བསྔགས་བརྗོད་སྙིང་གི་མེ་ཏོག

 

<!–[if !supportEmptyParas]–> མི་ལོ་དགུ་བརྒྱའི་ལོ་རྒྱུས་ཡོད་པའི་གངས་ཅན་འགྲོ་བའི་མགོན་དང་སྐྱབས།།

མཆོག་གི་སྤྲུལ་པ་ལུ་གུར་བརྒྱུད་པའི་ཀརྨ་པ་ཞེས་གྲགས་པ་གང༌།།

ཟླ་ཤེལ་ཁ་བའི་མེ་ཏོག་འཕུར་བའི་མཐོ་སྒང་ཞིང་དུ་འཕོས་པ་ནས།།

དེ་རིང་སླར་ཡང་དགའ་སྐྱོ་འདྲེས་མའི་གཏམ་གྱི་བརྗོད་གཞི་འདི་སྐད་ཐོས།།

<!–[if !supportEmptyParas]–> <!–[endif]–>

ཁ་རྩང་འཇིབ་འཁོར་ཆུང་ཆུང་ཞིག་ནང་གཞིས་གྲོང་གསུམ་པར་བསྐྱོད་པའི་སྐབས།།

ལང་ཚོ་རྒུད་ཀྱང་དད་སྟོབས་དར་བའི་བགྲེས་སོང་རྨོ་རྨོ་ཟུང་ཞིག་ལས།།

རྒྱལ་བའི་དབང་པོ་ཀརྨ་མཆོག་སྤྲུལ་ཨུ་རྒྱན་འཕྲིན་ལས་རྡོ་རྗེ་གང༌།།

གངས་དཀར་ཏི་སེ་རི་བོ་བརྒལ་ནས་འཕགས་ཡུལ་འབྱོར་བའི་གཏམ་བཟང་ཐོས།།

 

སང་ཉིན་ཞོགས་པར་རླུང་འཕྲིན་ཉན་ཀྱང་རེ་སྒུག་གཏམ་བཟང་མ་སླེབས་པས།།

ཐེ་ཚོམ་འཁྱོག་ལ་སེམས་པ་འཕྱང་བཞིན་སློབ་གྲྭའི་ནང་དུ་སློབ་འཁྲིད་སོང༌།།

ཉིན་བྱེད་དམར་པོ་མཁའ་མཐར་ལྷུང་ནས་ཟླ་བའི་བསིལ་འོད་སྤྲོ་པའི་འོག །

འཁྱར་མ་འཁྱོར་གྱི་གོམ་སྟབས་བསྒྱུར་ཏེ་རེ་བའི་གཏམ་སྣེ་འཚོལ་ཏེ་རྒྱུ།།

<!–[if !supportEmptyParas]–> <!–[endif]–>

ཕྱི་ཉིན་ཞོགས་པའི་རླུང་འཕྲིན་ནང་ནས་སྙན་འཕྲིན་གཏམ་གྱི་དགའ་སྟོན་ཐོས།།

སློབ་གྲྭའི་གསར་ཤོག་གཟིཊ་སྟེཊ་སྒང་ནས་མཚན་དཔེའི་སྐུ་ཡི་འདྲ་པར་མཐོང༌།།

དགེ་གྲོགས་ཕོ་གསར་རྣམ་པའི་ངག་ནས་གསར་ཤོག་ཐོག་གི་གནས་ཚུལ་ཤེས།།

ད་ནི་དགའ་སྐྱོ་འདྲེས་མའི་ཚོར་སྣང་གནོན་ཐབས་མེད་པར་སེམས་ནས་འཕྱུར།།

<!–[if !supportEmptyParas]–> <!–[endif]–>

དེ་རིང་བོད་ཀྱི་རྒྱལ་ས་གཉིས་པ་དྷ་རམ་ས་ལའི་ཡུལ་གྲུ་ནས།།

ཤེས་འཇོན་ལྷག་བསམ་གསུམ་གྱིས་ཕྱུག་པའི་སྨྱུག་ཐོག་གྲོཊ་པོ་ཁྱུ་གཅིག་གིས།།

གཟུགས་མེད་ཁ་པར་བརྒྱུད་ནས་འབྱོར་བའི་སྐུལ་ཚིག་མེ་ཏོག་འཐོར་བ་ན།།

ཚོར་འདུ་སེམས་ཀྱི་ཀློང་ནས་འཕོས་པའི་མིག་ཆུའི་སྙན་ངག་འབྲི་འདོད་སྐྱེས།།

<!–[if !supportEmptyParas]–> <!–[endif]–>

གཅིག་པུ་ཉིད་ཀྱིས་དུ་མའི་གར་མཁན་ཕྱག་ན་པདྨོ་ལས་བརྒྱུད་དེ།།

སྒྲུབ་རྒྱུད་བསྟན་པའི་རྒྱལ་མཚན་དཀར་པོ་བོད་རྒྱ་ཧོར་གྱི་ཁྱོན་ཀུན་འཛུགས།།

ཞྭ་དང་གྲུབ་མཐའི་རླུང་འཚུབ་གསེབ་དུ་གཡོ་མེད་ཏི་སེ་གངས་ལྟར་འགྱིངས།།

དབུས་དང་གཙང་གི་སྡེ་གཟར་བར་དུ་བཟོད་བསྲན་རྡོ་རྗེའི་གོ་ཆ་གོན།།

<!–[if !supportEmptyParas]–> <!–[endif]–>

ཕྱོགས་རེས་གཏམ་གྱི་ཡོལ་བ་ཕྱེས་ཏེ་དེབ་ཐེར་གཡུ་ཡི་སྒེའུ་ཁུང་ནས།།

གཟུ་བོའི་རྒྱང་ཤེལ་ཟླུམ་པོ་བཙུགས་ཏེ་དངོས་དོན་རྗེན་པ་འཚོལ་བ་ན།།

ཁམས་པ་དབུ་སེ་ཁྱོད་ཉིད་གཤེགས་པའི་གངས་རིའི་ཞབས་རྗེས་རིང་མོའི་ནང༌།

ནག་ཐིག་ཕོག་པའི་རི་མོ་འཁྱོག་པོ་ནམ་ཡང་རྙེད་པ་མ་ལགས་སོ།།

 

རིག་པའི་རྡོ་རྗེ་རྣོན་པོའི་འཕྲུལ་གྱིས་ཤར་ནུབ་འཇིག་རྟེན་ཟླུམ་པོའི་ཁྱོན།།

སྒྲུབ་རྒྱུད་ཕྱག་རྒྱ་ཆེན་པོའི་ལུགས་བཟང་རླུང་དང་ལྷན་ཅིག་དར་བྱས་ཏེ།།

མཚན་དཔེ་སྐུ་ཡི་ཐ་མའི་བཀོད་པ་སྟོང་པའི་དབྱིངས་སུ་བསྡུས་པ་ན།།

སྤྲེལ་ཚའི་རྒྱུད་འཛིན་གངས་ཅན་པ་རྣམས་རེ་ཞིག་མྱ་ངན་ཁུང་བུར་ཚུད།།

<!–[if !supportEmptyParas]–> <!–[endif]–>

སླར་ཡང་གངས་ཅན་མདོ་ཁམས་ལྷ་ཐོག་བ་གོར་ཞེས་བྱ་འབྲོག་སྡེ་དེར།།

གཟིགས་པ་དུས་ལས་གཡོལ་བ་མེད་པ་མཚན་དཔེ་སྐུ་ཡི་མེ་ཏོག་བཞད།།

གངས་ཅན་མགོན་པོའི་ལུང་གི་ཉི་འོད་འཕགས་པའི་ཡུལ་ནས་ཁྱོད་ལ་འཕོས།།

ལང་ཚོའི་འཕེལ་ཁ་རིམ་གྱིས་དལ་བས་བོད་མིའི་སེམས་ཀྱི་ངལ་གསོ་ཐོབ།།

<!–[if !supportEmptyParas]–> <!–[endif]–>

ཉེ་རབས་བོད་ཀྱི་གངས་རི་ཉིལ་བའི་མིག་ཆུའི་ལོ་རྒྱུས་རིང་མོའི་ནང༌།།

སྐུ་དྲག་མཐོན་པོས་རྒྱལ་ཁབ་བཙོངས་ནས་རང་གི་གོ་ས་ཉོ་བའི་དུས།།

ལྷ་ལྕམ་མཛེས་མས་དཔྱ་ཁྲལ་རུག་ནས་གསེར་དངུལ་གཡུ་བྱུར་རྒྱན་པའི་དུས།།

རྒྱལ་ས་ལྷ་སའི་གྲོང་ཁྱེར་ནང་དུ་དྭ་ཡོན་ཆར་པ་འབབ་པའི་དུས།།

<!–[if !supportEmptyParas]–> <!–[endif]–>

གུང་ཁྲན་ཏང་གི་ཡིག་སྣོད་ནང་དུ་དོན་ཚན་བཅུ་བདུན་བཞག་པའི་དུས།།

ཕོ་བླླ་བཙོང་བའི་སྐུ་ངོ་རྣམ་པས་རྒྱལ་ཁབ་འཚོང་རྫས་བྱེད་པའི་དུས།།

གངས་རིའི་ལྷ་དམག་བྲོས་པའི་ཤུལ་དུ་ཐལ་བས་ནམ་མཁའ་སྒྲིབ་པའི་དུས།།

ཤི་གསོད་ཁྲག་གི་འཁོར་ལོ་བསྐོར་ནས་བོད་ཡུལ་དུར་ཁྲོད་གྱུར་པའི་དུས།།

<!–[if !supportEmptyParas]–> <!–[endif]–>

མེས་པོའི་གསོན་སྙིང་སོར་རྩེར་བླླངས་ཏེ་དགྲ་བོའི་མདུན་དུ་ཕུལ་བའི་མཐར།།

རྒྱལ་ཁབ་བཙོངས་པའི་ཁྱི་རྒན་ཚོ་ལ་གུང་ཁྲན་ཏང་གིས་གོ་གནས་སྦྱིན།།

འོན་ཀྱང་ཁྱོད་ཉིད་འཁྲུངས་མ་ཐག་ནས་བྱས་རྗེས་ངོ་སྤྲོད་མི་དགོས་པར།།

ཀྲུང་དབྱང་མི་དམངས་སྲིད་གཞུང་ཁང་ནས་ཆེ་མཐོང་དེ་འདྲ་བྱེད་དོན་ཅི།།

 

དོན་དམ་སྤྲོས་བྲལ་སྟོང་པའི་དབྱིངས་སུ་བདེ་སྡུག་རི་མོ་མི་རྙེད་ཀྱང༌།།

ཀུན་རྫོབ་འཁོར་བའི་འདམ་རྙོག་གསེབ་ཏུ་སྐྱིད་སྡུག་ཆུ་ཡི་གཉེར་མ་མང༌།།

དེ་སླད་ཁྱོད་ཀྱང་འགྲོ་བའི་དོན་དུ་འཇིག་རྟེན་ཟླུམ་པོའི་ཁོར་ཡུག་འདིར།།

སྐྱིད་སྡུག་སྒྱུ་མའི་ཟློས་གར་རྩེན་པའི་སྔོན་མེད་སྒྱུ་རྩལ་མཁན་པོ་ཞིག།

<!–[if !supportEmptyParas]–> <!–[endif]–>

ལང་ཚོའི་འཕེལ་ཁ་མ་རྫོགས་གོང་ནས་དམར་པོའི་བཙན་དབང་འོག་ཏུ་བསྡུས།།

བསླུ་བྲིད་སྲིན་མོའི་འཛུམ་མདངས་སྟོན་ནས་རྒྱ་བོད་ཧོར་གསུམ་ལྟ་སྐོར་འཁྲིད།།

གཡོ་སྒྱུའི་མཆེ་བ་རྣོན་པོ་ཟུང་གིས་གཞིས་བྱེས་འབྲེལ་བའི་སྲོག་རྩ་བཅད།།

རྫུན་དང་ཕྲ་མའི་འཆལ་གཏམ་རིང་མོས་འཛམ་གླིང་ཟླུམ་པོའི་ལྷིང་འཇཊ་འཕྲོག།

<!–[if !supportEmptyParas]–> <!–[endif]–>

དམར་པོ་རྒྱ་ཡིས་ཕྱི་ནས་བཅུན་ཏེ་གོམ་གང་འགྲོ་བའི་རང་དབང་མེད།།

ཕུ་ནུ་བཙན་པོས་ནང་ནས་བཅུན་ཏེ་ཡང་སྲིད་རྫུན་མ་ཁྲི་སྟོན་བྱེད།།

བོད་འབངས་དད་པས་བར་ནས་བཅུན་ཏེ་རྣམ་གཡེང་གནང་རྒྱུའི་གོ་སྐབས་འཕྲོག།

བྱིས་པའི་དུས་ནས་གཟེབ་ཏུ་ཚུད་པའི་ཨུ་རྒྱན་འཕྲིན་ལས་རྡོ་རྗེ་ལགས།།

<!–[if !supportEmptyParas]–> <!–[endif]–>

ཁྱོད་རང་ཁྲི་འདོན་བྱེད་མ་ཐག་ནས་གུང་ཁྲན་ཏང་གིས་ཁ་བཏགས་བཏང༌།།

ཅང་ཙི་མིང་གིས་གླེང་སྟེགས་ཐོག་ནས་འཚམས་འདྲིའི་མེ་ཏོག་ཁྱོད་ལ་འཐོར།།

ཀྲུང་དབྱང་མི་དམངས་རླུང་འཕྲིན་ཁང་ནས་འཛམ་གླིང་ཡོངས་ལ་ཁྱབ་བསྒྲཊ་བྱས།།

རང་སྐྱོང་ལྗོངས་ཀྱི་སྐུ་ཚབ་རྣམ་པ་མཛད་སྒོ་ཉིན་མོར་སྐུ་མགྲོན་ཕེབས།།

<!–[if !supportEmptyParas]–> <!–[endif]–>

འོན་ཀྱང་ཁྱོད་ཀྱིས་ཏང་གི་གོ་ས་མཆིལ་ཞགས་གཅིག་དང་མཉམ་དུ་འཕངས།།

པཎ་ཆེན་རྫུན་མར་བཙན་མཇལ་འཁྲིད་དུས་སྡང་མིག་གཅིག་གིས་གྱེས་མཇལ་བྱས།།

རང་སྐྱོང་ལྗོངས་ཀྱི་སྐུ་ཚབ་གདོང་ལ་འགྲམ་ལྕག་གཅིག་གི་དྲན་རྟེན་བྱིན།།

གུང་ཁྲན་ཏང་གི་རྒྱུག་ཁྱི་རྣམས་ལ་མཇལ་ཁ་ཞུ་རྒྱུའི་སྐལ་བ་བཅད།།

 

རྒྱལ་ཚོང་བོད་ཀྱི་དཔོན་རྒན་རྣམས་ལ་ཁ་རྡུང་དྲག་པོའི་ཉེས་ཆད་ཕབ།།

ཅང་ཙི་མིན་དང་མཇལ་འཕྲད་བྱེད་དུས་ཁ་བཏགས་དྲུད་ནས་ཕྱི་ཕྱག་འབུལ།།

དངུལ་དངོས་འབུལ་བའི་བསླུ་བྲིད་སྟེང་དུ་ས་རྡུལ་སྦགས་པའི་རྐང་རྗེས་བཏབ།།

ལྷ་དང་དགོན་པ་གཏོར་མྱོང་མཁན་ཚོ་གསུང་ཆོས་ར་བའི་ཕྱི་ལ་ཕུད།།

<!–[if !supportEmptyParas]–> <!–[endif]–>

ཁ་རྩང་དགུན་དུས་མཚན་མོ་ཞིག་ལ་གོས་ཆེན་མལ་ཆས་ཕར་གཡུག་ཅིང༌།།

གཟིམས་ཁྲི་མཐོན་པོའི་སྟེང་ནས་བབས་ཏེ་སྤྱང་སོ་ལས་རྩུབ་གྲང་ལྷག་གསེབ།།

བཙན་རྒྱལ་དམར་པོའི་ལྐོག་ནས་བྲོས་ཏེ་ཏི་སེ་གངས་རིའི་ཉེ་འགྲམ་ནས།།

ཞབས་རྗེས་རི་མོ་གངས་ལ་ཕབ་སྟེ་འཕགས་པའི་ཡུལ་དུ་ཞབས་སོར་འཁོད།།

<!–[if !supportEmptyParas]–> <!–[endif]–>

བཙན་བྱོལ་རྒྱལ་ས་དྷ་རམ་ས་ལར་དཀྱུས་མའི་མི་དང་ལྷན་དུ་འབྱོར།།

གོང་ས་ཆེན་པོའི་གཟིམ་ཆུང་ནང་དུ་མཇལ་འཕྲད་གཏམ་གྱི་སྒོ་མོ་ཕྱེས།།

བྱེས་སུ་འབྱོར་བའི་བོད་འབངས་རྣམས་ཀྱིས་ལག་པས་མིག་ཆུ་ཕྱིད་བཞིན་དུ།།

ཁྱོད་ལ་འཚམས་འདྲིའི་དགའ་སྤྲོ་ཁོལ་བའི་བཀྲ་ཤིས་དགོད་སྒྲའི་གླུ་དབྱངས་ལེན།།

<!–[if !supportEmptyParas]–> <!–[endif]–>

གསར་འགོད་པ་རྣམས་སྔོན་རྗེས་རྩོད་ནས་ཁྱོད་ཀྱི་མདུན་སར་འཚང་ཀ་བྱེད།།

བལ་བོད་འབྲུག་སོགས་བང་རིམ་བསྒྲིཊ་ནས་ཁྱོད་ཀྱི་མདུན་ནས་ཕྱག་དབང་ལེན།།

རྒྱ་གར་གསང་བའི་ལས་བྱེད་པ་རྣམས་ཁྱོད་ཀྱི་མདུན་སར་གཅར་འདྲི་བྱེད།།

ཡང་སྲིད་རྫུན་མའི་ཕྱོགས་གཏོགས་པ་རྣམས་ཁྱོད་ཀྱི་རྒྱབ་ནས་ངན་སྨྲས་བྱེད།།

<!–[if !supportEmptyParas]–> <!–[endif]–>

དེ་རིང་ཁྱོད་ཀྱི་བརྙན་པར་འདྲ་མིན་བརྙན་དེབ་ཀུན་གྱི་སྟེང་དུ་གསལ།།

དེ་རིང་ཁྱོད་ཀྱི་ལོ་རྒྱུས་སྐྱུར་མོ་གསར་ཤོག་ཀུན་གྱི་སྟེང་དུ་འཁོད།།

དེ་རིང་ཁྱོད་ཀྱི་མཛད་འཕྲིན་བཟང་པོ་རླུང་འཕྲིན་ཀུན་གྱི་ནང་ནས་སྒྲོགས།།

དེ་རིང་ཁྱོད་ཀྱི་མཚན་སྙན་དཀར་པོ་ཕྱོགས་མེད་འཛམ་གླིང་ཡོངས་སུ་གྲཊ། །

 

རེད་ལགས་ཁྱོད་ནི་བཙོན་ནས་ཐར་བའི་ཉེས་མེད་བཙོན་པ་ཆུང་ཆུང་ཞིག།

རེད་ལགས་ཁྱོད་ནི་གཟེབ་ནས་ཤོར་བའི་གསུང་སྙན་བྱེའུ་འཇོལ་མོ་ཞིག།

རེད་ལཊ་ཁྱོད་ནི་གངས་སུལ་ཉུལ་བའི་གངས་སེང་དཀར་མོའི་གདུང་རྒྱུད་ཅིག།

རེད་ལགས་ཁྱོད་ནི་བོད་རྒྱའི་འགལ་བའི་བདེན་དཔང་མཚོན་བྱེད་རྡོ་རིང་ཞིག།

<!–[if !supportEmptyParas]–> <!–[endif]–>

མི་ཚེ་མདུན་ལམ་ཕྱི་རྒྱལ་བཏོད་ནས་སྲོག་དང་ཌོ་ལར་བརྗེ་བ་དང༌།།

རྐུབ་ཀྱག་མཐོ་དམན་རྩོད་པའི་གསེབ་ནས་དམངས་ཁྲོད་དཀྲུཊ་ཤིང་འཕེན་མཁན་ཚོའི།།

དམར་ཆུང་སེམས་ལ་དགའ་ཚོར་ཡོད་མེད་ཇི་བཞིན་བརྗོད་པ་མི་ནུས་ཀྱང༌།།

རུས་ཀྱི་ལ་རྒྱ་སྙིང་ལ་འཆང་བའི་བོད་མིའི་བསམ་དོན་འགྲུབ་སོང་ལགས།།

<!–[if !supportEmptyParas]–> <!–[endif]–>

དབྱངས་ཅན་བག་མར་བསུས་པའི་འཁོན་གྱིས་ཛམ་ལྷའི་བཀའ་ཆད་ཕོག་པ་ཡིས།།

ཐོབ་དང་གོ་ས་དཔལ་འབྱོར་མེད་པས་སྐུ་དངོས་མཇལ་སར་མི་སླེབས་ཀྱང༌།།

གཙང་སྡེ་བླ་མའི་སྐྱེས་རབས་ཕྲེང་བར་མི་ཕྱེད་དད་པ་ཐོབ་པའི་བུ།།

བེ་རི་རྒྱལ་པོའི་བཀའ་འབངས་གཏོགས་པ་སྙན་ངག་པ་ངས་ཁྱོད་ལ་འདུད།།

<!–[if !supportEmptyParas]–> <!–[endif]–>