Front Slider

རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐོག་དུས་བཀག་བསྐྱར་ཞིབ་སྐབས་རྒྱལ་ཁབ་བཅུ་གཉིས་ཀྱིས་བོད་མིའི་འགྲོ་བ་མིའི་ཐོབ་ཐང་གི་གནས་སྟངས་ལ་སེམས་འཚབ་ཀྱི་རྣམ་པ་ཤུགས་ཆེར་བཏོན་འདུག

སྨྲ་བརྗོད་རང་དབང་ཕྲོགས་ཏེ་བཙོན་འཇུག་བྱས་པ་རྣམས་ཀྱི་ན་ཚ་དུས་ཐོག་བཅོས་མ་བཅུག་པར་ནར་འགྱངས་བྱེད་བཞིན་པ་ནི་མནར་གཅོད་བྱེད་སྟངས་ཤིག་ཡིན་པས། དེ་འཕྲལ་དུ་མཚམས་འཇོག་དགོས་ཞེས་རྒྱལ་སྤྱིའི་ཚོགས་སྡེ་ཁག་གིས་རྒྱ་ནག་ལ་འབོད་བརྡ་བཏང་འདུག

ཨ་རི་གཙོས་པའི་ནུབ་ཕྱོགས་རྒྱལ་ཁབ་ཁག་ཅིག་གིས། རྒྱ་ནག་གི་ཚོང་འབྲེལ་སྲིད་བྱུས་དྲང་བདེན་མིན་པའི་སྐྱོན་བརྗོད་བྱེད་བཞིན་ཡོད་ཁར། ཨ་རྒྱ་གཉིས་བར་གྱི་ཚོང་དམག་ལ་བརྟེན་ནས་རྒྱ་ནག་གི་ཁྲོམ་རའི་ནུས་པ་ངེས་གཏན་མེད་པ་ཆགས་བཞིན་པའི་སྐབས། ཞི་ཅིན་ཕིང་གིས་རྒྱལ་ཁབ་གཞན་ནས་ནང་འདྲེན་གྱི་སྒོ་ཁྲལ་ཆུང་དུ་གཏོང་རྒྱུ་དང་། ཁྲོམ་རའི་སྒྲིག་ཁྲིམས་ལྷོད་དུ་གཏོང་རྒྱུ་ཁས་ལེན་བྱས་འདུག

ཨ་རིའི་སྲིད་འཛིན་ཌོ་ནལ་ཊོམ་དང་། རྒྱ་ནག་གི་སྲིད་འཛིན་ཞི་ཅིན་ཕིང་གཉིས་ཀྱིས་ཁ་པར་བརྒྱུད་གྲོས་མོལ་བྱས་ནས་ད་ལྟ་འགྲོ་བཞིན་པའི་ཕྱོགས་གཉིས་བར་གྱི་ཚོང་འབྲེལ་གྱི་དཀའ་རྙོག་སེལ་རྒྱུའི་རེ་བ་ཡོད་པའི་རྣམ་འགྱུར་བསྟན་ཡོད་འདུག་པ་དང་། དེས་ཨེ་ཤི་ཡ་དང་ཡུ་རོབ་ཁུལ་གྱི་ཁྲོམ་རར་ཤུགས་རྐྱེན་ཐེབས་ཡོད་འདུག

རྒྱ་ནག་གཞུང་གིས་ཧོང་ཀོང་ནང་གི་རང་དབང་ཅན་གྱི་སྒྲིག་འཛུགས་དང་དེབ་ཁང་། པར་སྐྲུན་ཁང་། མང་གཙོའི་ལས་འགུལ་བ་སོགས་ལ་གནོན་ཤུགས་ཆེན་པོ་སྤྲོད་བཞིན་པ་དང་བསྟུན། ཧོང་ཀོང་ནང་རྒྱ་ནག་སྐམ་ས་ཆེན་མོར་བཀག་འགོག་བྱས་པའི་དེབ་བཙོང་ཡུལ་རང་དབང་ཅན་གྱི་དེབ་ཁང་མཐའ་མ་དེ་སྒོ་བརྒྱབས་འདུག ཟླ་༡༠ པའི་ཚེས་༣༡ ཉིན་དབྱིན་ཡུལ་གྱི་རྒྱལ་སྤྱིའི་གསར་ཁང་གྷར་ཌེན་ཐོག་ཏུ་གནས་ཚུལ་སྤེལ་གསལ། འགྲོ་བ་མིའི་ཐོབ་ཐང་ལས་འགུལ་བ་དང་པར་སྐྲུན་ཁང་ཁག་ཅིག་གིས། ཧོང་ཀོང་ནང་རང་དབང་ཅན་གྱི་དེབ་ཁང་ཆུང་ཆུང་མི་མང་གི་དེབ་ཁང་ཞེས་པ་དེ་སྒོ་བརྒྱབས་པར་སེམས་འཚབ་བྱེད་ཀྱི་ཡོད་འདུག