ཁ་ན་ཌར་གནས་སྤོ་བྱ་རྒྱུའི་མི་གྲངས་༢༠༤ མགྲོན་ཤོག་གི་འགེངས་ཤོག་འབྱོར་འདུག

ཁ་ན་ཌར་བོད་མི་ཆིག་སྟོང་གནས་སྤོ་བྱ་རྒྱུའི་ལས་གཞིའི་འོག རྒྱན་ཤོག་འཕངས་ནས་རྒྱན་ཐོབ་པའི་བོད་མི་གྲངས་ ༨༩༠ ཡོད་ཁོངས་ནས་མི་གྲངས་ ༢༠༤ ཆེད་མགྲོན་ཤོག་གི་འགེངས་ཤོག་ ཕྱི་ལོ་ ༢༠༡༣ ཟླ་ ༣ ཚེས་ ༡༩ ཉིན་འབྱོར་ཡོད་འདུགམགྲོན་ཤོག་གི་འགེངས་ཤོག་རྣམས་བཀང་སྟེ་ལྡི་ལིར་རྟེན་གཞི་བྱས་པའི་ཁེ་ན་ཌའི་ ཆེས་མཐོའི་གཞུང་ཚབ་ལས་ཁུངས་སུ་ Canadian High Commission, New Delhi ཕྱི་ལོ་ ༢༠༡༣ ཟླ་ ༤ ཚེས་ ༡༧ འགྱངས་མེད་འབུལ་དགོས་ཀྱི་ཡོད་པ་རེད།

མགྲོན་ཤོག་གི་འགེངས་ཤོག་འབྱོར་བའི་མི་གྲངས་ ༢༠༤ ནས་ཏི་ཛུ་དར་རྒྱས་གླིང་ནས་མི་གྲངས་ ༦༤ ཡོད་པ་དང། ཀྲུ་ཀྲིང་ནས་མི་གྲངས་ ༣༧ བྱུང་ཡོད། དེ་བཞིན་མིའོ་གཞིས་ཆགས་ནས་མི་གྲངས་ ༧༩ ཡོད་པ་མ་ཟད། བསྟན་འཛིན་སྒང་ནས་མི་གྲངས་ ༢༤ བཅས་བསྡོམས་མི་གྲངས་ ༢༠༤ ལ་འབྱོར་ཡོད། མགྲོན་ཤོག་འབྱོར་བའི་མི་གྲངས་ ༢༠༤ ཡོད་པ་རྣམས་ལ་དྲི་རྩད་བྱ་རྒྱུ་དང། ཁོང་རྣམས་ཀྱི་གཟུགས་གཞི་བདེ་འཕེར་ཡིན་མིན་སྨན་པའི་བརྟག་དཔྱད་བྱ་རྒྱུའི་དུས་ཚོད་གནས་སྐབས་རིང་ཕྱི་ལོ་ ༢༠༡༣ ཟླ་ ༥ ནང་གནང་གཏན་འཁེལ་ཡོད། དེ་ཡང་ཁེ་ན་ཌའི་ཆེས་མཐོའི་གཞུང་ཚབ་ལས་ཁུངས་ཀྱིས་ཨ་རུ་ན་ཅལ་པར་དེ་ཤི་མངའ་ སྡེ་ནས་རྒྱན་ཤོག་ཐོབ་པ་རྣམས་ལ་སྟབས་བདེའི་ཆེད། ཨ་སམ་མངའ་སྡེའི་ཏིན་སུ་ཀི་ཡ་Tinsukia དང་སྡིབ་རུ་གྷར་ Dibrugrah དུ་དྲི་རྩད་དང་གཟུགས་གཞི་བརྟག་དཔྱད་གནང་རྒྱུ་ཡིན་འདུག་པ་མ་ཟད། ཐེངས་འདིར་ཁེ་ན་ཌའི་ཆེས་མཐོའི་གཞུང་ཚབ་ལས་ཁུངས་ཀྱིས་ཕྱི་མི་གཞིས་སྤོ་བྱ་རྒྱུའི་དོད་Immigration Fees འབུལ་མི་དགོས་པའི་ཆག་ཡང་བཏང་བར་བརྟེན། ཁེ་ན་ཌའི་སྒོར་བཞི་འབུམ་ལྔ་ཁྲི་དང་ ༼༤༥༠ ༠༠༠༽ ( $ 450,000) དང་། རྒྱ་གར་སྒོར་ས་ཡ་༼༢༤༽  (Rs. 2.4 crores)  ཙམ་ཁེ་ཕན་བྱུང་ཡོད་པ་རེད།

གནས་ཚུལ་ཡོང་ཁུངས་www.tibet.net