ཆེད་བརྗོད།

   ལོ་འདིར་ཨ་རིའི་སྲིད་འཛིན་དུ་ལོ་ན་ཆུང་ཞིང་མི་རིགས་ནག་པོ་ཡིན་པའི་ཨོ་བྷ་མ་འདེམས་ཐོན་བྱུང་བ་དེ། ཨ་རིའི་མི་མང་ཙམ་དུ་མ་ཟད། འཛམ་གླིང་མི་མང་གི་ཁྲོད་ནས་དགའ་བསུ་བྱེད་མཁན་གང་མང་ཞིག་བྱུང་ཡོད་པ་དང༌། དེ་ནི་ཕྱོགས་གཅིག་ནས་ཨོ་བྷ་མའི་སྐད་ཆ་བཤད་སྟངས་ཀྱི་སྒྱུ་རྩལ་གྱི་ཐོག་ནས་ཡིན་ནའང༌། ཕྱོགས་གཞན་ཞིག་ནས་ཨ་རིའི་ནང་སྔོན་མ་མི་རིགས་ནག་པོ་དེ་མི་རིགས་དཀར་པོའི་བྲན་གཡོག་ཁོ་ན་ལས་མིའི་གྲས་སུ་མེད་པ་ལྟ་བུ་ཡིན་པ་དང༌། རིམ་པས་འོས་ཤོག་བླུག་ཆོག་པ་བྱུང་ཞིང༌། ད་ལྟའི་ཆར་ཨ་རིའི་སྲིད་འཛིན་དུའང་མི་རིགས་ནག་པོ་ཞིག་སླེབས་པ་འདི་ལ་བརྟེན་ནས། ཨ་རིའི་ནང་དུ་མང་གཙོ་དང་འདྲ་མཉམ་གྱི་ཚད་གཞི་ཧ་ཅང་མཐོན་པོར་སླེབས་ཡོད་པ་དང༌། ཨ་རིའི་རྒྱལ་ཁོངས་ཀྱི་མི་མང་ཚང་མའི་གཟི་བརྗིད་ཡིན་པ་ལྟ་བུའང་བརྗོད་བཞིན་ཡོད་པ་རེད། དོན་དངོས་ཐོག་ད་ལྟའི་ཆར་འཛམ་བུའི་གླིང་དུ་རྒྱལ་ཁབ་ཆེ་ཆུང་འདྲ་མིན་མང་པོ་ཞིག་ཡོད་ཀྱང༌། རྒྱལ་ཁབ་དེ་དག་གི་ནང་ནས་ཨ་རི་ནི་ཚང་མའི་ཁ་ལོ་སྒྱུར་མཁན་ལྟ་བུ་ཆགས་ཡོད་པ་རེད།

    ཕྱི་ལོ་༡༩༥༩ ལོར་ྋགོང་ས་མཆོག་གིས་དབུས་བོད་རིགས་རྣམས་བཙན་བྱོལ་དུ་འབྱོར་ནས་ལོ་འདིར་མི་ལོ་ཧྲིལ་པོ་ལྔ་བཅུ་འཁོར་བའི་དུས་ཚིགས་ཡིན་པ་དང༌། བཙན་བྱོལ་བོད་གཞུང་གི་གོ་སྒྲིག་འོག་དུས་དྲན་འདི་ཉིད་སྲུང་བརྩི་བྱེད་ཕྱོགས་ལ་གྲ་སྒྲིག་ལོ་གཅིག་གི་སྔོན་ནས་གནང་བཞིན་ཡོད་པ་རེད། དུས་དྲན་འདིའི་མིང་ལ་བོད་མི་བཙན་བྱོལ་དུ་འབྱོར་ནས་ལོ་ལྔ་བཅུ་འཁོར་བའི་དུས་དྲན་ཞེས་འབོད་བཞིན་ཡོད་པ་དང༌། མིང་དེ་ལ་ཕྱོགས་མང་པོ་ནས་བསམ་གཞིགས་བྱས་ན་འདས་པའི་མི་ལོ་ལྔ་བཅུ་དེ་བཙན་བྱོལ་དུ་འབྱོར་ནས་ག་རེ་བྱས་མིན་དང༌། ག་རེ་བྱུང་མིན་དེ་དྲན་གསོ་བྱེད་དགོས་པ་ཞིག་ཡིན་ནམ། ཡང་ན་བོད་ས་ཡོངས་རྫོགས་ཤོར་ནས་སམ། བོད་རང་བཙན་ཤོར་ནས་མི་ལོ་ལྔ་བཅུ་འཁོར་བའི་དུས་དྲན་བྱེད་དགོས་པ་རེད།

     བཙན་བྱོལ་བོད་གཞུང་གི་ངོས་ནས་རྒྱ་ནག་གཞུང་ལ་བསྟུན་མཁས་དང་གུ་ཡངས་བཟོད་བསྲན་བཅས་ཤུགས་ཆེན་པོ་གནང་བཞིན་ཡོད་ལ། དེ་བཞིན་ཕྱི་རྒྱལ་དོན་གཅོད་ཁང་ཡོད་ས་མང་ཆེ་བར་རྒྱ་ཡི་སྐད་ཡིག་ཤེས་མཁན་གྱི་ལས་བྱེད་ཆེད་འཛུགས་གནང་བཞིན་ཡོད་པ་རེད། གནད་དོན་འདིའི་ཐོག་ནས་བཙན་བྱོལ་བོད་གཞུང་གིས་རྒྱ་ནག་མི་རིགས་ལ་མཐུན་གཤིབས་ཡོང་བ་དང༌། ལྷག་པར་དུ་འབྲེལ་ལམ་འདི་དག་བརྒྱུད་ནས་རིམ་པས་རྒྱ་ནག་གཞུང་དང་འབྲེལ་བ་ཡག་ཏུ་གཏོང་རྒྱུའི་ཆེད་དུའང་དམིགས་ཡོད་སྲིད་པ་རེད། དཔེར་ན་ཕྱི་ཟླ་༥ པའི་ནང་རྒྱ་ནག་སི་ཁྲོན་ས་ཁུལ་དུ་ས་ཡོམ་གྱི་དོན་རྐྱེན་བྱུང་བའི་སྐབས་བཙན་བྱོལ་བོད་གཞུང་གིས་གཙོ་འགན་བཞེས་ནས་སྲི་ཞུ་ལས་བྱེད་པ་ཚང་འཛོམས་ཐོག་བསྔོ་བ་སྨོན་ལམ་འཚོགས་ཡོད་ལ། ཉེ་བའི་ཟླ་ཤས་སྔོན་བོད་ལྗོངས་འདམ་གཞུང་དུ་ས་ཡོམ་བརྒྱབ་ནས་མི་མང་པོ་ཤི་བའི་དོན་རྐྱེན་བྱུང་ནས་བསྔོ་སྨོན་ཞིག་འཚོགས་སྐབས་བོད་གཞུང་གི་མཐོ་རིམ་དཔོན་རིགས་སོགས་ལས་བྱེད་སུ་དང་སུ་ཕེབས་ཡོད་མེད་ཤེས་གསལ་རེད།

    ཕྱི་ལོ་༢༠༠༨ ལོ་རྫོགས་སོང་བ་དང༌། ༢༠༠༩ ལོ་ང་ཚོའི་མིག་མདུན་དུ་སླེབས་པ་རེད། འདས་མ་ཐག་པའི་ལོ་འདིའི་ནང་བོད་དོན་ཐད་ཛ་དྲག་གི་གནས་ཚུལ་མང་པོ་ཞིག་བྱུང་ཡོད་པ་རེད། གནས་སྟངས་འདི་ལ་བརྟེན་ནས་ལོ་འདིའི་ནང་བོད་རྒྱའི་འཐབ་རྩོད་ཀྱི་རྒྱུན་རིང་དུ་བཏང་ཡོད་ལ། བུ་རབས་ཚ་བརྒྱུད་ལ་བརྗེད་མི་ཐུབ་པའི་ལོ་རྒྱུས་ཀྱི་རྨ་ཁ་ཆེན་པོ་ཞིག་བོད་མི་རིགས་ཀྱི་སེམས་ནང་དུ་བཞག་ཡོད། ྋགོང་ས་མཆོག་གིས་དབུ་ཁྲིད་པའི་བཙན་བྱོལ་བོད་གཞུང་གིས་སྐུ་ཚབ་རྣམ་གཉིས་བརྒྱུད་རྒྱ་ནག་གཞུང་ལ་མེར་ཚིག་མེར་གཏུག་གིས་འབྲེལ་བ་བྱས་ཡོད་ཀྱང༌། རྒྱ་གཞུང་གིས་ཨོ་ལིམ་པིག་རྩེད་འགྲན་ལམ་ལྷོང་ཡོང་ཐབས་ཙམ་ལས་བོད་ཀྱི་གནད་དོན་ཐག་གཅོད་ཡོང་བར་བསམ་བློ་གཏན་ནས་བཏང་མེད་པས། ད་ཆ་སྐུ་ཚབ་ཐུག་འཕྲད་ལན་མང་བྱས་པ་དེར་གྲུབ་འབྲས་གང་ཡང་མེད་པར་གྱུར་ཡོད།

    ཉེ་བའི་ཆར་གསར་འགྱུར་གྱི་བརྒྱུད་ལམ་ཁག་ཅིག་ཏུ་ྋགོང་ས་མཆོག་ཐེ་ཝན་དུ་ཆིབས་བསྒྱུར་གནང་རྒྱུའི་ཐུགས་འདོད་ཡོད་ཚུལ་གསུངས་པ་དང་སྦྲགས། ཐེ་ཝན་གྱི་སྲིད་འཛིན་གྱིས་ྋགོང་ས་མཆོག་ཐེ་ཝན་དུ་ཆིབས་བསྒྱུར་གནང་རྒྱུ་དེ་དུས་ཚོད་དང་རན་འཚམས་ཤིག་མིན་ཚུལ་ཕྱིར་བསྒྲགས་བྱས་པ་རེད། གནད་དོན་འདིའི་ཐད་ནས་ྋགོང་ས་མཆོག་དང་བོད་གཞུང་གི་ངོས་ནས་ཀྱང་བཞེངས་ཕྱོགས་གསལ་པོ་ཞིག་ངེས་པར་དུ་དགོས་པ་ལྟ་བུ་ཞིག་ཏུ་གྱུར་ཡོད། ྋགོང་ས་མཆོག་ཐེ་ཝན་དུ་ཆིབས་བསྒྱུར་གནང་རྒྱུ་དེ་ཐེ་ཝན་གཞུང་ལའང་དུས་ཚོད་རན་འཚམས་ཤིག་མིན་པ་ཡིན་ན། བཙན་བྱོལ་བོད་གཞུང་གི་ངོས་ནས་དེ་བས་ཀྱང་རན་འཚམས་ཤིག་མིན།

ཞི་བདེའི་གཟེངས་རྟགས་དུས་ཆེན་ཉིན་བཀའ་ཤག་གི་གསུང་བཤད་ལ་གཞིགས་ན་ཉེ་ཆར་འཚོགས་ཟིན་པའི་དམིགས་བསལ་ཚོགས་ཆེན་དེ་ཉིད་ཕྱག་འཕྱི་ས་ཙམ་གྱི་ཆེད་དུ་མིན་འགྲོ་བསམ་པའི་ཚོར་སྣང་ཞིག་རང་བཞིན་སླེབས་སོང་བ་དང༌། ཁག་ཅིག་དངོས་ཡོད་གནས་ཚུལ་དང་ཡང་མི་མཐུན་པ་ཆགས་འདུག གསུང་བཤད་ནང་¿འབྲེལ་མོལ་གྱི་ལས་རིམ་ལ་སྐྱོན་བརྗོད་ཀྱང་ཕྱོགས་གང་ས་ནས་ཡོང་བཞིན་པར་བརྟེན། མང་ཚོགས་ཀྱི་བཀའ་ལུང་བསྐྱར་དུ་བླང་དགོས་ཀྱི་དུས་མཚམས་སུ་སླེབས་པར་གཟིགས་ནས་སྤྱི་ནོར་ྋགོང་ས་ྋསྐྱབས་མགོན་ཆེན་པོས་བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་ཆ་རྐྱེན་འོག་དམིགས་བསལ་ཚོགས་ཆེན་ཐེངས་དང་པོ་བསྡུ་བསྐོང་མཛད་པ་དང༌། ཚོགས་ཆེན་དེའི་ནང་བཙན་བྱོལ་བོད་མིའི་གནས་ཡུལ་ཡོངས་ནས་སྐུ་ཚབ་འཐུས་མི་༥༦༠ ལ་ཉེ་བ་ཆེད་ཕེབས་ཀྱིས་ཉིན་གྲངས་དྲུག་རིང་བགྲོ་གླེང་སྦྱང་བཤད་མཐིལ་ཕྱིན་གནང་རྗེས་ཚོགས་ཆུང་བཅོ་ལྔ་ནས་བརྒྱད་ཀྱིས་མང་མོས་དང༌།

དེ་རིང་ཁ་སང་ལ་མཚོན་ན་གོ་ལ་ཧྲིལ་པོ་ཆ་འཕྲིན་གྱི་དུས་རབས་སུ་སླེབས་ཟིན་པ་དང༌། འཛམ་གླིང་གི་ཁྱོན་ནས་ཉེ་བའི་ལོ་ཤས་གོང་སྔོན་ཐོན་ཆེ་ཤོས་ཀྱི་འཕྲུལ་ཆས་མྱུར་འཕྲིན་(Fax)ལྟ་བུ་ལ་མཚོན་ན་སྟབས་བདེ་བོའི་ཐོག་རྒྱ་མཚོས་བར་གྱིས་ཆོད་པའི་གླིང་ཕྲན་ཕན་ཚུན་བར་སྐར་མ་གཅིག་གཉིས་ཀྱི་ནང་དུ་འཕྲིན་ཡིག་སྐྱེལ་ལེན་ཐུབ་པ་སོགས་བརྡ་འཕྲིན་མ་ལག་གི་ཁོར་ཡུག་ནང་ཆེས་གོ་ས་ཆེ་ཤོས་འཛིན་མཁན་ཞིག་ཡིན་ཡང༌།

དེ་རིང་འདིར་ཁ་གཏད་དམ་དགྲ་ཆེ་ཤོས་དེ་རང་ཉིད་ཡིན་ཞེས་འབྲི་བའི་སྐབས་ཐེ་ཚོམ་སྐྱེ་དགོས་པ་ཞིག་ནི། སྐད་ཆ་འདི་ཉིད་ང་ཚོའི་སྤྱི་ཚོགས་ཀྱི་མགོ་ནས་མཇུག་བར་གྱི་མི་མང་དྲག་ཞན་བར་མ་ཀུན་གྱི་རྣ་བར་འགྲོ་དཀའ་བ་དེ་ཡིན། འོན་ཀྱང་དོན་དངོས་ཐོག་སྐད་ཆ་འདི་ལ་རང་ངོས་ནས་ཡིད་ཆེས་དང་གདེང་ཚོད་ཡོད་པའི་ཐོག་ནས་བརྗོད་འདོད་བྱུང༌།

དམིགས་བསལ་ཚོགས་ཆེན་ཐེངས་དང་པོ་འཚོགས་གྲུབ་པ་དང༌། ཚོགས་ཆེན་སྐབས་བོད་ནང་ཛ་དྲག་གི་བྱུང་རྐྱེན་དང༌། རྒྱལ་སྤྱིའི་གནས་བབས་བཅས་ཀྱི་འོག་བོད་ཀྱི་རྩ་དོན་བསྒྲུབ་ཕྱོགས་ལ་ཚོགས་ཆུང་ཁག་བཅོ་ལྔར་བགོས་ནས་བགྲོ་གླེང་གང་མང་གནང་བ་དང༌།

བཙན་བྱོལ་བོད་མིའི་ལོ་རྒྱུས་ཁྲོད་བྱུང་མ་མྱོང་བའི་དམིགས་བསལ་ཚོགས་ཆེན་ཐེངས་དང་པོ་དེ་འཚོགས་བཞིན་ཡོད་པ་དང༌། ཚོགས་ཆེན་འདིའི་ཐོག་ཏུ་བོད་མི་རིགས་ཀྱི་འཐབ་རྩོད་ཀྱི་ཁ་ཕྱོགས་སམ། འཐབ་རྩོད་ཀྱི་དམིགས་ཡུལ་གསལ་པོ་ཞིག་བཟོ་ཐུབ་དགོས་པ་ཧ་ཅང་གལ་ཆེ་སྙམ།