ཆོས་བརྒྱུད་སྤྱི་འཐུས་དགོས་མིན་གྱི་བགྲོ་གླེང་མགོ་ཚུགས་རྒྱུ་ཡིན།
ཆོས་བརྒྱུད་སྤྱི་འཐུས་དགོས་མིན་གྱི་བགྲོ་གླེང་མགོ་ཚུགས་རྒྱུ་ཡིན།
བོད་ཀྱི་གནས་བབ་ལ་ལྟོས་ཏེ་ཆོས་བརྒྱུད་སྤྱི་འཐུས་དགོས་མིན་གླེང་པ།
གླེང་བསླངས་བ།
དེང་སང་མང་པོ་ཞིག་གིས་ཆོས་བརྒྱུད་སྤྱི་འཐུས་མི་དགོས་པ་གླེང་གཞི་བྱུང་དང་འབྱུང་བཞིན་པ་ཡིན་ལ།
དེ་མཚུངས་བཙན་བྱོལ་བོད་གཞུང་གི་གྲོས་ཚོགས་སུའང་ཆོས་བརྒྱུད་སྤྱི་འཐུས་མི་དགོས་པའི་གླེང་སློང་ཤུགས་ཆེར་བྱུང་བཞིན་ཡོད། ད་ལྟའི་ཆར་ང་ཚོའི་གནས་བབ་ལ་ལྟོས་ཏེ་བཤད་ན།བཙན་བྱོལ་དུ་འབྱོར་ཏེ་རང་གི་རྒྱལ་ཁབ་སླར་གསོའི་ལས་གཞི་འདི་དང་རྒྱལ་ཁབ་གཞན་དག་ལ་ངོམས་སུ་ཆོག་པའི་དངོས་པོ་རིན་ཐང་ཅན་ཞིག་ཡོད་པ་ནི་བོད་ཀྱི་ཆོས་དང་རིག་གཞུང་འདི་ཉག་གཅིག་ལས་གཞན་གང་ཡང་མེད་པར་ཀུན་གྱིས་ཤེས་གསལ་རེད། ང་ཚོ་བོད་གཞིས་བྱེས་གཉིིས་ཀྱིས་དགྲ་གཞུང་ལ་འཐབ་རྩོད་བྱས་དོན་ཡང་འདི་ཁོ་ནའི་ཆེད་དུ་ཡིན་པ་བཤད་མི་དགོས་པའི་གནས་སུ་འཁུམས། དེས་ན་སྔོན་དང་ད་ལྟའི་གནས་བབ་གང་ལ་བལྟས་ཀྱང་དེ་དག་འཛིན་སྐྱོང་སྤེལ་གསུམ་བྱེད་མཁན་ནི་ཆོས་བརྒྱུད་ཁག་གི་སློབ་ཐོན་པ་དང་སློབ་གཉེར་བ་དག་རེད་ཅེས་ངས་སྤོབས་པ་ཆེན་པོས་བཤད་ཆོག
གོང་དུ་བགྲངས་པའི་རྒྱུ་མཚན་དེ་དག་ལས་ད་ལྟ་དང་འབྱུང་འགྱུར་བོད་གསར་བསྐྲུན་གྱིས་ཆེད་ཆོས་བརྒྱུད་སྤྱི་འཐུས་ནི་མེད་དུ་མི་རུང་བའི་གནད་འགག་ཅིག་ཏུ་བརྩི་ཆོག
གང་ལགས་ཞེས་ན་ང་ཚོས་ལས་གཞི་དང་འཐབ་རྩོད་ནི་ང་ཚོའི་ཆོས་དང་རིག་གཞུང་འདི་ཉིད་ཀྱི་ཆེད་དུ་ཡིན་པར་བྱིས་པ་ལོ་བརྒྱད་ཅིག་གིས་ཀྱང་ཤེས་གསལ་རེད། དེ་མིན་ང་ཚོ་དགྲ་གཞུང་གི་འོག་ཏུ་འགྲོ་ནའང་ཁྱད་པར་མེད་ཅེས་༸གོང་ས་མཆོག་གིས་ཡང་ཡང་གསུངས་མྱོིང་། འོ་ན་ཆོས་དང་རིག་གཞུང་འཛིན་རྒྱུའི་ཆེད་དུ་ཡིན་ན་དེ་རྐང་འཛིན་བྱེད་མཁན་དག་གི་སྐུ་ཚབ་མཚོན་པའི་འཐུས་མི་ཞིག་ངེས་པར་འདེམས་དགོས་པ་སྨྲོས་མེད་ཅིག་ཏུ་སེམས་ལ།
ལྡོག་ཕྱོགས་ནས་མང་གཙོ་ཁྲིམས་གཞི་ནང་མི་གཅིག་གིས་འོས་གཅིག་མ་གཏོགས་བླུག་མི་ཆོག་པའི་ཁྲིམས་གཞི་ཞིག་ཀྱང་ཡོད་པས་གང་ལྟར་ང་ཚོས་འདི་གཉིས་བར་ན་ལམ་ཁ་ཞིག་ཨེ་རེག་གི་རེ་བ་ཡོད་མེད་སོགས་ལས་འཕྲོས་ནས་རྣམ་པ་ཚོས་བསམ་ཚུལ་ལྷུག་པོར་གནང་པའི་རེ་བ་ཡོད།
