_{སྙན་དངགས་སྟུག་པོའི་གྲོང་ཁྱེར་མྱུརཚེ་དབྱངས་ཅན་ལྷ་མོས་རྗེས་འཛིན་ཡང་།།}

_{སྔོན་ཆད་བདག་ནི་བདེན་པར་སྙམ་སྟེ་སྙན་དངགས་མ་བྲིས་རབ་ཏུ་འགྱོད།།}

_{ད་ནི་མི་བདེན་ངེས་ཤེས་རྙེད་ནས་སྙན་དངགས་འབྲི་ལ་ཀུན་ཏུ་བྲེལ།།}

_{ལོ་རྒྱུས་འདི་ནི་རྒྱ་གར་མཁས་པའི་རིག་བྱེད་གཏམ་རྒྱུད་གཞུང་དུ་ཕྱུང་།།}

_{བོད་ཀྱིས་མཁས་པའི་བཤད་རྒྱུན་མ་ཆད་གངས་ཅན་རིག་པའི་གླིང་དུ་དར།།}

_{ཞིབ་ཏུ་བརྟགས་ཚེ་ཚད་མའི་སྐྱེས་བུ་སྟོན་མཆོག་མཉམ་མེད་མ་གསུངས་ཕྱིར།།}

_{ཁོ་བོའི་བློར་ཡང་རྟོག་འགྱུ་ཞིག་གིས་མི་འགྱུར་སེམས་ལ་ངེས་ཤེས་རྙེད།།}

_{དབྱངས་ཅན་བསྙེན་པས་ནོར་རྒྱུན་ཁྲོ་བས་སྔོན་གྱི་ལོ་རྒྱུས་བྱུང་རབས་འདི།།}

_{མ་བརྟགས་གཏམ་གྱིས་རྟོག་འཆར་ཡིན་གྱིས་མི་མངོན་ཆོས་ཀྱི་དབྱིངས་སུ་ཞོགས།།}

_{སྙན་དངགས་གཞུང་ལ་ཕྱི་ནང་མཁས་པས་དཔྱད་བརྗོད་ཕྲེང་བ་རབ་མང་ཡང་།།}

_{འདི་ལྟར་གདམས་པ་ཁོ་བོས་མ་གཏོགས་གངས་ལྗོངས་ཡུལ་དུ་བྱུང་མྱོང་མེད།།}

_{སྔོན་སོང་སྔོན་རབས་རྒྱ་གར་རིག་བྱེད་བོད་ཀྱི་གཙུག་ལག་གྲོགས་སུ་གྱུར།།}

_{རྟོག་པ་འཆར་ཡན་གཏམ་རྒྱུད་རྩོམ་མཁས་འཕགས་ཡུལ་པཎ་གྲུབ་མཁས་རྣམས་ཀྱིས།།}

_{དངོས་པོའི་གནས་ཚོད་ཇི་བཞིན་བཤད་པའི་རང་བཞིན་བརྗོད་པའི་རྒྱན་མིན་ལ།།}

_{སྙན་དངགས་མཁས་པས་བརྗོད་བྱར་བཟུང་ནས་སྙན་འཇེབ་ཚིག་ཕྲེང་སྤེལ་བ་ཙམ།།}

_{འཛམ་གླིང་སྒྲུང་རིང་གེ་སར་རྟོགས་བརྗོད་གངས་ཅན་ཡུལ་དུ་གྲགས་ཆེ་ཡང་།།}

_{དེང་རབས་མཁས་པས་དཔྱད་བརྗོད་གྲུབ་ཆར་ལྷ་སྒྲུང་བཤད་པ་ཉིད་དུ་འཁུམས།།}

_{སོ་སོར་རྟོགས་པའི་ཤེས་རབ་རྩལ་གྱིས་སྒྲོ་འདོགས་བཞག་པ་དངོས་དོན་ཡིན།།}

_{མཁར་ཤུལ་གོས་མཚོན་ས་འོག་རྙེད་པ་གེ་སར་བྱོན་པའི་བདེན་རྟགས་སོ།།}

_{མངོན་པར་བཤད་པའི་རི་རྒྱལ་རི་ཡང་ཐམས་ཅད་མཁྱེན་པས་དངོས་མིན་གསུངས།།}

_{མ་རིག་མུན་པ་སེལ་བའི་སྒྲོན་མེ་༸གོང་ས་སྐྱབས་མགོན་ཚད་མའི་གསུང་།།}

_{དགག་བྱ་དགོས་པ་དབེན་པའི་གཟུ་ལུམ་རྒྱལ་བའི་གསུང་ལ་གཞི་མ་གྲུབ།།}

_{ཁོ་བོ་ཕྱིར་མི་ལྡོག་པའི་དད་པས་རྒྱལ་བའི་གསུང་ལ་ལན་བརྒྱར་བསྔགས།།}

_{མཁའ་མཉམ་མཆོག་སྤྲུལ་ཞབས་ཀྱི་དྲུང་དུ་དགེ་ཚུལ་སྡོམ་པ་མནོས་ཤིང་བླངས།།}

_{དགེ་བཤེས་ཆེན་མོ་བློ་སྐལ་ཞབས་སུ་ཚད་མ་དབུ་ཕར་ཡུན་དུ་སྦྱངས།།}

_{དབུ་ཟུར་ཆེན་མོ་རྡོ་དབང་ཞབས་ལ་བཅའ་འབུད་རྡུང་སོགས་རྒྱུགས་སུ་ཕུལ།།}

_{འཕགས་ཡུལ་སླེབས་ནས་༸རྒྱལ་བའི་ཞལ་མཇལ་དགེ་སློང་དངོས་པོ་ཡོངས་སུ་མནོས།།}

_{ཉ་མཚོ་དགོན་དང་བློ་གསལ་གླིང་དུ་གཞུང་ཆེན་ཁག་ལ་ཐོས་བསམ་བྱས།།}

_{ཁྲི་ཆེན་བརྒྱ་པ་ཏྲེ་ཧོར་མཁན་ཟུར་ཡོངས་ཀྱི་བཤེས་གཉེན་དཔལ་གྲགས་དང་།།}