རྒྱལ་སྤྱི།

གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཉེ་དུས་རྒྱ་དཀར་ནག་གཉིས་དབར་གློ་བུར་དུ་རྩོད་རྙོག་རྙིང་པ་མང་པོ་ཞིག་གཅིག་མཇུག་གཉིས་མཐུད་བྱས་ནས་ཡོང་བཞིན་པ་དང། བཀའ་ཁྲི་མཁས་དབང་ཟམ་གདོང་རིན་པོ་ཆེ་མཆོག་གིས། ཟླ་འདིའི་ཚེས་༡༩ ཉིན་རྒྱ་གར་ནུབ་རྒྱུད་ཀྱི་ས་ཁུལ་གྷུ་ཇིའ་རཱ་ཏཱི་ཤེས་ཡོན་བསྟི་གནས་ཀྱི་ལྷན་ཚོགས་ཐེངས་༥༦ པའི་ཐོག  རྒྱ་དཀར་ནག་གཉིས་མཉམ་མཐུན་ངང་གནས་དགོས་པ་དེ་ཨེ་ཤ་ཡ་དང་འཛམ་གླིང་ཞི་བདེ་གནས་ཐབས་ལ་འབྲེལ་བ་ཧ་ཅང་ཆེན་པོ་ཡོད་ལ། ངས་རྒྱ་དཀར་ནག་གཉིས་ཀྱི་རྩོད་རྙོག་འདི་ཡུན་རིང་གནས་པར་ཡིད་ཆེས་བྱེད་ཀྱི་མེད་ཅེས་གསུངས་ཡོད་པ་རེད།

ཟླ་འདིའི་ཚེས་༢༠ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་དབུས་དམར་ཕྱོགས་ཚོགས་པའི་ཆབ་སྲིད་དྲུང་ཆེའི་ལས་གནས་དང༌། མི་མང་བདེ་སྲུང་ལྷན་ཁང་གི་ཚོགས་གཙོ་གཅིག་ལྕོགས་ཀྲུའུ་ཡུང་ཁང་ཟེར་བ། རྒྱ་གར་གྱི་གྲོང་ཁྱེར་ཆེ་ཁག་དང་རྒྱ་གར་ཀོང་རི་སི་ཆབ་སྲིད་ཚོགས་པའི་ཚོགས་གཙོ་སོགས་དང་ཐུག་འཕྲད་བྱེད་འཆར་ཡོད་པ་དང།

ཟླ་འདིའི་ཟླ་འགོར་རྒྱ་གར་གྱི་སྲིད་བློན་མན་ནི་མོ་ཧན་སིང་མཆོག་གྲོས་ཚོགས་ཀྱི་འོས་བསྡུའི་ཆེད་དུ། ཨ་རོན་ན་ཅལ་མངའ་སྡེར་གཟིགས་སྐོར་དུ་ཕེབས་སྐབས་རྒྱ་ནག་གཞུང་གིས་ངོ་རྒོལ་ཤུགས་ཆེར་བྱས་ཡོད་ཅིང༌། དེ་དང་བསྟུན་ནས་རྒྱ་གར་གྱི་དཔལ་འབྱོར་བློན་ཆེན་པུ་རཱ་ནབ་མཆོག་གིས། ཨ་རོན་ན་ཅལ་མངའ་སྡེ་ནི་རྒྱ་གར་དང་ཁ་བྲལ་ཐབས་མེད་པའི་ཆ་ཤས་ཤིག་ཡིན་པས་སྲིད་བློན་མཆོག་གང་དུ་ཕེབས་རུང་རང་དབང་ཡིན་ཞེས་ལན་བརྒྱབ་ཡོད་པ་རེད།ཟླ་འདིའི་ཚེས་༡༧ ཉིན་རྒྱ་གར་གྱི་བརྒྱུད་ལམ་མང་པོས་ཕྱི་སྲིད་དྲུང་ཆེ་ན་རུས་པཱ་མ་ལགས་སུ། ྋགོང་ས་མཆོག་ཟླ་བ་རྗེས་མ་ཨ་རོན་ན་ཅལ་མངའ་སྡེར་ཆིབས་བསྒྱུར་གནང་ཐུབ་མིན་གྱི་སྐོར་བཅར་འདྲི་བྱེད་སྐབས། ཁོང་གིས་རྒྱ་གར་གྱི་ས་ཆ་གང་ལའང་ྋགོང་ས་མཆོག་ཕེབས་རྒྱུའི་རང་དབང་ཆ་ཚང་ཡོད་པ་རེད་ཅེས་ལན་འདེབས་གནང་ཡོད་པ་རེད།

ཨ་རིའི་སྲིད་འཛིན་ཨོ་བྷ་མས་སྲིད་འཛིན་གྱི་ལས་ཁུར་བཞེས་ནས་ཟླ་གྲངས་༩ ལས་སོང་མེད་པ་དང༌། ཨ་རིའི་ཕོ་བྲང་དཀར་པོའི་གཞུང་གི་འཛིན་སྐྱོང་མི་སྣ་དང༌། ནོ་སྦེལ་ཞི་བདེའི་གཟེངས་རྟགས་ལྷན་ཚོགས་གཉིས་ཀྱི་དབར་གཟེངས་རྟགས་ཀྱི་སྐོར་བཀའ་མོལ་གང་ཡང་བྱུང་མེད་པའི་ཐོག་ནས། གློ་བུར་དུ་སྔ་དྲོའི་ཆུ་ཚོད་༦ པའི་ཐོག་གསར་འགོད་དྲུང་ཆེ་རོ་བྷར་ཊི་མཆོག་གིས་སྲིད་འཛིན་ཨོ་བྷ་མར་ཞལ་པར་བརྒྱུད་ནས་གཟེངས་རྟགས་འབུལ་རྒྱུ་ཡིན་པའི་གནས་ཚུལ་བརྗོད་པས། འབྲེལ་ཡོད་མི་མང་པོར་ཧང་སངས་བཅུག་ཡོད་འདུག།

ཕྱི་ཟླ་༡༠ ཚེས་༡ ཉིན་ཧོང་ཀོང་གི་གྲོང་ཁྱེར་ལྟེ་གནས་སུ་མི་ཉིས་བརྒྱ་ཙམ་གྱིས། ང་ཚོར་འགྲོ་བ་མིའི་ཐོབ་ཐང་དགོས། རྒྱ་ནག་གིས་འཚོག་པའི་རྒྱལ་སྟོན་དུས་ཆེན་དེ་མི་དགོས་ཞེས་འབོད་ཚིག་བསྒྲགས་ཡོད་པ་རེད། ཕྱི་ལོ་༡༩༨༩ ལོའི་ཟླ་༦ ཚེས་༤ ཉིན་པེ་ཅིང་གནམ་བདེ་སྒོ་མོ་ཆེའི་ཐང་ཆེན་དུ་མང་གཙོའི་ཡར་ལངས་ཀྱི་ངོ་རྒོལ་བར་རྒྱ་གཞུང་གིས་དམར་གསོད་བྱས་པའི་དྲན་བྱང་ལག་ཏུ་ཁྱེར་ནས་ངོ་རྒོལ་བྱས་ཡོད་པ་མ་ཟད། དེ་སྔ་རྒྱ་དམར་གྱིས་དམར་གསོད་བྱས་པ་རྣམས་མཚོན་བྱེད་དུ་པུར་སྒམ་ཁྱེར་ནས་སྐད་འབོད་བྱས་ཡོད་འདུག

རྒྱས་པར་གཟིགས།

ཟླ་འདིའི་ཚེས་༢༧ ཉིན་རྒྱ་གཞུང་གི་ཞིན་ཧྭ་གསར་འགྱུར་ནང་བཀོད་པའི་གནས་ཚུལ་ལྟར་ན། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ། རྒྱལ་སྲིད་སྤྱི་ཁྱབ་ཁང་གི་གསར་འགྱུར་གཞུང་ལས་ཁང་ཟེར་བ་ནས་པར་སྐྲུན་བྱས་པ། ཀྲུང་གོའི་མི་རིགས་སྲིད་ཇུས་དང་མི་རིགས་སོ་སོ་མཉམ་དུ་དར་རྒྱས་གོང་སྤེལ་གཏོང་བ། ཞེས་པའི་རྒྱབ་ཤ་དཀར་པོའི་དེབ་ཅིག་པར་འགྲེམས་སྤེལ་བྱས་འདུག་པ་དང༌།

བོད་མི་མང་སྤྱི་འཐུས་སྐབས་བཅུ་བཞི་པའི་གྲོས་ཚོགས་ཚོགས་དུས་བརྒྱད་པ་དེ་རྐྱེན་སྣ་ཚོགས་ཀྱིས་ལུགས་ལྟར་མཇུག་བསྡོམས་རྒྱག་ཐུབ་མེད་པ་དང༌།བཙན་བྱོལ་དུ་ཡོད་པའི་བོད་མི་ཚང་མས་འདིའི་ཐད་ཧ་ཅང་གི་དོ་སྣང་ཆེན་པོ་བྱེད་བཞིན་ཡོད་ལ། དེ་བཞིན་དེང་སྐབས་རྒྱ་ནག་གཞུང་གིས་ཀྱང་གྲོས་ཚོགས་ཀྱི་སྐོར་སྐྱོན་བརྗོད་རིང་པོ་ཞིག་བྲིས་ཡོད་པ་རེད།

ཟླ་འདིའི་ཚེས་༢༨ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། སཱི་ཀོ་ལན་ཌིའི་སྐུ་ཚབ་འཐུས་མི་ཁག་གཅིག་ལ་རྒྱ་ནག་གཞུང་ཚབ་ཁང་གིས་བོད་དུ་བསྐྱོད་ཆོག་པའི་མགྲོན་བརྡ་བཏང་བ་ལྟར། བོད་དང་རྒྱ་ནག་ཏུ་གཟིགས་སྐོར་དུ་ཕེབས་ཡོད་ཅིང། ཉེ་དུས་བོད་དུ་ཕེབས་མཁན་གཟིགས་སྐོར་སྐུ་ཚབ་སྐུ་ཞབས་ལོར་ཌི་སི་ཊིལ་མཆོག་གིས། བོད་མི་རྣམས་རང་ཡུལ་དུ་རྒྱ་ནག་ཧན་མི་རིགས་ཀྱི་ཁྲོད་ནས་གྲངས་ཉུང་མི་རིགས་ཆགས་བཞིན་འདུག་ལ། ལོ་སྔོན་མའི་ཞི་བའི་རྔམ་སྟོན་ཁྲོམ་སྐོར་ནང་འཛུལ་ཞུགས་བྱས་པའི་གྲྭ་པ་བཙོན་ཁང་དུ་སྡོད་མྱོང་མཁན་ཚོ་ལའང་ཐུག་འཕྲད་བྱུང་ཞེས་བརྗོད་ཡོད་པ་རེད།

ཕྱི་ཟླ་༩ ཚེས་༢༨ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ྋགོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས། ཨ་རིའི་སྲིད་འཛིན་སྐུ་ཞབས་ཨོ་བྷ་མ་མཆོག་རྒྱ་ནག་ནས་ཕྱིར་འཁོར་རྗེས། ྋགོང་ས་མཆོག་དང་མཇལ་འཕྲད་ཞུ་རྒྱུ་ཡིན་པ་དང། ད་ཐེངས་སྲིད་འཛིན་སྐུ་ཞབས་ཨོ་བྷ་མ་དང་ྋགོང་ས་མཆོག་གཉིས་མཇལ་འཕྲད་གནང་མེད་པའི་རྒྱུ་མཚན་ནི། གནད་དོན་མང་པོ་ཞིག་ལ་བསྟུན་དགོས་ཀྱི་ཡོད་པའི་རྐྱེན་གྱིས་རེད་ཅེས་གསུངས་ཡོད་པ་རེད།

ཟླ་འདིའི་ཚེས་༢༣ ཉིན་༸གོང་ས་སྐྱབས་མགོན་ཆེན་པོ་མཆོག་ལ་རྒྱལ་སྤྱིའི་རང་དབང་གི་གཟེངས་རྟགས་དེ་ ཨ་རིའི་མངའ་སྡེ་ཊེ་ནེ་སའི་མངའ་སྡེའི་ནང་ཡོད་པའི་ཨ་རིའི་མི་རིགས་ནག་པོའི་ ཐོབ་ཐང་རྩོད་ལེན་པ་གྲགས་ཅན། མར་ཋིན་ལུ་ཐར་ཁིང་མཆོག་སྐུ་བཀྲོངས་སའི་ས་གནས་ལོ་རཱན་མགྲོན་ཁང་དུ་བརྟེན་གཞི་ བྱས་པའི་རྒྱལ་ཡོངས་སྤྱི་མང་ཐོབ་ཐང་འགྲེམས་སྟོན་ཁང་དུ་ཕུལ་ཡོད་པ་རེད།

རྒྱས་པར་གཟིགས།