གསར་འགྱུར་གནད་བསྡུས་ཁག

རྒྱ་གར་གྱི་ཆེས་མཐོོའི་ཁྲིམས་ཁང་གིས་དེ་སྔོན་རྒྱ་གར་དབུས་གཞུང་གིས་རྒྱ་གར་ནང་དུ་བ་གླང་གསོད་ཆེད་དུ་ཉོ་ཚོང་བྱེད་མི་ཆོག་པའི་བཀའ་རྒྱ་དེ་གནས་སྐབས་རིང་བཀག་སྡོམ་བྱས་ཡོད་འདུག

རྒྱ་ནག་གཞུང་གི་བཙོན་འོག་ནས་ནོ་བྷེལ་ཞི་བདེའི་གཟེངས་རྟགས་བཞེས་མཁན་རྒྱ་ནག་གི་གྲགས་ཅན་རྩོམ་པ་པོ་སྐུ་ཞབས་ལིའུ་ཞའོ་པའོ་ལ་མཆིན་པའི་སྐྲན་ནད་ཕོགས་ཡོད་པ་དང་། ཁོང་སྨན་བཅོས་ཆེད་དུ་རྒྱ་ནག་གིས་ཨ་རི་དང་འཇར་མན་གྱི་སྨན་པ་སྐད་བཏང་ཡོད་འདུག

རྒྱ་གར་བྱང་ཕྱོགས་རྗ་མུ་དང་ཀ་ཤེ་མེར་མངའ་སྡེའི་གྲོས་ཚོགས་འཐུས་མི་དང་བྷེ་ཇེ་བྷེའི་ཆབ་སྲིད་ཚོགས་པའི་ཚོགས་མི་ར་མེ་ཤེ་ཨ་རོ་ར་ཡིས་འགོ་ཁྲིད་ནས། ཇ་མུ་གྱི་གྲོང་དཀྱིལ་དུ་མོག་མོག་བཀག་འགོག་དགོས་པའི་ངོ་རྒོལ་ལས་འགུལ་སྤེལ་ཞིག་སྤེལ་ཡོད་འདུག

བ་གླང་སྲུང་སྐྱོབ་རུ་ཚོགས་ཀྱིས་ཁ་ཆེ་དང་ཧིན་རྡུ་ཆོས་ལུགས་ཀྱི་རིགས་དམན་པ་དྷ་ལི་ཏི་རྣམས་ལ་བ་གླང་གི་གནད་དོན་དང་འབྲེལ་བའི་ཐོག་ནས་མནར་གཅོད་གཏོང་རྒྱུ་ཤུགས་ཆེ་རུ་འགྲོ་བཞིན་པ་དང་བསྟུན། དེའི་མིང་ཐོག་ནས་མི་གསོད་ཁྲག་སྦྱོར་བྱེད་པ་ནི་ངོས་ལེན་བྱེད་མི་ཐུབ་པ་ཞིག་རེད་ཅེས་རྒྱ་གར་གྱི་སྲིད་བློན་མོ་དྷི་ཡིས་གསུངས་ཡོད་འདུག

དྷ་ས་གངས་སྐྱིད་ཀྱི་ཉེ་འགྲམ་གྱི་གྲོང་གསེབ་གྷམ་རུ་ལ། ཁང་པ་ཞིག་མེར་ཚིགས་ནས་ཕྲུ་གུ་མ་འབྱར་ཞིག་གི་ཚེ་སྲོག་ཤོར་ཡོད་པ་དང་། ཕྲུ་གུ་ཨ་མས་རང་ཤི་རྒྱག་ཆེད་མེ་སྤར་ཡོད་པའི་གནས་ཚུལ་འདུག