ནམ་ཡང་ནུབ་པ་མེད་པའི་ཉི་མ། མི་རྗེ་བཀྲ་ཤིས་ཚེ་རིང་།
༡༢པར་ཁྲོན་ཞིང་ཆེན་མི་རིགས་དོན་གཅོད་ཨུ་གཅོད་ཨུ་ཡོན་ལྷན་ཁང་དུ་ཀྲུའུ་རེན་ གཞོན་པ་དང་ཀྲུའུ་རེན་གྱི་འགན་བཞེས། ༡༩༨༦ལོ་ནས༡༩༩༣ལོའི་ཟླ་བ་༢པའི་བར་སི་ཁྲོན་ཞིང་ཆེན་དམངས་ཆེན་རྒྱུན་ཨུའི་ ཀྲུའུ་རིན་གཞོན་པའི་འགན་བཞེས། ཐེངས་མང་རྒྱལ་ཡོངས་དམངས་ཆེན་དང་སྲིད་གྲོས་ཨུ་ཡོན་གྱི་འགན་བཞེས། ཐེངས་མང་རྒྱལ་ཡོངས་དམངས་ཆེན་དང་སྲིད་གྲོས་ཨུ་ཡོན་གྱི་འགན་བཞེས། ད་ལྟ་ཀྲུང་གོའི་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱི་དབུ་ཁྲིད་དང་།ཀྲུང་ ཧྭ་བཀའ་བསྟན་དཔེ་སྡུར་ཅུས་ཀྱི་ཅུས་ཀྲང་གི་ལས་འགན་བཞེས་བཞིན་ཡོད།
༡༩༧༨ལོར་བོད་རྒྱ་ཚིག་མཛོད་ཆེན་མོ་རྩོམ་སྒྲིག་གི་ལས་དོན་དེ་བསྐྱར་དུ་འགོ་ ཚུགས་ཤིང་། ཁྲེང་ཏུའུ་རུ་རྩོམ་སྒྲིག་ལས་དོན་གྱི་ཚོགས་འདུ་འཚོགས་ཏེ་སྐབས་དེའི་སི་ཁྲོན་ ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རེན་བཀྲ་ཤིས་ཚེ་རིང་ལགས་ འགོ་ཁྲིད་ཚོ་ཆུང་གི་ཚོགས་གཙོ་འགན་བཞེས། ཁོང་གིས་རྒྱ་བོད་ཀྱི་མཁས་ཆེན་ཀྲང་དབྱི་སུང་དང་། ཀྲུའུ་ཝེ་ཧན། ཐུབ་བསྟན་ཉི་མ། ཉན་ཤུལ་མཁྱེན་རབ་འོད་གསལ། རྡོ་རྗེ་རྒྱལ་པོ་སོགས་མཁས་དབང་མང་དག་གདན་འདྲེན་ཞུས་ནས་རྩོམ་སྒྲིག་གི་ལས་ དོན་ལ་འགོ་ཁྲིད་གནང་ཏེ་མཐར་སྤྱི་ལོ༡༩༨༤ལོར་ཁྱོན་བསྡོམས་ཐ་སྙད་ཁྲི་སུམ་སྟོང་ ལྷག་ཙམ་ཡོད་འདུས་པའི་བོད་རྒྱ་ཚིག་མཛོད་ཆེན་མོ་པོད་གསུམ་གྱི་བདག་ཉིད་ཅན་དེ་ དངོས་སུ་པར་དུ་བསྐྲུན་པས་རྒྱ་བོད་ཀྱི་རིག་གནས་བ་ཚོའི་དགའ་བསུ་ཆེན་པོ་ཐོབ། །
ཁོང་གིས་སི་ཁྲོན་ཞིང་ཆེན་མི་རིགས་དོན་གཅོད་ཨུ་ཡོན་ལྷན་ཁང་གི་ཀྲུའུ་རེན་གྱི་ འགན་བཞེས་སྐབས་བོད་ཀྱི་རིག་གནས་ཉམས་ཏེ་རྒྱུན་ཆད་ལ་ཉེ་བའི་གནས་ཚུལ་ཚབས་ཆེན་ ཡིན་དགོངས་ནས་ཁོང་གིས་རང་གི་གོ་གནས་ཐོབ་ཤོར་གྱི་ཉེན་ཁ་ལ་མ་འཛེམ་པར་བོད་ཀྱི་ སྲོལ་རྒྱུན་རིག་གནས་མི་ཉམས་གོང་སྤེལ་དུ་གཏོང་བའི་ཆེད་དུ་ནུས་ཤུགས་ཡོད་དགུ་ རྩལ་སྤྲུགས་གནང་ནས་སྤྱི་ལོ༡༩༨༡ལོར་སི་ཁྲོན་ཞིང་ཆེན་བོད་ཡིག་སློབ་གྲྭ་འཛུགས་ རྒྱུར་གོང་རིམ་ལ་ཆོག་མཆན་ཞུས་པ་དང་ཆབས་ཅིག ཁམས་ཕྱོགས་ཀྱི་ཞིང་འབྲོག་གི་སོ་ནམ་པ་དང་རྫི་བོའི་ཁྲོད་དུ་ལུས་ཡོད་པའི་བོད་ ཡིག་གི་རྨང་གཞི་ཅུང་བཟང་བའི་སློབ་མ་བརྒྱད་ཅུ་ལྷག་ཙམ་བསྡུས་པ་དང་། ཁོང་དང་གཟན་དཀར་རིན་པོ་ཆེ་སོགས་ཀྱིས་འབད་བརྩོན་ཆེན་པོ་གནང་ནས་མཁས་པ་ཁག་ གཅིག་བཙལ་ནས་དགེ་རྒན་དུ་གདན་འདྲེན་ཞུས་ཏེ་རྫོགས་དུ་སི་ཁྲོན་ཞིང་ཆེན་བོད་ ཡིག་སློབ་གྲྭ་དངོས་སུ་དབུ་བཙུགས། ད་ལྟའི་བར་དུ་བོད་ཀྱི་རིག་གནས་རྒྱུན་འཛིན་པ་མི་ཁྲི་ལ་ཉེ་བ་ཞིག་གསོ་སྐྱོང་ བྱས་ནས་བོད་ཀྱི་སྲོལ་རྒྱུན་རིག་གནས་ཉམས་གསོ་བྱེད་པར་ཕན་འབྲས་བླ་ན་མེད་བར་ ཐོབ་ཅིང་། ད་ལྟ་བོད་ཁམས་ཡོངས་ཀྱི་ལས་རིགས་སོ་སོའི་ལས་རྐང་ཐོག་བོད་ཡིག་སློབ་གྲྭའི་ སློབ་མས་མ་ཁྱབ་པར་ཧ་ལམ་ལུས་མེད། དེས་ན་སྐབས་དེར་བཀྲ་ཤིས་ཚེ་རིང་མཆོག་གི་སྤོབས་སེམས་དང་ལྷག་བསམ་མེད་ན་ཞིང་ ཆེན་བོད་ཡིག་སློབ་གྲྭ་ཡོད་མི་སྲིད་ལ། ཞིང་ཆེན་བོད་ཡིག་སློབ་གྲྭ་མེད་ན་བོད་ཀྱི་རིག་གནས་ཉམས་གསོ་དང་གོང་འཕེལ་འདི་ འདྲ་ག་ལ་ཐུབ་ཡོད།
༡༩༨༧ལོར་ཀྲུང་གོ་བོད་ཀྱི་ཤེས་རིག་ཞིབ་འཇུག་ལྟེ་གནས་ཀྱིས་ཁྲེང་ཏུའུ་རུ་བཀའ་ བསྟན་དཔེ་སྡུར་ཅུས་བཙུགས་ཤིང་། ཁོང་གི་ཅུས་ཀྲང་གིས་འགན་བཞེས། ཁོང་གི་བོད་ཁུལ་གྱི་མཁས་དབང་མང་དག་གདན་འདྲེན་ཞུས་ནས་ས་གནས་སོ་སོའི་བཀའ་ བསྟན་གྱི་པར་མ་དང་བྲིས་མ་ལྷག་ལུས་མེད་པར་འཚོལ་སྡུད་གནང་ནས་བཀའ་བསྟན་དཔེ་ སྡུར་གྱི་ལས་ཀའི་འགོ་བརྩམས། ༡༩༩༥ལོའི་ཟླ་བ༣པའི་ཚེས༩ཉིན་མི་དམངས་ཚོགས་ཁང་ཆེན་མོའི་ནང་བསྟན་འགྱུར་དཔེ་ བསྡུར་མའི་ཐོག་མའི་འགྲེམས་སྤེལ་གྱི་མཛད་སྒོ་སྤེལ་ནས་དེབ་དང་པོ་དངོས་སུ་པར་ སྐྲུན་བྱས་པས་ཏང་དང་རྒྱལ་ཁབ་ཀྱི་དབུ་ཁྲིད་རྣམ་པའི་ཚད་མཐོན་པོའི་བསྟོད་ བསྔགས་ཐོབ་པ་དང་། ལས་དོན་དེར་ཐུགས་ཁུར་རྒྱབ་སྐྱོར་ཚད་མེད་ཐོབ་ཅིང་། མིག་སྔར་བར་དུ་རྒྱལ་ཁབ་ཀྱིས་ལས་དོན་དེའི་ཐད་འགྲོ་གྲོན་སྒོར་ཁྲི༤༠༠༠ལྷག་བཏང་ ཟིན། ཧ་ལམ་ལོ་ཉི་ཤུའི་རིང་དུ་དཔེ་བསྡུར་ལས་དོན་པ་ཡོངས་ཀྱི་འབད་བརྩོན་འོག་མིག་ སྔར་གྱི་བར་དུ་བསྟན་འགྱུར་གྱི་རིན་ཐང་ལྡན་པའི་མ་དཔེ་ཁག༤དང་བཀའ་འགྱུར་གྱི་མ་ དཔེ་ཁག༨དང་བྲིས་པ་ཁག༤བཅས་དཔེ་སྡུར་བྱས་ཟིན། འཕྲིན་ལས་འདི་དག་ནི་བོད་ཀྱི་ལོ་རྒྱུས་ཐོག་ཆེས་རླབས་ཆེ་བའི་ཞིང་རིན་ཐང་ལྡན་ པ་ཞིག་ཡིན་པ་སྨོས་ག་ལ་དགོས། དེའི་ནང་བྱ་བའི་ཁུར་ཆེན་བཞེས་པའི་བཀྲ་ཤིས་ཚེ་རིང་ལགས་ལོ་མང་པོ་སྔོན་ལས་ འཁྱུར་ངལ་གསོ་གནང་ཟིན་ཀྱང་མུ་མཐུད་ནས་མི་རིགས་ལས་དོན་ཀྱི་རིག་གནས་ཉམས་གསོ་ བྱེད་པའི་ལས་དོན་ལ་ཐུགས་བསམ་ཆེན་པོ་བཞེས་ཏེ་ཁོང་གིས་ད་ལྟ་ལའང་ཀྲུང་ཧྭ་བཀའ་ བསྟན་དཔེ་སྡུར་ཅུས་ཀྱི་ཅུས་ཀྲང་གི་ལས་འགན་བཞེས་ཏེ་བཀའ་བསྟན་དཔེ་སྡུར་གྱི་ བྱ་བ་རླབས་ཆེ་སྒྲུབ་བཞིན་ཡོད་པས་ཁོང་གི་སྐུ་ཚེ་ཧྲིལ་པོ་ནི་བོད་ཀྱི་རིག་གནས་ འཛིན་སྐྱོང་སྤེལ་གསུམ་གནང་བ་དང་གཏན་ནས་ཁ་བྲལ་མ་མྱོངས་ལ་དེའི་ཐད་རླབས་ཆེ་ བའི་མཛད་རྗེས་བགྲང་ལས་འདས་པ་བཞག་ཡོད།