Opinions

 བཙན་བྱོལ་བོད་མི་ཡོངས་ཀྱི་འཕྲལ་ཕུགས་གཉིས་ཀྱི་སྲ་བརྟན་ནི་གཞིས་ཆགས་ཁག་ཡིན་པ་དང༌། གཞིས་ཆགས་ཡར་རྒྱས་གཏོང་དང་མི་གཏོང་དེ་སུའི་ཐོག་ཏུ་བབ་ཡོད་ཞུས་ན། ལས་བྱེད་དང་ཤེས་ཡོན་ཅན་ལྷག་པར་དུ་མི་མང་གི་མགོ་ལ་བབས་ཡོད་པ་རེད། མི་རེ་ངོ་རེ་ནས་འགན་ཁུར་དགོས་པ་རེད། ཉེ་ཆར་དྷ་རམ་ས་ལར་དམིགས་བསལ་ཚོགས་ཆེན་གྲུབ་རྗེས་ཕྱི་ཚེས་༢༣ ཉིན་ྋགོང་ས་མཆོག་ནས་བསྩལ་བའི་བཀའ་སློབ་ནང༌། ང་ཚོས་ལོ་སུམ་ཅུའི་ནང་ཕྱིར་མིག་ཅིག་བལྟས་ན་ཤེས་ཡོན་དང་གཞིས་ཆགས་ནང་འཛུགས་སྐྲུན་ཐོག་འཐུས་ཆེན་པོ་ཤོར་འདུག་ཅེས་ཐུགས་ཕམ་སྒོ་ནས་གསུངས་ཡོད། བཀའ་སློབ་གསན་མ་ཐག་ཏུ་ང་ཚོར་ཚོར་སྣང་ཅི་འདྲ་ཞིག་བྱུང༌།

བསྟན་འཛིན་ལྷག་བསམ།  ལྷོ་ཕྱོགས་སེ་ར།

ཕྱི་ཟླ་༡༢ པའི་ཚེས་༢༠ ཉིན་བཀའ་ཤག་གི་གཏམ་བཤད་ལ་ཚིག་གཅིག་གཉིས་མི་ཞུ་ཀ་མེད་བྱུང༌། བཀའ་ཤག་གིས་བོད་ནང་ནས་ཚད་ཧ་ཅང་མཐོ་བའི་མང་མོས་ཀྱིས་དབུ་མའི་ལམ་ལ་རྒྱབ་སྐྱོར་བྱས་ཡོད་ཟེར། དེ་ནི་གཞི་རྩ་མེད་པ་མ་ཟད་བཀའ་ཤག་གི་གཞི་རྩའི་ལྟ་གྲུབ་དང་འགལ་བ་རེད། གང་ཡིན་ཞེ་ན་གོང་ས་མཆོག་གིས་ལོ་༣༠ ཙམ་གྱི་རིང་དབུ་མའི་ལམ་གྱི་སྒོ་ནས་རྒྱ་ནག་ལ་འབྲེལ་བ་བྱས་ཀྱང་གྲུབ་འབྲས་གང་ཡང་ཐོན་མ་སོང་གསུངས་ཙང༌། གཞིས་ལུས་མི་མང་གིས་གོང་ས་མཆོག་གི་ལམ་སྟོན་གསར་པ་ཞིག་གནང་ཤག་གིས་ཅི་གསུང་སྒྲུབ་ཀྱི་ཡིན་ཞུས་པ་མ་གཏོགས་དབུ་མའི་ལམ་ལ་རྒྱབ་སྐྱོར་མཚོན་གྱི་མེད།

   ཨ་འདུས་མིག་ཆུ།    ས་རཱ།

སྟོང་ལོ་བརྒྱད། མཆེ་བ་དང་སྡེར་མོ་བགྲད་ནས་འོང་བའི་ལོ་ཟླ་ནག་པོ། ཉིས་སྟོང་བརྒྱད་ལོར་མཐོ་སྒང་ཚང་གི་ཁྱིམ་གཞི་རུ་བཙན་གྱིས་འཛུལ་བའི་རླུང་ནག་འཚུབ་མ། ལོ་ཟླ་ཁྱེད་ངེད་སྒང་པ་མི་རིགས་མུན་པ་ནས་མུན་པར་བརྫངས་པའི་ལོ་ནག་དེ་ཡིན་པས་ངེད་ཚང་ལ་ཁྱེད་དགའ་བའི་སྐྱེལ་མ་དང་ལོ་གསར་པ་ཚུར་བསུ་མ་བྱེད་པའི་སྤྲོ་སྐྱིད་ཀྱི་སྟ་གོན་མེད། ལོ་འདིར་ངེད་ཚང་གི་ཚེ་སྲོག་དང་མཉམ་དུ་སྦྲེལ་ཞིང་ཁྲག་རྒྱུན་དང་ལྷན་དུ་རྒྱུ་བའི་ྋགོང་ས་མཆོག་གི་སྐུ་ལ་བསྙུང་གཞི་ཕོག་པས་བོད་མི་ཚོའི་སེམས་པ་གྲང་ཤུར་ཤུར་དུ་གྱུར་པའི་ལོ་ནག་དེ་ཡིན་པས་ངེད་ཚང་ལ་ད་ལོ་ལོ་སར་མེད། སྒང་པ་ཚང་གི་ཁྱིམ་གཞི་ནས་འཁྲུངས་པའི་མི་བུ་གང་མང་ཞིག་བདེན་དོན་དང་ཞི་བདེའི་སླད་དུ་གཅེས་སྲོག་བོའུ་མེ་མདའ་སྐད་དང་ལྷན་དུ་བཞུད་ཅིང༌།

འདི་ག་གསར་ཁང་ནས་འབོད་སྐུལ་ཞུས་པ་བཞིན་ཟུང་དྲུང་ཀུན་དགའ་བཀྲིས་ཀྱིས་རྒྱ་ཡིག་ནས་བོད་ཡིག་ཏུ་བསྒྱུར།

རྩོམ་པ་པོ། རྒུའུ་ཀྲིང་(Gu Zheng)

འདོན་སྤེལ་དུས་ཚོད། ཕྱི་ལོ་༢༠༠༨ ཟླ་༡༡ ཚེས་༢༧

གནས་ཚུལ་ཡོང་ཁུངས། (Guo Ji Xian Qu Dao Bao(Internationl Herald Leader)

སྒྱུར་མཁན་གྱི་མཆན། འགོ་བརྗོད་དུ་ཏཱ་ལའི་སྒེར་གྱི་སྐུ་ཚབ་ཀྱི་གསང་བ་བརྟོལ་བ་ཞེས་འཁོད་པའི་གནས་ཚུལ་དེ་རྒྱ་ཡིག་གི་དྲྭ་རྒྱ་འདིའི་http://info.tibet.cn/zt2008/08jcst/djcst/tpbd/200811/t20081127_440400.htm སྟེང་བཀོད་འདུག དྲྭ་རྒྱ་འདི་ནི་རྒྱ་ནག་གཞུང་གིས་ཉེ་དུས་གསར་དུ་བཟོས་པའི་བོད་རྒྱའི་འབྲེལ་ལམ་སྐོར་གྱི་དྲྭ་རྒྱ་ཡིན། Guo Ji Xian Qu Dao Bao(Internationl Herald Leader)ཟེར་བ་འདི་ནི་པེ་ཅིང་དུ་ཡོད་པའི་རྒྱ་ཡིག་གི་དྲྭ་རྒྱ་ཞིག་ཡིན་པ་དང༌། མིང་མི་འདྲ་བ་མ་ཏོགས་དོན་དུ་རྣམ་པ་འགྱུར་བའི་ཤིན་ཧྭ་དྲ་རྒྱ་ཡིན།

སྐུ་ཞབས་བཀྲ་ཤིས་ཚེ་རིང་ལགས་ནས་བོད་རང་སྐྱོང་ལྗོངས་མི་དམངས་འཐུས་མི་རྣམ་པར་ཕུལ་བའི་འཕྲིན་ཡིག་སྐོར་ལ་ཆེད་ལས་མཁས་པ་རྣམ་པའི་དགོངས་འཆར།

བོད་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་གྱིས་བོད་བསྒྱུར་ཞུས།

ཕྱི་ལོ་ ༢༠༠༨ ཟླ་ ༡༠ ཚེས་ ༢༤ ཉིན།།

སྐུ་ཞབས་བཀྲ་ཤིས་ཚེ་རིང་ལགས་ཀྱིས་བོད་རང་སྐྱོང་ལྗོངས་མི་དམངས་འཐུས་མི་རྣམ་པར་ཕུལ་བའི་འཕྲིན་ཡིག་དེ་ཉིད་ལ། གོང་རིམ་འབྲེལ་ཡོད་ཀྱིས་མཆན་བཀོད་མཛུབ་སྟོན་ལྟར་རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་གི་དྲིལ་བསྒྲགས་སྡེ་ཚན་ནས་ཕྱི་ལོ་ ༢༠༠༧ ཟླ་ ༧ ཚེས་ ༧ ནས་ ༨ བར་ཉིན་གཉིས་རིང་པེ་ཅིང་དུ་ཆེས་ལས་མཁས་པའི་བཞུགས་མོལ་ཚོགས་འདུ་ཞིག་ཆེད་དུ་བསྐོངས་ཏེ། སློབ་གྲྭ་ཆེ་མོ་དང༌། ཚན་རྩལ་ཞིབ་འཇུག་ཁང༌།གསར་འགྱུར་བརྒྱུད་ལམ་སོགས་སྡེ་ཚན་ཁག་ནས་ཕེབས་པའི་ཆོལ་ཁ་གསུམ་གྱི་བོད་རིག་པའི་མཁས་དབང་རྣམ་པས་གནད་དོན་དེར་གོ་བསྡུར་ཞིབ་ནན་ལྷུག་གསུམ་གནང་བའི་དགོངས་འཆར་ཕྱོགས་བསྡུས་བྱས་པ་ཁག་གཤམ་གསལ། བཞུགས་མོལ་ཚོགས་འདུའི་ཐོག་མཁས་དབང་རྣམ་པས་ཕྱི་ལོ་ ༡༩༨༧ ལོར་འགྲེམས་སྤེལ་བྱས་པའི་བོད་རང་སྐྱོང་ལྗོངས་སུ་བོད་ཀྱི་སྐད་ཡིག་སློབ་སྦྱོང་དང་བེད་སྤྱོད།