ཁ་བཤད་ཁ་རི་ཁ་ཐུག
༡
ཁ་རི་ཁ་ཐུག་ཞུ་ཡག་ལ།
ཁ་སང་དེ་རིང་སྤྱི་ཚོགས་འདིར།།
ཁ་ཡ་དྲ་གྲོགས་རྣམ་པ་ཚོ།།
ཁ་ཤགས་ཡིན་ནམ་ཁ་གསག་ཡིན།།
ཁ་ཚོན་གཅོད་པར་མི་ནུས་པའི།།
ཁ་ཁྲལ་དེ་ལྟར་རྒྱུགས་པ་ལས།།
ཁ་རོག་བསྡད་ན་ཅིས་མི་བཟང་།།
༢
ཁ་བཤད་ཅི་སྟེ་བྱེད་འདོད་ན།
ཁ་ནས་གང་འཐོན་འདིར་བྲིས་ནས།
ཁ་རྩོད་དེ་འདྲ་གནང་བ་ལས།
ཁ་ཚ་དགོས་ཐུག་གནས་དོན་དག།
ཁ་ཞེ་གཉིས་མེད་ཕན་སེམས་ཀྱིས།
ཁ་ལབ་ཚུལ་དུ་སྤེལ་ན་བཟང་།
༣
ཁ་རལ་ཚིགས་བཅད་འཐོར་དཀྱོག་འདི།
ཁ་ཐུག་སུ་ལ་ཕོག་འགྱུར་ནའང་།
ཁ་སྐྱེངས་མཛད་ནས་མ་ཞུགས་པར།
ཁ་ལན་ཏོག་ཙམ་གསུངས་གནང་དང་།
ཐུགས་མ་ཆུང་། ཀུ་རེ་ཡིན།
