གསར་འགྱུར་གནད་བསྡུས་ཁག

ཡུ་རོབ་རྒྱལ་ཁབ་སི་པན་གྱི་རྒྱལ་སའི་ནང་འཚོགས་བཞིན་པའི་དུས་རབས་ཉེར་གཅིག་པའི་རྒྱལ་སྤྱིའི་ཁྲིམས་གཞི་ལག་བསྟར་བྱེད་ཕྱོགས་ཞེས་པའི་བགྲོ་གླེང་ལྷན་ཚོགས་ཐོགཚོགས་བཅར་བ་རྣམས་ནས་བོད་ནང་གི་བོད་མིའི་འགྲོ་བ་མིའི་ཐོབ་ཐང་གི་གནས་སྟངས་སོགས་ཀྱི་སྐོར་ལ་གླེང་སློང་བྱས་ཡོད་པ་རེད།

ཟླ་འདིའི་ཚེས་༡༨ ཉིན་མོན་གྷོ་ས་གན་སུ་འབའ་སྡེ་མངའ་རི་ཞིང་ཁམས་ཤེས་ཡོན་ཐེབས་རྩ་ཚོགས་པའི་གོ་སྒྲིག་འོག ཁམས་འབའ་ཐང་སེར་སྐྱ་ཐུན་མོང་གིས་དམ་པ་འབའ་བ་ཕུན་ཚོགས་དབང་རྒྱལ་མཆོག་སྐུ་གྲོངས་ནས་ཞག་ཞེ་དགུ་འཁོར་བའི་ཉིན་མོ་དང་སྟབས་བསྟུན་མཆོད་འབུལ་སྨོན་ལམ་འཚོགས་ཡོད་པ་རེད།

ཕྱི་ ཟླ་ ༥ ཚེས་ ༡༧ཉིན་ ༸གོང་ས་མཆོག་གིས་རྒྱ་གར་བྷི་ཇེ་པི་ཆབ་སྲིད་ཚོགས་པའི་དབུ་ཁྲིད་སྐུ་ཞབས་ནཱ་རེན་ཌ་མོ་དི་ (Narendra Modi) ལ་རྒྱ་གར་རྒྱལ་ཡོངས་གྲོས་ཚོགས་འོག་མའི་འོས་བསྡུའི་ནང་རྒྱལ་ཁ་ཆེན་པོ་ཐོབ་པར། འཚམས་འདྲི་ཞུས་གནང་ཡོད་པ་རེད།

ཕྱི་ཟླ་༥ ཚེས་༡༧ ནས་ཚེས་༢༧བར་སྲིད་སྐྱོང་བློ་བཟང་སེང་གེ་ཌེན་མཱཀ་དང་།ནོར་ཝེ།ལྡི་ལི་བཅས་སུ་གཞུང་འབྲེལ་མི་སྣ་དང་ལྷན་ཤེས་རིག་གི་ལས་གཞི་ཁག་གི་སྐོར་བཀའ་བསྡུར་གནང་རྒྱུ་ཡིན་འདུག

ཟླ་འདིའི་ཚེས་༡༣ ཉིན་༸གོང་ས་མཆོག་འཇར་མན་རྒྱལ་ཁབ་ཀྱི་ཧེ་སེན་(Hessen) མངའ་སྡེའི་ནང་ཞབས་སོར་འཁོད་སྐབས་ཧེ་སེན་མངའ་སྡེའི་སྲིད་སྐྱོང་སྐུ་ཞབས་ཝོལ་ཀར་བྷོ་ཕར་ (Mr. Volker Bouffier) མཆོག་གིས་གཙོས་ཇར་མན་སྲིད་དོན་འགོ་ཁྲིད་རྣམས་ཀྱིས་ཕེབས་བསུ་ཟབ་རྒྱས་ཞུས་ཡོད་པ་རེད།

ཕྱི་ཟླ་༥ ཚེས་༦ཉིན་༧གོང་ས་མཆོག་གིས་ལ་ཏི་ཝི་ཡའི་ (Latvia) རྒྱལ་ཁབ་ཏུ་རྟེན་གཞི་བྱས་པའི་ཀིབ་ས་ལ་རྒྱལ་སྤྱིའི་འགྲེམས་སྟོན་བསྟི་གནས་ཁང་ (Kipsala International Exhibition Centre) ཞེས་པའི་ནང་དད་ལྡན་པ་ཁྱོན་མི་གྲངས་ ༣༥༠༠བརྒལ་བ་རྣམས་ལ་ཉིན་གྲངས་གཉིས་རིང་གི་ཆོས་འབྲེལ་མཇུག་མ་བསྒྲིལ་སྔོན་སྐྱབས་འགྲོའི་སྐོར་ངོ་སྤྲོད་ལྷ་བསྟེན་ཕྱོགས་སྐོར་ལ་བཀའ་སློབ་ལམ་སྟོན་གནང་འདུག