རྒྱལ་སྤྱི།

    ཟླ་འདིའི་༢༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་འདི་ལོའི་ཟླ་བ་༡༠ ནང་ྋགོང་ས་མཆོག་ཨ་རིར་ཆིབས་བསྒྱུར་གནང་གཏན་འཁེལ་ཡོད་པ་དེར། ཨ་རིའི་སྲིད་འཛིན་ཨོ་བྷ་མ་མཆོག་གིས་ྋགོང་ས་མཆོག་དང་མཇལ་འཕྲད་བྱེད་མི་ཆོག་ཅེས་ཁྱབ་བསྒྲགས་བྱས་པའི་གནས་ཚུལ་ཐོན་ཡོད་པ་རེད།
    དེ་ཡང་རྒྱ་ནག་ཕྱི་སྲིད་བློན་ཆེན་གྱི་མགྲིན་ཚབ་པ་ཆིན་ཡུས་ཀྱིས་ྋཏཱ་ལའི་བླ་མ་ལས་གནས་གང་ཞིག་གི་མིང་འོག་ནས། རྒྱལ་ཁབ་གང་ཞིག་ཏུ་འགྲུད་བཞུད་ཀྱིས་ཁ་བྲལ་གྱི་ལས་འགུལ་སྤེལ་བར་རྒྱ་ནག་གཞུང་གིས་ངོ་རྒོལ་མཐའ་གཅིག་ཏུ་བྱེད་ཀྱི་ཡོད་ཅེས། པེ་ཅིང་གསར་འགོད་ལྷན་ཚོགས་ཤིག་གི་ཐོག་བརྗོད་ཡོད་པ་རེད།

ཟླ་འདིའི་༢༢ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཤྲཱི་ལངྐའི་སྟག་གྱེན་ལངས་ཚོགས་པ་དང་དབུས་གཞུང་གཉིས་དབར་དམག་འཁྲུག་ཤོར་ཏེ། ཡུལ་མི་འབུམ་༡ ལྷག་ཙམ་ཁྱིམ་གཞིས་དོར་ནས་ཡུལ་གཞན་ལ་སྐྱབས་བཅོལ་དུ་འགྲོ་དགོས་བྱུང་བའི་གནས་ཚུལ་ཐོན་ཡོད་པ་རེད།
    དེ་ཡང་ཤྲཱི་ལངྐ་དང་དབུས་གཞུང་བར་རྟག་ཏུ་དམག་འཁྲུག་རྒྱག་བཞིན་ཡོད་པའི་གྲངས་ཉུང་མི་རིགས་ཀྱི་སྟག་གྱེན་ལངས་ཚོགས་པ་ཟེར་བ་འདི་ནི།རྒྱ་གར་ལྷོ་ཕྱོགས་ཀྱི་མངའ་སྡེ་ཏཱ་མིལ་ན་དྷུས་ཟེར་བའི་མངའ་སྡེ་ནས་ཡོང་བའི་རྒྱ་གར་གྱི་མི་རིགས་ཡིན་ཞིང༌།

   ཟླ་འདིའི་ཚེས་༡༩ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། དཀྱིལ་ཤར་ཡུལ་གྲུ་ཁག་ཏུ་ཨ་རིའི་བུད་མེད་དམག་མི་གྲངས་ ༢༠༦༠༠༠ ཙམ་ཡོད་པ་རྣམས། མང་ཆེ་བ་ཨི་རག་ཏུ་ཡོད་པ་དང་དེའི་ནང་ནས་གྲངས་ ༡༠༤ སྲོག་ཤོར་ཡོད་པ་དང་ ༦༠༠ རྨས་སྐྱོན་ཚབས་ཆེན་ཕོག་ཡོད་པའི་གནས་ཚུལ་ཐོན་ཡོད་པ་རེད།

ཟླ་འདིའི་ཚེས་ ༡༧ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཧྥ་རན་སིའི་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་ཡོད་པའི་རྒྱ་རིགས་སློབ་མ་ཚོས། སློབ་གྲྭའི་ལས་བྱེད་མི་སྣ་དང་སློབ་གྲྭ་དེའི་སློབ་ཟུར་བརྒྱུད་ནས་སློབ་ཐོན་ལག་ཁྱེར་ཁྲིམས་འགལ་ཐོག་ནས་ཉོས་ཡོད་པའི་གསང་བ་འབྲེལ་ཡོད་ལས་བྱེད་ཀྱིས་ཕྱིར་བསྒྲགས་བྱས་ཡོད་པ་རེད།    དེ་ཡང་ཧྥ་རན་སིའི་ཊོ་ལུན་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོའི་སློབ་ཟུར་རི་རྗིན་སི་ཟེར་བ། ཧྥ་རན་སིའི་ཉེན་རྟོག་ལས་ཁུངས་སུ་སོང་ནས་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་སློབ་སྦྱོང་བྱེད་བཞིན་པའི་རྒྱ་རིགས་སློབ་མ་ཚོས། ཁོ་ལ་དངུལ་ཕོན་ཆེན་སྤྲད་ནས་སློབ་ཐོན་ལག་ཁྱེར་བཙོང་དགོས་པའི་རེ་སྐུལ་ལན་མང་བྱས་ཀྱང་ཁས་ལེན་བྱས་མེད། འོན་ཀྱང༌། ཁྲིམས་མཐུན་གྱི་སློབ་མ་གསོ་སྐྱོང་གི་ཆེད་དུ་ཉེན་རྟོག་པས་ཁྲིམས་འགལ་གྱི་སློབ་མ་རྣམས་ལ་སྟངས་འཛིན་བྱེད་དགོས་ཀྱི་འདུག་ཅེས་གནས་ཚུལ་དེ་མཁོ་སྤྲོད་དང་རེ་སྐུལ་ཡིག་ཆ་ཞིག་ཕུལ་ཡོད་པ་རེད།

ཟླ་འདིའི་ཚེས་ ༡༦ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གྱི་སྲིད་འཛིན་མཆོག་ཉི་ཧོང་དུ་ཕེབས་ནས་ཕྱོགས་གཉིས་ཀྱི་དཔོན་རིགས་ཚོའི་བར་་གྲོས་བསྡུར་ལྷུག་པོ་གནང་ཡོད་པ་དང།    ཉི་ཧོང་གི་སྲིད་བློན་ཏཱ་རོ་ཨ་སུའུ་མཆོག་དང། པཱ་ཀི་སི་ཐན་གྱི་སྲིད་འཛིན་ཨ་སིཧྥི་རྣམ་གཉིས་ཀྱིས་ཉི་ཧོང་གི་རྒྱལ་ས་ཊོ་ཀི་ཡོ་ལ་ལྷན་ཚོགས་ཤིག་འཚོགས་ཡོད་པའི་ཐོག ཉི་ཧོང་གི་སྲིད་བློན་གྱིས་པཱ་ཀི་སི་ཐན་གྱི་བདེ་འཇགས་དེ་འཛམ་གླིང་སྤྱི་ལ་ཧ་ཅང་གལ་ཆེན་པོ་ཡིན་པས། ཉི་ཧོང་གཞུང་ཕྱོགས་ནས་འཛམ་གླིང་ལ་ཉེན་ཁ་ཆེ་བའི་འཇིགས་སྐུལ་རིང་ལུགས་ལ་འགོག་རྒོལ་དང༌།    པཱ་ཀི་སི་ཐན་དུ་དཔལ་འབྱོར་ཉམ་གུད་འགྲོ་བཞིན་པ་སླར་གསོའི་ཆེད་དུ་རོགས་དངུལ་ཐེར་འབུམ་ ༡ གཅིག་སྤྲད་རྒྱུ་ཡིན་ཞེས་ཁྱབ་བསྒྲགས་བྱས་ཡོད་པ་རེད།

  ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་ཤོག་གྲངས་༥༤ ཡོད་པའི་འགྲོ་བ་མིའི་ཐོབ་ཐང་སྐོར་གྱི་ཡིག་ཆ་ཞིག་འགྲེམས་སྤེལ་བྱས་ཡོད་པ་དང༌། དེའི་ནང་དེང་སྐབས་རྒྱ་ནག་ཏུ་ལག་བསྟར་བྱེད་བཞིན་པའི་སྲོག་ཐོག་གི་ཁྲིམས་གཅོད་དང་མནར་གཅོད་སོགས་ཁྲིམས་ཆད་དེ་དག་བསྒྱུར་བཅོས་གཏོང་འཆར་ཡོད་ཅེས་འཁོད་ཡོད་པར། ཤར་ཨེ་ཤ་ཡའི་རྒྱལ་སྤྱིའི་བཙོན་གྲོལ་མཐུན་ཚོགས་ཀྱིས་དགའ་བསུ་ཞུས་ཡོད་པའི་གནས་ཚུལ་ཐོན་ཡོད་པ་རེད།

འདིའི་ཚེས་༡༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་ཆབ་སྲིད་ཚོགས་པ་ཆེ་ཤོས་ཁན་གྷི་རི་སི་དང། བྷི་ཇི་བྷི་གཉིས་ལས་གཞན་པའི། ལྟ་གྲུབ་གཅིག་མཐུན་ཚོགས་པ་ཟེར་བ་ཞིག་རྒྱ་གར་གྱི་དམར་ཕྱོགས་ཚོགས་པ་གཙོ་བོར་བྱས་ནས་བཙུགས་པའི་ཆབ་སྲིད་ཚོགས་པ་གཞན་ཞིག་ཐོན་ཡོད་པ་དང༌། ཆབ་སྲིད་ཚོགས་པ་ཚང་མས་གཞུང་འཛིན་གྱི་རྒྱལ་ཁ་ཐོབ་ན་ས་ཁུལ་དེ་དང་དེ་ལ་དཀའ་ངལ་གང་ཡོད་པ་རྣམས་འཕྲལ་དུ་སེལ་རྒྱུ་ཡིན་པའི་གཏམ་བཤད་སྤེལ་བཞིན་ཡོད་ལ། དམིགས་བསལ་གྱི་གྲོང་གསེབ་ཁག་ཏུ་ལས་འགུལ་དེ་དག་གཞི་རྒྱ་ཆེན་པོ་དང་འགྲོ་གྲོན་ཡང་མི་ཉུང་བ་ཞིག་གཏོང་བཞིན་ཡོད་པའི་གནས་ཚུལ་ཐོན་ཡོད་པ་རེད།

        གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་སྲིད་འཛིན་ལྕམ་པཱ་ཊལ་རྒྱ་གར་ཨ་རུན་ནཱ་ཆའི་མངའ་སྡེའི་ཁོངས་སུ་གཏོགས་པའི་མོན་རྟ་དབང་དུ་གཟིགས་སྐོར་ལ་ཕེབས་སྐབས། རྒྱ་ནག་གཞུང་ངོས་ནས་མོན་རྟ་དབང་རྒྱ་ནག་གི་ཆ་ཤས་ཡིན་པས་རྒྱ་གར་གྱི་དཔོན་རིགས་ཚོ་ས་ཆ་དེར་ཕེབས་པ་ངོ་རྒོལ་ཡོད་ཅེས་ཁྱབ་བསྒྲགས་བྱས་ཡོད་པ་རེད།

དབྱིན་ལན་དུ་འཛམ་གླིང་རྒྱལ་ཁབ་ ༢༠ ཚོགས་འདུ་ཆེན་པོ་དེ་ཚར་བའི་རྗེས་སུ། ཨ་རིའི་སྲིད་འཛིན་ཨོ་བྷ་མ་མཆོག་ཡུ་རོབ་རྒྱལ་ཁབ་ཁག་ལ་གཟིགས་སྐོར་ཕེབས་ཏེ་ཊར་ཀི་ཡུ་རོབ་མཉམ་འབྲེལ་ནང་འཛུལ་ཞུགས་དགོས་སྐོར་དང༌། རྡུལ་ཕྲན་བཟོ་སྐྲུན་མཚམས་འཇོག་མ་བྱས་ན་སླར་ཡང་གྲང་དམག་ལངས་སྲིད་པའི་ཉེན་བརྡ་བཏང་ཡོད་པ་རེད།
    དེ་ཡང་ཨ་རིའི་སྲིད་འཛིན་ཡུ་རོབ་ལུང་པར་གཟིགས་སྐོར་ཕེབས་བཞིན་པའི་སྐབས་དེར། ཟླ་འདིའི་ཚེས་༥ ཉིན་བྱང་ཀོ་རི་ཡས་མཉམ་འབྲེལ་རྒྱལ་ཚོགས་ཀྱིས་ཉེན་བརྡ་སོགས་ལ་མ་འཛེམས་ནས་མེ་ཤུགས་འཕུར་མདའ་ཚོད་ལྟ་བྱས་པ་དང༌། དུས་དེར་ཨ་རི་དང་ཉི་ཧོང་གཉིས་ཀྱིས་བྱང་ཀོ་རི་ཡ་ལ་མཉམ་འབྲེལ་རྒྱལ་ཚོགས་བརྒྱུད་ནས།

                ཨ་ཕས་རང་གི་བུ་ཕྲུག་ལྔ་ལ་མེ་མདའ་བརྒྱབ་འདུག
    ཟླ་འདིའི་ཚེས་ ༥ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་མི་ཚང་གཅིག་གི་བཟའ་ཟླས་ཁྱོ་ག་དང་ཁ་བྲལ་གྱི་ཡིན་ཞེས་བརྗོད་སྐབས། ཁྱོ་གས་བཟའ་ཟླ་མེད་པའི་དུས་དང་བསྟུན་ནས་ཁོ་རང་གཉིས་ཀྱི་ཕྲུ་གུ་༥ ལ་མེ་མདའ་བརྒྱབ་རྗེས་ཁོ་རང་ཡང་མཉམ་དུ་རང་ཤི་བརྒྱབ་ཡོད་པ་རེད།
    ཕྲུ་གུ་རྒན་ཤོས་བུ་རང་ལོ་ ༡༦ ཅན་དང་ ༧ ཅན། དེའི་འོག་བུ་མོ་གསུམ་བཅས་ཁྱོན་ཕྲུ་གུ་ལྔ་ཡོད་པ་རྣམས་ནས་ཕྲུ་གུ་བཞི་ཉལ་ཁྲིའི་སྒང་ལ་བསད་ཡོད་པ་དང་གཅིག་ཁྲུས་ཁང་ནང་བསད་ཡོད་པ་རེད། ཕྲུ་གུ་རྣམས་ཀྱི་ཕུང་པོ་སྒེའུ་ཁུང་ནས་མར་གཡུགས་སྐབས་ཉེན་རྟོག་པས་ནང་མིའི་འབྲེལ་ཡོད་ལ་ཁ་པར་བརྒྱུད་ནས་འབྲེལ་བ་བྱེད་སྐབས། སུ་གཅིག་གིས་འདི་ཡིན་དེ་མིན་གྱི་ལན་རྒྱག་མཁན་བྱུང་མེད་པ་རེད།