གསར་འགྱུར་གནད་བསྡུས་ཁག

རྒྱ་ནག་གཞུང་གིས་ཚའེ་དབྱིང་ཝན་གྱིས་འགོ་ཁྲིད་པའི་ཐའེ་ཝན་གཞུང་དང་རྒྱ་ནག་སྐམ་ས་ཆེན་མོའི་གཞུང་བར་གྱི་འབྲེལ་ལམ་བཅད་ཡོད་འདུག

རྒྱ་གར་གྱི་ཆར་དུས་དང་བསྟུན་ནས་མངའ་སྡེ་༤ ཡི་ནང་དུ། ཉིན་གཉིས་རིང་ཐོག་གིས་ཉུང་མཐར་ལ་མི་༩༣ བསད་ཡོད་པ་དང་མི་༢༠ ལས་མང་བར་རྨས་སྐྱོན་ཕོག་ཡོད་འདུག

རྒྱ་གར་དྷ་སའི་གྲོང་སྡེ་ལས་ཁུངས་ཀྱིས་དྷ་སའི་ཉེ་འགྲམ་གྱི་ཆ་རཱན་དབུལ་གྲོང་གི་ངལ་རྩོལ་བ་རྣམས་ལ་མགོ་བསྐོར་ནས་ཕྱིར་ཕུད་བཏང་ཡོད་པའི་གནས་ཚུལ་འདུག

ཨིན་ཌོ་ནི་ཤི་ཡའི་མཚོ་དམག་གིས་རྒྱ་ནག་གི་ཉ་འཛིན་གྲུ་གཟིངས་ལ་མེ་མདའ་བརྒྱབ་ནས། ཕྱོགས་གཉིས་བར་ཕན་ཚུན་སྐྱོན་བརྗོད་བྱེད་བཞིན་འདུག

ཟླ་འདིའི་ཚེས་༡༢ ཉིན་ཨ་རིའི་ཧྥོ་ལི་རི་ཌ་མངའ་སྡེའི་གྲོང་ཁྱེར་ཨོར་ལན་ཌོ་ཡི་མཚན་ཚོགས་ཁང་ཞིག་ནང། ཁ་ཆེ་མི་ཞིག་གིས་མེ་མདའ་བརྒྱབ་ནས་མི་༥༠ ལྷག་བསད་པ་དང། མི་༥༠ ལས་མང་བར་རྨས་སྐྱོན་ཕོག་ཡོད་འདུག

རྒྱ་གར་ཉེན་རྟོག་པས་མཁལ་མ་ནག་ཚོང་རྒྱག་མཁན་གྱི་མི་ཁག་ཅིག་འཇུ་བཟུང་བྱས་ཡོད་པ་དང། དེ་ལས་རྒྱ་གར་ནང་མཁལ་མའི་ནག་ཚོང་གི་ཁྱབ་ཆེ་ཆུང་ཇི་འདྲ་ཡོད་མེད་གསལ་པོ་བྱུང་ཡོད་འདུག

ཕྱི་ལོ་༢༠༡༢ ནས་བཟུང་ཐེངས་དང་པོར་ཕྱི་ལོ་༢༠༡༥ ལོའི་ནང་འཛམ་གླིང་སྤྱི་ཡོངས་ལ། འཇིག་སྐུལ་རིང་ལུགས་པའི་བཙན་རྒོལ་གྱི་བརྒྱ་ཆ་༡༣ དང་ཤི་རྨས་ཀྱི་བརྒྱ་ཆ་༡༤ ཡི་ཉུང་དུ་ཕྱི་ཡོད་འདུག