བལ་ཡུལ་བོན་པོ་དགོན་པར་ཞབས་རིམ་སྒྲུབ་བཞིན་པ།
བྱེ་བྲག་ཏུ་ཉེ་ཆར་བོད་མདོ་ཁམས་སྐྱེ་རྒུ་མདོར་དུས་མིན་འབྱུང་འཁྲུག་གི་རྐྱེན་པས་མི་རྒྱུ་ཟོག་གསུམ་ལ་གྱོང་གུན་ཚབས་ཆེན་ཕོག་པར་གདུང་སེམས་མཉམ་བསྐྱེད་དང་། ཚེ་འདས་རྣམས་ཐར་པ་དང་ཐམས་ཅད་མཁྱེན་པའི་གོ་འཕང་རིན་པོ་ཆེ་ཐོབ་ཕྱིར་བསྔོ་སྨོན། རྨས་སྐྱོན་ཕོག་པ་དང་ཤུལ་ལུས་རྣམས་གདུང་བ་ལས་མྱུར་དུ་གྲོལ་ཞིང་། འགལ་རྐྱེན་གྱི་མཚན་མ་ངན་རིགས་ཡོངས་སུ་ཞི་ནས་དགའ་བདེའི་དཔལ་ལ་སྤྱོད་ཅིང་། རང་ཅག་གཞིས་བྱེས་བོད་མི་ཡོངས་ཀྱི་སྤྱི་མཐུན་བསོད་ནམས་གོང་དུ་འཕེལ་ཏེ་རིང་ནས་སྙིང་དུ་བརྣག་པའི་འདོད་དོན་མ་ལུས་མྱུར་དུ་འགྲུབ་ཆེད། སངས་རྒྱས་གཡུང་དྲུང་བོན་གྱི་བཀའ་སྲུང་གཙོ་བོ་མ་མཆོག་སྲིད་པ་རྒྱལ་མོ་ལ་སོགས་བསྟན་སྲུང་དམ་ཅན་རྒྱ་མཚོའི་ཚོགས་ལ་མཆོད་སྤྲིན་འབུམ་ཚོགས་རྒྱས་འབུལ་གནང་བཞིན་ཡོད་པ་རེད།།
དགེ་བཤེས་སྨོན་ལམ་མཐར་ཕྱིན་གྱི་ཟིན་བྲིས་ལས་བཤུས།
