ཆབ་སྲིད་བཙོན་པ་རྩད་གཅོད།
ཟླ་འདིའི་ཚེས་༢༨ ཉིན་དྷ་ས་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། རྔ་པ་རང་སྐྱོང་ཁུལ་འབར་ཁམས་རྫོང་རྒྱལ་རོང་ཚོ་བདུན་ཀིརྟི་དགོན་པའི་ཆོས་ལུགས་དོ་དམ་ལས་ཁུངས་ཀྱི་ལས་བྱེད་གྲྭ་བློ་བཟང་རབ་བརྟན།
རང་ལོ་ ༣༤ ཡིན་པ་ཁོང་འདི་ཟླའི་ཚེས་ ༡༩ ཉིན་གྱི་མཚན་མོ་རྒྱ་ནག་གཞུང་གིས་འཛིན་བཟུང་གིས་གར་སོང་ཆ་མེད་དུ་གྱུར་འདུག་པར། འབྲེལ་ཡོད་དགོན་གྲོང་རྣམས་ཀྱིས་རྩད་གཅོད་རིམ་པ་བྱས་མཐར་འབར་ཁམས་སུ་བཀག་ཉར་བྱས་ཡོད་པ་ཙམ་ལས། ད་ལྟའི་གནས་སྟངས་དང་། རྒྱུ་མཚན་ཅིའི་ཕྱིར་བཀག་ཉར་བྱས་པ་སོགས་གཅིག་ཀྱང་ཤེས་རྟོགས་བྱུང་ཐུབ་ཀྱི་མེད་པ་རེད།
ཁོང་ནི་འབར་ཁམས་རྫོང་ཚོ་བདུན་ཞང་། གཙུག་ཚེ་སྡེ་བའི་རུ་ཆེན་གཉིས་པ་ནས་ཡིན་པ་དང་། ཕ་མིང་ལ་ཚེ་རིང་པོ་པོ་དང་། མ་མིང་ལ་སྒྲོལ་མ་ཡིན་འདུག །
