སློབ་སྦྱོང་གཅིག་མཚུངས་ཡོང་ཆེད་ཟབ་སྦྱོང།
ཐེངས་འདིའི་ཟབ་སྦྱོང་ཐོག་སློབ་གྲྭ་ཁག་ཏུ་དབང་བོ་སྐྱོན་ཅན་དང་རིག་སྟོབས་ཞན་པའི་སློབ་མར་སློབ་མ་གཞན་པ་དང་གཅིག་མཚུངས་ཀྱི་སློབ་སྦྱོང་གི་གོ་སྐབས་རག་ཐབས་དང། བཙན་བྱོལ་བོད་མིའི་སློབ་གྲྭ་ཁག་གི་འགན་འཛིན་གཙོས་པས་དགེ་རྒན་རྣམས་ཀྱིས་སློབ་མ་དེའི་རིགས་ལ་སློབ་མ་གཞན་པ་དང་གཅིག་མཚུངས་ཀྱི་སློབ་ཁྲིད་གནང་རྒྱུ་དང༌། སློབ་སྦྱོང་གི་ཐབས་ལམ་དང་ཁོར་ཡུག་བཟང་པོ་བསྐྲུན་རྒྱུ་སོགས་ཀྱི་སྐོར་ལ་ཟབ་ཁྲིད་དང་བགྲོ་གླེང་བྱས་ཡོད་པ་རེད། དེ་བཞིན་ཟ་སྦྱོང་དེ་༢༠༠༤ ལོར་བོད་མི་མང་སྤྱི་འཐུས་གྲོས་ཚོགས་ནས་གཏན་འབེབས་དང་བོད་མིའི་ཤེས་ཡོན་སྲིད་བྱུས་ནང་གསལ་ཡོད་པ་ཞིག་ཡིན་འདུག མ་འོངས་པར་སློབ་གྲྭ་ཁག་ཡོངས་སུ་ཉམས་ཞིབ་ཤེས་ཡོན་སྐོར་གྱི་སློབ་ཁྲིད་ཀྱི་ཐབས་ལམ་སྤྱོད་རྒྱུ་དང་ལག་བསྟར་བྱ་ཆེད་དུ་སྐོང་འཚོགས་གནང་བ་ཞིག་ཡིན་འདུག།།
