མཚོ་སྔོན་རོལ་དབྱངས་དྲ་བ་ཤར་གཏོང།

མཚོ་སྔོན་པོའི་རོལ་དབྱངས་དྲ་བའི་ནང་དུ་བོད་རིགས་ཀྱི་རོལ་དབྱངས་རིགས་སྣ་ཚོགས་ཡོད་པ་དང་། ལྷག་པར་དུ་ཨ་མདོ་བོད་ཁུལ་གྱི་དམངས་ཁྲོད་རོལ་དབྱངས་ཏེ། གཞས་གཏོང་རོལ་དཀྲོལ་སྦྲགས་མ་དང་། ལ་གཞས། ཆང་གཞས། རི་གླུ་སོགས་རྒྱ་ཆེའི་དྲ་གྲོགས་ལྷན་རྒྱས་ནས་མཉེས་པོ་གནང་བ་ལ་འཚོལ་སྡུད་བྱེད་དཀའ་བའི་གདོད་མའི་རོལ་དབྱངས་ཕྱོགས་བསྡུས་ཐོག་ནས་དྲ་གྲོགས་རྣམ་པའི་སྙན་དབང་གསོ་བའི་གསོས་སུ་འབུལ་རྒྱུ་རེད།
གཞན་ཡང་། བོད་ཀྱི་འཁྲབ་སྟོན་སྒྱུ་རྩལ་གར་སྟེགས་ཐོག་སྐད་གྲགས་ཡོད་པའི་འཁྲབ་སྟོན་སྒྱུ་རྩལ་མཁས་པ་དང་ཚིག་རྩོམ་མཁན་བཅས་ཡིན་པའི་སྨན་ལྷ་སྐྱབས་དང་། གླུ་པ་གཡའ་དྭངས། གླུ་པ་གཡུང་དྲུང་རྒྱལ། གླུ་པ་གངས་བཞུགས། ཨ་ཅག་ཚན་སྡེབ། གླུ་མ་དབྱངས་ཅན་ལྷ་མཛེས། གླུ་པ་བཀྲ་ཤིས་ཉི་མ། གླུ་པ་བསམ་ཁོ། གླུ་མ་རིག་འཛིན་སྒྲོལ་མ། གླུ་མ་མདོ་བ་ཚེ་སྐྱིད། མཐོ་སྒང་གི་བུ་མོ་སྤུན་གསུམ་སོགས་ཀྱིས་མཚོ་སྔོན་པོའི་རོལ་དབྱངས་དྲ་བ་ཤར་གཏོང་བྱུང་བའི་གཏམ་བཟང་ཐོས་པ་དང་ཁོང་ཚོས་དེ་ག་རོལ་དབྱངས་དྲ་བའི་ཕྱིས་འབྱུང་གི་ལས་དོན་ལ་རང་ནུས་ཅི་ཡོད་ཀྱིས་རྒྱབ་སྐྱོར་གནང་རྒྱུ་ཡིན་ལུགས་བསྟན་གནང་བ་མ་ཟད། མཚོ་སྔོན་པོའི་རོལ་དབྱངས་དྲ་བ་དངོས་སུ་ཤར་གཏོང་བྱུང་བར་རྟེན་འབྲེལ་གྱི་སྨོན་ཚིག་བཟང་པོ་ཡང་ཕུལ་གནང་བ་རེད།།
http://mp3.amdotibet.com/