནས་གྷོལ་མུ་རི་རྩེད་ཐང་དུ། བོད་མི་སུད་ཚོང་གི་ཁྲོམ་ར་སྒོ་འབྱེད་ཀྱི་མཛད་སྒོ་འཚོགས་ཡོད་འདུག

ཟླ་འདིའི་ཚེས་༢༤ ཉིན་རྡ་སྟེང་བོད་ཁྱིམ་སློབ་གྲྭའི་རྩེད་ཐང་དུ། ཧི་མ་ཅལ་མངའ་སྡེའི་ཁུལ་གྱི་བོད་ཁྱིམ་སློབ་གྲྭ་ལྔ་ཡི་བར་ལ། རྒྱུགས་མཆོང་འཕེན་གསུམ་གྱི་རྩེད་འགྲན་བྱས་ཡོད་པ་དང་། རྩེད་འགྲན་གྱི་སྤྱི་ཡོངས་བརྒྱ་ཆ་མཐོ་ཤོས་སུ་ཇ་བོད་ཁྱིམ་སློབ་གྲྭ་ཡིན་པ་རེད།

ཟླ་འདིའི་ཚེས་༡༩ ཉིན་རྒྱ་གར་ཧིན་དྷའི་གསར་ཤོག་བྷ་སེ་ཀར་(Bhaskar) སྟེང་དུ་གནས་ཚུལ་བཀོད་གསལ། ཟླ་འདིའི་ཚེས་༡༨ ཉིན་རྒྱ་གར་གྱི་མངའ་སྡེ་ཧ་རི་ཡ་ནའི་ས་གནས་ (bahadurgarh) བྷ་ཧ་རྡུར་གྷར་ནང་གི་བོད་མིའི་སུད་ཚོང་ཁྲོམ་རར། རྒྱ་གར་ས་གནས་ཚོང་པ་མང་པོ་ཞིག་སླེབས་ནས་སུད་ཚོང་གི་གནས་སྐབས་ཚོང་ཁང་འཛུགས་བཞིན་པ་རྣམས་གཏོར་བཤིག་བཏང་ཡོད་འདུག