ཧ་ལས་ཧོན་འཐོར་སོང༌།
སེར་སྨད་བློ་དགའ།
ཡག་ས་གཅིག་གིས་ཡག་སར་འཁྲིད་པ་དང་བདེན་པ་གཅིག་གིས་བདེན་སར་བཀོད་པ་ཧ་ཅང་དཀོན་ལ། དེ་ལས་ལྡོག་སྟེ་སྡུག་ས་གཅིག་གིས་སྡུག་སར་ཁྲིད་པ་དང་རྫུན་ཚིག་གཅིག་གིས་ངན་སར་སྐྱེལ་ནུས་པ་ནི་སྤྱི་ཡོངས་ཀྱི་རང་བཞིན་ནམ་ལྟོས་གྲུབ་ཀྱི་དངོས་པོའི་གཤིས་ལུགས་ཤིག་རེད། སྐྱེ་བོ་རྣམས་ཀྱི་མཐུན་སྣང་དུ་གྲུབ་ཅིང་བཀུར་འོས་པའི་མི་གཅིག་ལ། ནམ་ཞིག་བྱས་ཉེས་ཆུང་ཆུང་རེ་བྱུང་མཚམས་མི་དེ་ནག་པོ་ཆགས་པ་དང་ཡང་ན་གཡང་སར་གཡུག་རྒྱུར་ལས་སླ་རུ་འགྲོ་བ་ནི་མིག་མདུན་དུ་ལྷག་པའི་དཔེ་མཚོན་གསལ་ཤོས་ཤིག་ཡིན། བརྟག་དཔྱད་དང་དབྱེ་ཞིབ་ཚགས་ཚུད་ཅན་རེ་ཟུང་ལས་འཛམ་གླིང་གི་མི་ཕལ་ཆེ་བ་ནི་ད་དུང་ལེགས་ཉེས་ལ་རྨོངས་པའི་འཆིང་རྒྱ་ལས་ཡོངས་སུ་གྲོལ་མེད་ཅེས་བརྗོད་ན་ཧམ་བཤད་ག་ལ་ཡིན། མིག་རྒྱང་གཅིག་ལས་མེད་པའི་བོད་པའི་ཁོར་ཡུག་འདི་གཅིག་པུར་གཟིགས་དང༌། སྒྲིག་ཆས་གྱོན་པའི་ཕྲུ་གུ་གཅིག་གིས་མ་བྱུང་ན་སློབ་གྲྭ་དང་སློབ་ཕྲུག་ཡོངས་ཀྱིས་འགྲིག་གི་མི་འདུག་ཟེར་བ་དང༌།
རྒྱས་པར་གཟིགས།
