རྒྱལ་སྤྱི།

ཟླ་འདིའི་ཚེས་༥ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཟླ་བ་རྗེས་མའི་༸གོང་ས་མཆོག་གི་སྐུའི་འཁྲུངས་སྐར་གྱི་དུས་དྲན་དང་བསྟུན་ནས་ཨོ་སི་ཁྲུ་ལི་ཡའི་གྲོས་ཚོགས་འཐུས་མི་ཁག་ཅིག་དྷ་སར་ཕེབས་ནས་ྋགོང་ས་མཆོག་དང། བཙན་བྱོལ་བོད་གཞུང་གི་ཁྲིམས་བཟོ་ལྷན་ཚོགས། འཛིན་སྐྱོང་བཀའ་བློན་སོགས་ལ་མཇལ་འཕྲད་གནང་གཏན་ཁེལ་ཡོད་པར། རྒྱ་ནག་གཞུང་གིས་ཨོ་སི་ཁྲུ་ལི་ཡར་ཕྱོགས་གཉིས་དབར་འགལ་ཟླ་ཡོང་སྲིད་པའི་ཉེན་བརྡ་བཏང་ཡོད་པ་རེད།

  ཟླ་འདིའི་ཚེས་༨ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཧྥ་རིན་སིའི་རྒྱལ་ས་པཱེ་རི་སིའི་གྲོང་ཁྱེར་སྲིད་གཞུང་གིས་ྋགོང་ས་མཆོག་ལ་ཧྥ་རིན་སིའི་རྒྱལ་སའི་མཚན་མཐོང་ཡུལ་མིའི་ཕྱག་ཁྱེར་ཕུལ་ཡོད་པ་དང༌། ྋགོང་ས་མཆོག་གིས། ང་འགྲོ་བ་མི་ཞིག་གིས་འགྲོ་བ་མིའི་རིན་ཐང་སྲུང་སྐྱོབ་དང་འཚེ་བ་མེད་པའི་ཞི་བདེའི་ལས་དོན་བསྒྲུབས་པའི་དྲིན་གྱིས། དེ་རིང་གི་གཟེངས་རྟགས་འདི་ཐོབ་པ་རེད་ཅེས་བཀའ་སློབ་ཕེབས་ཡོད་པ་རེད།

ཟླ་འདིའི་ཚེས་༤ ནས་ཨ་རིའི་སྲིད་འཛིན་སྐུ་ཞབས་ཨོ་བྷ་མ་མཆོག་ཁ་ཆེའི་རྒྱལ་ཁབ་ཨེ་ཇེབ་ཏུ་ཕེབས་ནས། ཁ་ཆེའི་འཛམ་གླིང་དང་ཨ་རིའི་རྒྱལ་ཁབ་གཉིས་ཀྱི་འབྲེལ་ལམ་གསར་འཛུགས་བྱེད་པ་ཟེར་བའི་བརྗོད་གཞིའི་ཐོག་གསུང་བཤད་གནང་སྟེ། ཁ་ཆེའི་རྒྱལ་ཁབ་ཁག་གིས་དགའ་བསུ་ཆེན་པོ་བྱས་ཡོད་པའི་གནས་ཚུལ་ཐོན་ཡོད་པ་རེད།

  ཟླ་འདིའི་ཚེས་༤ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་གར་གྲོས་ཚོགས་འོག་མའི་ཚོགས་གཙོར་བུད་མེད་གཅིག་བསྐོ་བཞག་གནང་ཡོད་པ་དེ། རྒྱ་གར་གྱི་ལོ་རྒྱུས་ནང་གྲོས་ཚོགས་ཀྱི་ཚོགས་གཙོ་བུད་མེད་ཆགས་པ་ཐེངས་དང་པོ་ཡིན་པ་རེད། དེ་ཡང་བྷིར་ཧར་མངའ་སྡེ་ནས་འཚར་ལོངས་བྱུང་ཞིང་རང་ལོ་༦༤ ལ་སོན་པ་མཱིའ་ར་ཀུས་མ་མཆོག གྲོས་ཚོགས་འོག་མའི་ཆབ་སྲིད་ཚོགས་པ་གཉིས་ཀྱི་འཐུས་མི་ཚོས། དགག་བྱ་དང་ངོ་རྒོལ་གང་ཡང་མེད་པར་གྲོས་ཚོགས་ཀྱི་ཚོགས་གཙོ་འདེམས་ཐོན་བྱུང་ཡོད་པ་རེད།

རྒྱ་གར་གྱི་ཡུལ་མི་རང་ལོ་67ལ་སོན་པ་ཞིག་གིས་འཛིན་རིམ་10་པའི་ཡིག་ཚད་ཐེངས་ 44་བཏང་ནས་ད་ལོ་ཡང་ཡིག་ཚད་ཁོངས་འཁྱོལ་མེད་པ་དང༌།  ཁོང་2010ལོར་རང་ལོ་68 ལ་སོན་རུང་འཛིན་རིམ་བཅུ་པའི་ཡིག་ཚད་ད་ལོ་ལས་ལྷག་པ་གྲ་སྒྲིག་བྱས་ནས་ཡིག་ཚད་འཁྱོལ་ཐབས་བྱེད་རྒྱུ་ཡིན་པའི་སྐོར། ཟླ་འདིའི་ཚེས་2་ཀྱི་རྒྱ་གར་དུས་བབས་ཚགས་ཤོག་སྟེང་བརྗོད་འདུག

ཟླ་འདིའི་ཚེས་༢ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། གཟའ་འཁོར་གཅིག་གི་སྔོན་ནས་ཨོ་སི་ཁྲུ་ལི་ཡར་སློབ་སྦྱོང་བྱེད་བཞིན་ཡོད་པའི་རྒྱ་གར་གྱི་སློབ་མ་ཚོར། ཡུལ་དེའི་ཕོ་གསར་མང་པོས་ས་ཕྱོགས་གང་དུ་ཐུག་ཚེ། རུབ་བརྒྱབ་ནས་རྡུང་རྡེག་བཏང་བ་དང་འགའ་རེ་ལ་གྲི་བརྒྱབ་ནས་སྨན་ཁང་དུ་ཛ་དྲག་སྨན་བཅོས་བྱེད་དགོས་བྱུང་ཡོད་པ་རེད།

ཟླ་འདིའི་ཚེས་༡ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གཞུང་དམག་གིས་བདུན་འགའི་སྔོན་ནས་པཱ་ཀི་སི་ཐན་བྱང་ཤར་ཁུལ་དུ་གཏན་འཇགས་ཡིན་པའི་ཏ་ལའི་བྷན་འཇིགས་སྐུལ་རིང་པ་དང་འཐབ་འཛིང་གི་འགོ་བཙུགས་ཡོད་པ་དང༌། ཟླ་འདིའི་ཚེས་༡༠ ནང་ཁུལ་ནས་བྱང་ཤར་གྱི་ས་ཁུལ་དུ་ཡོད་པའི་འཇིགས་སྐུལ་རིང་ལུགས་པ་ཡོངས་རྫོགས་རྩ་མེད་གཏོང་རྒྱུ་ཡིན་སྐོར་པཱ་ཀི་སི་ཐན་གྱི་ཕྱི་སྲིད་བློན་ཆེན་གྱིས་ཁྱབ་བསྒྲགས་བྱས་ཡོད་པ་རེད།

ཟླ་འདིའི་ཚེས་༡ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་པེ་ཅིང་གནམ་སྡེ་སྒོ་མོའི་ཐང་ཆེན་དུ་མང་གཙོ་དོན་གཉེར་བ་དང་སློབ་ཕྲུག རྩོམ་པ་པོ། གསར་འགོད་པ་སོགས་ཀྱིས་རྒྱ་ནག་ལ་འགྲོ་བ་མིའི་ཐོབ་དང་མང་གཙོ་དགོས་ཟེར་ནས། རང་དབང་སྒེར་ལངས་བྱས་ཏེ་མི་ལོ་ཧྲིལ་པོ་༢༠ འཁོར་ལ་ཉེ་བའི་དུས་དང་བསྟུན་ནས། གནམ་སྡེ་སྒོ་མོའི་ཐང་ཆེན་གྱི་ཨ་མ་ཟེར་བའི་ཚོགས་པ་དེས་རྒྱ་ནག་དབུས་གཞུང་ལ་ལོ་༢༠ སྔོན་གྱི་མི་གསོད་ཁྲག་སྦྱོར་ལ་འགན་ལེན་དགོས་ཟེར་བའི་ཡིག་ཆ་འགྲེམས་སྤེལ་བྱེད་བཞིན་ཡོད་པ་རེད།

ཟླ་འདིའི་ཚེས་༢༨ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་གྲོས་ཚོགས་འོག་མའི་ཚོགས་གཙོ་ནཱན་སི་ཕི་ལོ་སི་རྒྱ་ནག་ཏུ་གཟིགས་སྐོར་ལ་ཕེབས་ནས། རྒྱ་ནག་ཆེས་མཐོའི་དཔོན་རིགས་ཁག་དང་མཇལ་འཕྲད་བྱས་ཡོད་པ་དང། ཚོགས་གཙོས་རྒྱ་ནག་དང་བོད་ཀྱི་ནང་འགྲོ་བ་མིའི་ཐོབ་ཐང་སྐྱོ་པོ་ཡིན་པའི་གསུང་བཤད་གནང་ཡོད་པ་རེད།

ཟླ་འདིའི་ཚེས་༢༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གི་དཔོན་རིགས་༣ གྱིས་ཟ་ཁང་ནང་ཞབས་ཞུ་བྱེད་མཁན་བུ་མོ་ཞིག་ལ། འཁྲིག་སྤྱོད་ཀྱི་དགོས་འདུན་བཏོན་པར་བུ་མོས་དང་ལེན་མ་བྱས་ནས་བཙན་གཡེམ་བྱེད་སྐབས། བུ་མོ་དེས་གྲི་བཙུགས་ཏེ་དཔོན་པོ་གཅིག་བསད་པ་དང་རོགས་པ་གཉིས་ལ་རྨས་སྐྱོན་བཏང་ཡོད་པའི་གནས་ཚུལ་ཐོན་ཡོད་པ་རེད།    དེ་ཡང་རྒྱ་ནག་གི་གྲོང་ཁྱེར་ཞིག་ཏུ་ཟ་ཁང་དང་མགྲོན་ཁང་ཆང་ཁང་གཅིག་ལྕོགས་ཡིན་པ་ཁཱ་རོ་ཁའི་ཟེར་བ་ཞིག་ཏུ། བུ་མོ་རང་ལོ་༢༡ སོན་པ་ཏིན་ཡུས་ཇཱའོ་ཡིས་རྒྱ་ནག་དམར་ཕྱོགས་ཀྱི་དཔོན་རིགས་རང་ལོ་༤༣