ང་ཕོད་ཀྱི་བུ་མོ་ང་ཕོད་ཚེ་དབང།
དེ་གའི་གསར་འགོད་པས། ང་ཕོད་ངག་དབང་འཇིགས་མེད་ལགས་ནི་མི་རིགས་མཐུན་སྒྲིལ་དང་མེས་རྒྱལ་གཅིག་གྱུར་ཐད་ལ་མཛད་རྗེས་བླ་ན་མེད་པ་བཞག་མྱོང་བའི་རླབས་ཆེའི་ཕུལ་བྱུང་མི་སྣ་ཞིག་ཡིན་ཞིང་། གོ་ཐོས་ལྟར་ན་༡༩༥༡ ལོར་ང་ཕོད་ངག་དབང་འཇིགས་མེད་པེ་ཅིང་དུ་ཕེབས་ནས་ཆིངས་ཡིག་དོན་ཚན་བཅུ་བདུན་ལ་མིང་རྟགས་འགོད་སྐབས། ཁྱེད་ནི་ཁོང་གིས་འཁྲིད་འོང་པའི་བྱིས་པ་གཅིག་པུ་ཡིན་པས། སྐབས་ཐོག་དེར་ཁྱེད་རང་ལོ་ན་ག་ཚོད་ཡིན་པ་དང། ཁྱེད་ཀྱིས་དེའི་ཕྱོགས་ཀྱི་གནས་ཚུལ་ག་འདྲ་རེད་ཅེས་དྲིས་པར། ང་ཕོད་ཚེ་དབང་ལགས་ཀྱིས་བརྗོད་པར། སྐབས་ཐོག་དེར་ང་རང་ལོ་ན་བཞི་ལྔ་ཙམ་ཡིན་ཞིང། སྐབས་དེའི་གནས་ཚུལ་ད་ལྟ་མི་དྲན་ཡང། ད་ལྟ་དྲན་པ་ནི་ཡབ་ཡུམ་ཟུང་དང་ལྷན་དུ་པེ་ཅིང་ལ་ཡོང་བ་དེ་ཡིན། དེ་ནས་པེ་ཅིང་དུ་སློབ་གཉེར་བྱས་རྗེས་རིམ་གྱིས་དྲིན་ཆེན་ཕ་ལོ་ཁོང་ཉིད་ལོ་རྒྱུས་ཀྱི་དོན་རྐྱེན་གལ་ཆེན་ཞིག་གི་ནང་ཞུགས་མྱོང་བ་གཞི་ནས་རྟོགས་སོང་།དེ་ནི་པེ་ཅིང་དུ་ཆིངས་ཡིག་དོན་ཚན་བཅུ་བདུན་ལ་མིང་རྟགས་འགོད་པར་ཞུགས་པ་དེ་རེད་ཅེས་འགྲེལ་བརྗོད་བྱས་ཡོད་པ་རེད་འདུག །