གསར་འགྱུར་གནད་བསྡུས་ཁག

ཆུ་སྒང་རྒྱལ་ཡོངས་ཚོགས་ཆེན་ཐེངས་༢༠ པ་དང་། འགན་ཛིན་ལྷན་ཚོགས་ཐེངས་༤༤ པ་ལྡེ་ར་དུན་ཁུལ་དུ་འཚོགས་ཡོད་པ་ལྟར། ཚོགས་ཐོག་དུ་གྲོས་ཆོད་ཁག་གཅིག་གཏན་འབེབས་བྱས་ཡོད་པ་རེད།

ཕྱི་ཟླ་༦ ཚེས་༡༣ བོད་ཟླ་༤ སྟེ། ས་ག་ཟླ་བའི་ཚེས་༡༥ ཉིན། ཨ་རིའི་མངའ་སྡེ་མཱུ་ནེ་སོ་ཊར་རྟེན་གཞི་བྱས་པའི་བོད་བརྒྱུད་ནང་བསྟན་ཀུ་རུ་ཀུ་ལའི་ཆོས་ཚོགས་ཀྱི་གོ་སྒྲིག་འོག ཆོས་ལུགས་རིས་མེད་ཀྱི་སྐུ་ཚབ་མཉམ་འཛོམས་ཐོག སྟོན་པའི་འཁྲུངས་སྐར་སྲུང་བརྩི་དང་འབྲེལ་སྨོན་ལམ་འཚོགས་ཡོད་འདུག

ཟླ་འདིའི་ཚེས་༡༦ཉིན་རྒྱ་གར་བྱང་ཕྱོགས་ལྡེ་ར་ལྡུན་མངའ་ཁུལ་ཀ་ལི་མན་ཌོན་དོན་གྲུབ་གླིང་བོད་མིའི་གཞིས་སྒར་དུ་མདོ་ཁམས་ཆུ་བཞི་སྒང་དྲུག་གི་རྒྱ་ཡོངས་ཚོགས་ཆེན་ཐེངས་༤༤ པ་དང་འགན་འཛིན་ལྷན་ཚོགས་ཐེངས་༢༠ པའི་ཚོགས་ཆེན་དུས་གཅིག་སྟབས་བསྟུན་གྱི་འཚོགས་ཡོད་པ་རེད།

དོན་གྲུག་བཀྲིས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིའི་ཚེས་༦ རྒྱ་གར་ལྷོ་ཕྱོགས་སྦེལ་ཀོབ་ས་གནས་བདེ་སླར་སློབ་ཕྲུག་ཚོགས་ཁང་དུ། བོད་མིའི་སྤྱི་མཐུན་མཉམ་འབྲེལ་གྱི་གོ་སྒྲིག་འོག བོད་མིའི་མཉམ་འབྲེལ་ཁག་གི་ཁྲིམས་དང་སྒྲིག་གཞིའི་འགྲོ་སྟངས་ཐོག་ཟབ་སྦྱོང་ཞིག་ཉིན་གཉིས་རིང་འཚོགས་ཡོད་པ་རེད།

ཟླ་འདིའི་ཚེས་༦ ཉིན་གྱི་དགུང་དྲོ་ཨ་རིའི་ཨེ་མོ་རི་དང་བོད་ཀྱི་ཚན་རིག་ལས་རིམ་དང་། འབྲས་སྤུངས་བློ་གསལ་གླིང་གྲྭ་ཚང་གི་ཚན་རིག་སྡེ་ཚན་དང་།སྒོ་མང་གྲྭ་ཚང་གི་ཚན་རིག་སྡེ་ཚན་བཅས་ཐུན་མོང་གི་གོ་སྒྲིག་འོག ཆོས་ཚན་ཟུང་འབྲེལ་ཞེས་པའི་བརྗོད་གཞིའི་ཐོག་བགྲོ་གླེང་ཞིག་འཚོགས་ཡོད་པ་རེད།

ཟླ་འདིའི་ཚེས་༤ ཉིན་གྱི་ཕྱི་དྲོ་རྒྱ་གར་ལྷོ་ཕྱོགས་མོན་གྷོ་ས་གནས་དགའ་ལྡན་བྱང་རྩེ་གྲྭ་ཚང་གི་ཚན་རིག་སྡེ་ཚན་གྱི་གོ་སྒྲིག་འོག དབང་པོ་སྒོ་ལྔའི་རྣམ་ཤེས་སམ་རྣམ་པར་ཤེས་པའི་ཐོག་ནང་བསྟན་ཆོས་ལུགས་པའི་ངོས་ནས་འགྲེལ་བཤད་རྒྱག་སྟངས་དང་། ནུབ་ཕྱོགས་པའི་ཚན་རིག་པ་ཚོར་ངོ་སྤྲོད་དང་འབྲེལ་བའི་བགྲོ་གླེང་ཞིག་དགའ་བྱང་སློབ་གྲྭའི་ནང་དུ་འཚོགས་ཡོད་པ་རེད།

རྒྱ་ནག་པེ་ཅིང་དུ་དྲུག་བཞིའི་དོན་རྐྱེན་བྱུང་ནས་མི་ལོ་ཧྲིལ་པོ་ ༢༥ འཁོར་བའི་ཉིན་༸གོང་ས་མཆོག་གིས་རྒྱ་རིགས་ཚོར་དུས་དྲན་དང་འབྲེལ་བའི་གསུང་འཕྲིན་བསྩལ་ཡོད་པ་རེད།

ཕྱི་ཟླ་༥ པའི་ཚེས་༢༧ ནས་བདུན་ཕྲག་གཅིག་རིང་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་ས་གནས་སུ་དགེ་ལུགས་སྤྱི་འཐུས་རོང་བོ་བློ་བཟང་སྙན་གྲགས་དང་། བོན་པོའི་སྤྱི་འཐུས་རྣམ་དག་གཙུག་ཕུད་རྣམ་གཉིས་གཞུང་འབྲེལ་འཚམས་གཟིགས་གནང་ཡོད་པ་རེད།

ཡུ་རོབ་གྲོས་ཚོགས་འཐུས་མི་བདུན་ཅུ་བརྒལ་བས་“བོད་དོན་རྒྱབ་སྐྱོར་གྱི་དམ་བཅའ་”ཞེས་པའི་ཡིག་ཆའི་ཐོག་མཚན་རྟགས་བཀོད་ནས་བོད་དོན་ལ་མུ་མཐུད་རྒྱབ་སྐྱོར་གནང་རྒྱུའི་དམ་བཅའ་བཞག་འདུག

ཟླ་འདིའི་ཚེས་༢༥ ཉིན་ཕྱི་དྲོ་དྷ་ས་མེག་གྷན་ཉིན་མོའི་སློབ་གྲྭར་ཝེ་ཏི་ནམ་དང་བོད་ཀྱི་མཐུན་སྒྲིལ་ཚོགས་པའི་གོ་སྒྲིག་འོག ལྷོ་རྒྱ་མཚོའི་གནད་དོན་གྱི་རྩོད་རྙོག་དེར་རྒྱ་ནག་གིས་ཝི་ཏི་ནམ་ལ་གནོན་ཤུགས་སྤྲད་པར་གདུང་སེམས་མཉམ་བསྐྱེད་མཚོན་ཆེད་དུ་ལས་འགུལ་དང་འབྲེལ་བའི་གཏམ་བཤད་བགྲོ་གླེང་ཞིག་འཚོགས་ཡོད་པ་རེད།