གསར་འགྱུར་གནད་བསྡུས་ཁག

ཟླ་འདིའི་ཚེས་༢༡ ཉིན་གྱི་དགོང་དྲོ་རྒྱ་གར་ལྷོ་ཕྱོགས་མོན་གྷོ་ས་གནས་བོད་ཀྱི་གཞོན་ལྷན་དང་བུད་མེད་ལྷན་ཚོགས་ཐུན་མོང་གིས་གོ་སྒྲིག་འོག་མར་མེ་ཁྲོམ་སྐོར་གྱི་ལས་འགུལ་ཞིག་སྤེལ་ཡོད་པ་རེད།

ཟླ་འདིའི་ཚེས་༢༠ ནས་ཉིན་གསུམ་རིང་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་ས་གནས་འཐུས་མིའི་ཚོགས་འདུ་སྐབས་བརྒྱད་པའི་ཚོགས་དུས་ལྔ་པ་མོན་གྷོ་ས་གནས་འཐུས་ཚོགས་ཀྱི་ཚོགས་ཁང་ནང་འཚོགས་ཡོད་པ་རེད།

ཕྱི་ཟླ་༨ ཚེས་༡༩ ཉིན་རྒྱ་གཞུང་གི་དམ་འོག བོད་མདོ་ཁམས་འདན་མའི་ཕྱོགས་ཀྱི་ཛ་དྲག་གནས་སྟངས་དང་འབྲེལ་བའི་སྐོར་ལ་བོད་མི་མང་སྤྱི་འཐུས་ལྷན་ཚོགས་ཀྱི་གསར་འགོད་བསྒྲགས་གཏམ་ཞིག་སྤེལ་ཡོད་པ་རེད།

སྦེལ་ལྗམ་དུ་བོད་ཀྱི་ཆོས་རིག་འཛིན་སྐྱོང་ཁང་གི་གོ་སྒྲིག་འོག ཕྱི་ཟླ་༨ པའི་ཚེས་ ༢ ནས་ཕྱི་ཚེས་༨ བར་དབྱར་དུས་བོད་ཀྱི་རིག་གཞུང་ཟབ་སྦྱོང་ཐེངས་ལྔ་པ་དེ་འཚོགས་ཡོད་པ་དང་། ཟབ་སྦྱོང་མཇུག་བསྡུའི་མཛད་སྒོར་སྦེལ་རྗམ་བོད་ཀྱི་དོན་གཅོད་དངོས་གྲུབ་རྡོ་རྗེས་རང་མི་རིགས་ཀྱི་སྐད་ཡིག་རིག་གཞུང་སོགས་ཅི་འདྲའི་གལ་ཆེ་ལུགས་སྐོར་གྱི་ལམ་སྟོན་གསུང་བཤད་གནང་ཡོད་པ་རེད།

དཔལ་ས་སྐྱའི་སྐྱབས་མགོན་༸གོང་མ་བདག་ཁྲི་རིན་པོ་ཆེ་མཆོག་གིས་འདས་པའི་ཟླ་བ་བཞིའི་རིང་བྱང་ཨ་རི་དང་ཡོ་རུབ་སོགས་སུ་བོད་རིགས་གཙོ་བོར་གྱུར་པའི་ཆོས་ཞུ་བ་དང་། དོན་གཉེར་ཅན་ཡོངས་ལ་ནང་ཆོས་ངོ་སྤྲོད་དང་བླང་དོར་བཀའ་སློབ་

ཕྱི་ཟླ་བདུན་པའི་ནང་འཕྲོད་བསྟེན་བཀའ་བློན་ཚེ་རིང་དབང་ཕྱུག་གིས་རྒྱ་གར་ལྷོ་ཕྱོགས་མིང་ལོར་དང་ཧུན་སུར།སྤེལ་ཀོབ་གཞིས་ཆགས་བཅས་སུ་ཕེབས་ནས་དབུ་ལམ་གྱི་སྐོར་ལ་ལམ་སྟོན་གསུང་བཤད་གནང་ཡོད་པ་དང་། ཟླ་འདིའི་ཚེས་༡ཉིན་རྒྱ་གར་ལྷོ་ཕྱོགས་མོན་གྷོ་བོད་མིིའི་གཞིས་སྤྱིའི་མི་མང་ཚོགས་ཁང་དུ་ཚོགས་འདུ་བསྐོངས་ཡོད་པ་རེད།