Front Slider

ཕྱི་ལོ་༡༩༣༣ དང་ཕྱི་ལོ་༡༩༤༤ ལོ་གཉིས་ནང་སྔ་རྗེས་སུ་ཤར་ཏུར་ཀི་སི་ཐན་ནང་། ཡུ་གུར་སྤྱི་མཐུན་རྒྱལ་ཁབ་ཅེས་པ་ཞིག་བཙུགས་ནས་དུས་ཡུན་ཐུང་ངུའི་རིང་གནས་ཡོད་པའི་དུས་དྲན་སྲུང་བརྩི་བྱས་འདུག

རྒྱ་ནག་གི་སྐད་གྲགས་ཆེ་བའི་གཙུག་ལག་སློབ་གཉེར་ཁང་ནས་སློབ་ཐོན་བྱས་པ་དང་། སློབ་སྦྱོང་བྱེད་མུས་ཡིན་པའི་དམར་ཤོག་རིང་ལུགས་ཀྱི་ལྟ་བ་འཛིན་མཁན་གཞོན་སྐྱེས་མང་པོ་ཞིག་གིས། རྒྱ་ནག་ནང་གི་ངལ་རྩོལ་བ་རྣམས་ཀྱི་རང་དབང་དང་སྲུང་སྐྱོབ་ལ་རྒྱབ་སྐྱོར་ལས་འགུལ་སྤེལ་བས། བདེ་སྲུང་མི་སྣས་འཛིན་བཟུང་བྱས་ཏེ་གནས་སྟངས་གང་འདྲ་ཡོད་མེད་ཤེས་ཐབས་བྲལ་བ་ཆགས་བཞིན་ཡོད་པས། སྐད་གྲགས་ཆེ་བའི་གཙུག་ལག་སློབ་གཉེར་ཁང་ཁག་གི་ཁོར་ཡུག་ནང་ཞེད་སྣང་ཆེན་པོ་བསྐྲུན་ཡོད་འདུག

ཐའེ་ཝན་མི་མང་གིས་རྒྱལ་སྤྱིའི་ཨོ་རྩལ་འགྲན་ཚོགས་དང་རྒྱལ་སྤྱིའི་རྩེད་འགྲན་གཞན་གྱི་ཐོག རྒྱལ་ཁབ་དེའི་རུ་ཁག་གི་མིང་རྒྱ་ནག་གི་ཐའེ་པི་ནས་ཐའེ་ཝན་དུ་སྒྱུར་རྒྱུའི་མང་མོས་འོས་བསྡུ་ཐག་གཅོད་བྱེད་རྒྱུ་ཡིན་འདུག་པ་དང་། གནད་དོན་དེར་རྒྱ་ནག་གིས་ངོས་ལེན་བྱེད་ཐབས་མེད་ཚུལ་བརྗོད་ཡོད་ཁར། གལ་ཏེ་མིང་སྒྱུར་རྒྱུར་མི་མང་གི་དགོས་ངེས་རྒྱབ་སྐྱོར་ཐོབ་ཚེ། རྒྱལ་སྤྱིའི་ཨོ་རྩལ་ལྷན་ཚོགས་ཀྱིས་ངོས་ལེན་བྱེད་མིན་ཡང་ངེས་གཏན་མེད་པ་རེད་འདུག

གསར་འགྱུར་སྒྲོག་སྦྱང་བྱེད་མཁན་འཕྲུལ་ཆས་ཀྱི་མི་ཆེས་ཐོག་མ་རྒྱ་ནག་ནས་འགོ་འཛུགས་བྱས་ཡོད་པ་དང་། དེས་ཉིན་ཞག་གཅིག་ནང་གི་ཆུ་ཚོད་༢༤ དང་། ལོ་གཅིག་ནང་གི་ཉིན་ཞག་༣༦༥ ཚང་མར་ལས་ཀ་བྱེད་ཐུབ་ཅེས་བརྗོད་ཀྱི་འདུག

ཨ་རིའི་སྲིད་འཛིན་ཊོམ་གྱིས་རྒྱ་ནག་དང་ཚོང་དམག་རྒྱག་བཞིན་ཡོད་ཀྱང་། རྒྱ་ནག་གིས་ཁོང་གི་བུ་མོ་ཞིག་གི་ཚོང་རྟགས་གསར་པ་༡༦ ལ་རྒྱ་ནག་གཞུང་གིས་སྔོན་འགྲོའི་ཆོག་མཆན་སྤྲད་ཡོད་འདུག མོ་ནི་སྲིད་འཛིན་ཊོམ་གྱི་སློབ་སྟོན་པ་གཙོ་གྲས་ཤིག་ཡིན་པས། མོའི་ཕྱི་འབྲེལ་སྲིད་བྱུས་དང་ཊོམ་གྱི་སྲིད་བྱུས་ལ་དོགས་སློང་ཞིག་རང་བཞིན་སླེབས་བཞིན་ཡོད་འདུག

ཨ་རིའི་བར་མའི་གྲོས་ཚོགས་འོས་བསྡུའི་ཁྲོད། མང་གཙོ་ཚོགས་པར་གྲོས་ཚོགས་འོག་མའི་ནང་རྐུབ་སྟེགས་མང་ཤོས་ཀྱི་ཚད་གཞི་ལོན་ནས་རྒྱལ་ཁ་ཐོབ་འདུག་ཀྱང་། གྲོས་ཚོགས་གོང་མའི་ནང་སྤྱི་མཐུན་ཚོགས་པ་མུ་མཐུད་ནས་རྐུབ་སྟེགས་མང་ཤོས་ཀྱི་སྲིད་དོན་ཚོགས་པ་ཆགས་འདུག

རྒྱལ་སྤྱིའི་ནང་སྤྱི་ཚོགས་འབྲེལ་མཐུད་དྲ་ལམ་ཆེ་ཤོས་ངོ་དེབ་ཚོང་ལས་ཁང་གིས། འབར་མའི་ནང་ཁ་ཆེ་གྲངས་ཉུང་མི་རིགས་ལ་དྲག་སྤྱོད་ཀྱི་གནད་དོན་བརྒྱུད་སྐུལ་བྱེད་ཆེད་ངོ་དེབ་བརྒྱུད་ལམ་བེད་སྤྱད་ཡོད་པ་དང་། དེ་འགོག་ཆེད་དུ་འཐུས་ཤོར་བྱུང་བའི་འགན་ལེན་བྱས་ཡོད་འདུག