རྒྱལ་སྤྱི།

ཟླ་འདིའི་ཚེས་༢༢ ཉིན་ཨ་རིར་འཚོགས་པའི་གནམ་གཤིས་འགྱུར་ལྡོག་སྐོར་གྱི་ཚོགས་ཆེན་དུ་བཅར་བའི་ཉི་ཧོང་གི་སྲིད་བློན་གསར་པ་ཧཱ་ཏུ་ཡ་མཱ་མཆོག་དང་། རྒྱ་ནག་གི་སྲིད་འཛིན་ཧུའུ་ཅིན་ཐའོ་གཉིས་ཟུར་མཇལ་ཞིག་བྱུང་བའི་སྐབས། རྒྱ་ནག་གི་སྲིད་འཛིན་ཧུའུ་ཡིས་ཉི་ཧོང་གི་སྲིད་བློན་ལ་བོད་ཀྱི་གནད་དོན་སྐོར་ཁ་གསལ་ཤེས་རྟོགས་དགོས་ཀྱི་འདུག་ཅེས་བརྗོད་སྐབས། ཉི་ཧོང་གི་སྲིད་བློན་གྱིས་ཉི་ཧོང་གཞུང་གིས་བོད་ཀྱི་གནད་དོན་དེ་རྒྱ་ནག་ནང་སྲིད་ཀྱི་གནད་དོན་ཞིག་ཡིན་པའི་ངོས་འཛིན་བྱེད་ཀྱི་ཡོད་རུང་། བོད་རྒྱ་གཉིས་ཀྱི་དཀའ་རྙོག་དེ་གྲོས་མོལ་གྱི་ལམ་ནས་སེལ་དགོས་ཀྱི་འདུག་ཅེས་གསུངས་ཡོད་པ་རེད། དེའི་སྐབས་ཕྱོགས་གཉིས་ནས་དཀའ་རྙོག་རྣམས་ཞི་བའི་གྲོས་མོལ་ལམ་ནས་སེལ་དགོས་སྐོར་གྲོས་བསྡུར་བྱུང་བ་མ་ཟད། ཉི་ཧོང་གི་སྲིད་བློན་མཆོག་གིས་ཡུ་རོབ་མནའ་འབྲེལ་མཐུན་ཚོགས་བཞིན་ཤར་ཨེ་ཤ་ཡའི་མནའ་འབྲེལ་མཐུན་ཚོགས་ཤིག་ཀྱང་འཛུགས་ཐུབ་པའི་རེ་བ་ཡོད་སྐོར་ཡང་གསུངས་ཡོད་པ་རེད། གཞན་ཡང་ཨ་རིའི་་སྲིད་འཛིན་ཨོ་བྷ་མ་དང་རྒྱ་ནག་གི་སྲིད་འཛིན་ཧུའུ་གཉིས་ཟུར་མཇལ་བྱས་ཡོད་ཀྱང་།

གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཤར་ཏུར་ཀི་སི་ཐན་གྱི་རྒྱལ་སྤྱིའི་འཐུས་མི་ཚོགས་ཆེན་གྱི་མགྲིན་ཚབ་པ་ཏི་ལི་ཞ་ཏིའི་ལ་ས་གནས་རང་གི་གནས་ཚུལ་མཁོ་སྤྲོད་བྱས་པ་ལྟར་ན། ཧོའོ་རྫོང་ཁོངས་སུ་ཤར་ཏུར་ཀི་སི་ཐན་གྱི་སྐྱེས་པ་ཞིག་དེ་སྔོན་ཟླ་༧ ཚེས་ལྔ་ཡི་འོས་ལངས་ལས་འགུལ་ནང་བཞུགས་རྐྱེན་རྒྱ་གཞུང་གིས་འཇུ་བཟུང་བྱས་པ་དང༌། ཉེ་སྔོན་ཁོ་རང་བཙོན་དུ་ཡོད་སྐབས་རྡུང་རྡེག་ཚབས་ཆེན་བཏང་ནས་འདས་གྲོངས་སུ་ཕྱིན་ཡོད་པ་དང་། རྒྱ་ནག་སྲིད་གཞུང་འབྲེལ་ཡོད་སྡེ་ཚན་ནས་འདས་པོའི་ཕུང་པོ་ཕྱིར་ཁྱིམ་མིར་རྩིས་སྤྲོད་བྱས་པ་མ་ཟད། འདས་པོའི་ཁྱིམ་མིས་ཕུང་པོ་གང་མགྱོགས་ས་སྦས་གཏོང་དགོས་སྐོར་བཤད་འདུག འོན་ཀྱང་འདས་པོའི་ཁྱིམ་མིས་འདས་པོའི་གཟུགས་ཕུང་ཡོངས་སུ་མནར་གཅོད་ཚད་མེད་བཏང་བའི་རྨ་ཤུལ་སོགས་མཐོང་རྗེས་འབྲེལ་ཡོད་སྡེ་ཚན་ནས་འགྲེལ་བརྗོད་དགོས་སྐོར་རེ་འདུན་འདོན་གྱི་ཡོད་པ་རེད། དོན་རྐྱེན་འདིའི་རྐྱེན་གྱིས་ཤར་ཏུར་ཀི་སི་ཐན་མི་མང་ཚོས་སླར་ཡང་རྒྱ་ནག་དམར་གཞུང་ལ་བསྐྱར་དུ་འོས་ལངས་ཀྱི་ལས་འགུལ་རྒྱ་ཆེར་སྤེལ་བའི་སྐོར་གྱི་གནས་ཚུལ་བརྗོད་འདུག

ཟླ་འདིའི་ཚེས་༤ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་ཧན་མི་རིགས་དང་ཤར་ཏུར་ཀི་སི་ཐན་གྱི་ཡུ་གུར་མི་རིགས་གཉིས་དབར། ཟླ་བ་༧ པའི་ནང་བྱུང་བའི་མི་གསོད་གྱོད་གཞིའི་རྩོད་རྙོག་དེའི་འོག་ནས་ད་ལྟའི་བར་ལྷིང་འཇགས་ཡོང་ཐུབ་མེད་པ་དང༌། ཉེ་སྔོན་སླར་ཡང་མི་རིགས་གཉིས་ཕྱོགས་ཁག་གཉིས་སུ་གྱེས་ནས་གྱེན་ལངས་བྱེད་སྐབས། དུག་ཁབ་དང་གྲི་སོགས་ཀྱིས་འཁྲུག་འཛིང་བྱས་ཏེ་མི་གྲངས་༤༧༦ ཙམ་ལ་རྨས་སྐྱོན་ཚབས་ཆེན་ཕོག་ཡོད་པའི་གནས་ཚུལ་ཐོན་ཡོད་པ་རེད། དེ་ཡང་ཤར་ཏུར་ཀི་སི་ཐན་གྱི་གྲོང་ཁྱེར་ཨུ་རུ་མུ་ཆུ་ནས་བྷི་བྷི་སིའི་གསར་འགོད་པས་གནས་ཚུལ་སྤེལ་བ་ལྟར་ན།

ནོར་ཝེ་རླུང་འཕྲིན་ཁང་གིས་གནས་ཚུལ་སྤེལ་བ་ལྟར་ན། ཕྱི་ཟླ་༨ ཚེས་༣༠ ཉིན་ནི་རྒྱལ་སྤྱིའི་ཐོག་ཏུ་བཙོན་འཇུག་དང་དོ་དམ་གྱི་བཀག་ཉར་གནས་སྟངས་ཚབས་ཆེན་འོག་ཏུ་ཡོད་པ་དེ་དག་གིས་རང་གི་ནང་མི་སྤུན་མཆེད་རྣམས་ལ་སྐད་འབོད་ཀྱི་བརྡ་ལན་སྤྲོད་པའི་རྒྱལ་སྤྱིའི་འགྲོ་བ་མི་བོར་བརླག་གི་ཉིན་མོ་ཞེས་པ་དེ་ཡིནཔ་དང། ཉིན་དེར་རྒྱལ་སྤྱིའི་ཉེས་ཡངས་ཚོགས་པ་དང། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལས་འཛིན་ལྷན་ཚོགས་སོགས་གནད་ཡོད་ཚོགས་པ་རྣམས་ཀྱིས་སྲུང་བརྩི་བྱེད་པའི་ཉིན་མོ་གལ་ཆེན་ཞིག་ཡིན་པར་བརྟེན། འཇར་མན་གྱི་གྲོང་ཁྱེར་མུ་ནིག་དང་ཧྥི་རན་ཧྤར་བཅས་སུ་ཡོད་པའི་ལམ་མདོ་ཁག་ཏུ་ཉིན་གཅིག་གི་སྔོན་ཏེ། ཚེས་༢༩ ཉིན་བོད་མི་དང་བོད་དོན་རྒྱབ་སྐྱོར་བ་ལྔ་བཅུ་ལྷག་འདུ་འཛོམས་ཀྱིས་བོད་དོན་དྲིལ་བསྒྲགས་བྱས་ཡོད་པ་རེད།

ཟླ་འདིའི་ཚེས་༢༥ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ལོ་འདིའི་ནང་ཆར་པ་དུས་ཐོག་མ་བབས་པའི་རྐྱེན་གྱིས། རྒྱ་གར་དང། པཱ་ཀི་སི་ཐན་གཙོ་བོར་གྱུར་པའི་ཤར་ལྷོ་ཨེ་ཤ་ཡར་འབྲུ་རིགས་ཀྱི་དཀའ་ངལ་འཕྲད་བཞིན་ཡོད་པ་དང༌། ལྷག་དོན་བྱེ་མ་ཀ་ར་ཡི་གོང་ཚད་ཧ་ཅང་མཐོ་རུ་འགྲོ་བཞིན་ཡོད་པའི་གནས་ཚུལ་ཐོན་ཡོད་པ་རེད།

ཟླ་འདིའི་ཕྱི་ཚེས་༢༣ ཉིན་༢༠༠༩ ལོའི་འཇིག་རྟེན་མཛེས་མའི་འགྲན་སྡུར་དེ་བྷ་ཧ་མ་སི་ཞེས་པའི་རྒྱལ་ཁབ་ཀྱི་གླིང་ཕྲན་ཞིག་ཏུ་འཚོགས་པ་དང༌། མཐའ་མཇུག་རྩེ་བཏོག་གི་མཛེས་མ་ལྔའི་ནང་ནས་ཝེ་ནེ་ཛུ་ལའི་རྒྱལ་ཁབ་ཀྱི་རང་ལོ་༡༨ ལ་སོན་པའི་མཛེས་མ་སི་ཊི་ཧྥི་ནི་ཡ་ལ་འཇིག་རྟེན་མཛེས་མའི་དབུ་རྒྱན་གཡོགས་ཡོད་པ་རེད།

ཟླ་འདིའི་ཚེས་༡༩ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་གར་མི་མང་ཚོགས་པའི་ཆབ་སྲིད་མི་སྣ་རྒན་གྲས་རྗཱ་སི་ཝན་སིང་མཆོག་གིས་དཔེ་དེབ་གཅིག་བྲིས་ཡོད་པའི་ནང༌། པཱ་ཀི་སི་ཐན་རང་བཙན་རྩོད་མཁན་ཨཱ་ལའི་རྗི་ན་ལ་བསྟོད་བསྔགས་བཏང་པ་དང༌། རྒྱ་གར་གྱི་འདས་པའི་ཆབ་སྲིད་མི་སྣ་རྒན་གྲས་ཁག་ཅིག་ལ་དམའ་འབེབས་བཏང་ཡོད་པའི་རྒྱུ་མཚན་དུ་བྱས་ནས། ཁོང་རྒྱ་གར་མི་མང་ཆབ་སྲིད་ཚོགས་པའི་སྒྲིག་ཁོངས་ནས་ཕྱིར་འཕུད་བཏང་ཡོད་པ་དང༌།

ཟླ་འདིའི་ཚེས་༡༧ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན།    ཐེ་ཝན་དུ་མི་ལོ་༥༠ ནང་བྱུང་མྱོང་མེད་པའི་རང་བྱུང་གི་ཆུ་ལོག་ཆེན་པོའི་ནང་མི་གྲངས་༥༠༠ ལྷག་ཙམ་གྱི་ཚེ་སྲོག་ཤོར་ཡོད་པ་དང༌། ཁང་ཁྱིམ་དང་ས་ཞིང༌། གཞུང་ལམ། ཟམ་པ་སོགས་མི་མང་ལ་རྒྱུན་ལྡན་འཚོ་བའི་ཐད་དགོས་མཁོ་ཆེ་ཤོས་ཁག་མང་པོ་ཞིག་རྩ་མེད་བཏང་ཡོད་པ་རྣམས་བསྐྱར་གསོ་དང༌། ཐེ་ཝན་གྱི་ཡུལ་མི་སྟོང་ཕྲག་མང་པོ་ཆུ་ལོག་གི་གནོད་སྐྱོན་ཕོག་ས་ནས་གཉེན་གཡོལ་ལ་འགྲོ་ཆེད་དུ། གནམ་གྲུ་སོགས་འཛམ་གླིང་རྒྱལ་སྤྱིའི་རོགས་རམ་བྱེད་འགོ་བཙུགས་ཡོད་པ་རེད།

ཟླ་འདིའི་ཚེས་༡༦ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས་ཨ་རིའི་གྲོས་ཚོགས་འཐུས་མི་༡༠ ཙམ་ལ། བོད་དང་རྒྱ་ནག་ཏུ་ཡུལ་སྐོར་རྟོག་ཞིབ་ལ་འགྲོ་ཆོག་པའི་ཆོག་མཆན་སྤྲད་ཡོད་པ་དང། རྒྱལ་སྤྱིའི་བོད་དོན་ལས་འགུལ་ཁང་གིས་ཨ་རིའི་གྲོས་ཚོགས་འཐུས་མི་ཚོས་གཞན་གྱི་ཤུགས་རྐྱེན་དང་གནོན་ཤུགས་གང་ཡང་མེད་པར་བོད་ནང་དཔྱད་ཞིབ་ཡང་དག་པ་ཞིག་བྱེད་ཐུབ་པ་གནང་རོགས་ཞེས་འབོད་སྐུལ་ཞུས་ཡོད་པ་རེད།

ཤིན་ཅང་གི་རང་དབང་འཐབ་རྩོད་པ་ལྕམ་རཱེ་བྷི་ཡ་ཁེ་ཌར་མཆོག་གིས། བོད་དང་ཤིན་ཅང་གཉིས་ཀྱིས་གཞུང་གཅིག་གི་འོག་ཏུ་དཀའ་ངལ་མྱོང་བཞིན་ཡོད་ལ། ཤིན་ཅང་གི་གནས་སྟངས་བོད་ནང་གི་བོད་མི་ཚོའི་གནས་སྟངས་དང་གཅིག་མཚུངས་ཡིན་རུང། ང་ཚོའི་རང་དབང་འཐབ་རྩོད་ཀྱི་འབོད་སྒྲ་དེ། བོད་རིགས་སྤུན་ཟླ་བཞིན་འཛམ་གླིང་ནང་ཁྱབ་ཐུབ་མེད་ཅེས་གསུངས་ཡོད་པ་རེད།