རྒྱལ་སྤྱི།

ཟླ་འདིའི་ཚེས་༢༠ ཉིན་རྒྱ་ནག་དང་ཡུ་རོབ་མཉམ་འབྲེལ་གཉིས་དབར་ཚོང་དོན་ལྷན་ཚོགས་ཤིག་སྐོང་ཚོགས་བྱས་ཡོད་ཅིང༌། རྒྱ་ནག་གི་སྲིད་བློན་ཝོན་ཇཱའོ་པོ་ཡིས་ཡུ་རོབ་མཉམ་འབྲེལ་ཕྱོགས་ནས་རྒྱ་ནག་གི་ནང་སྲིད་ལ་ཐེ་གཏོགས་བྱེད་མི་ཆོག་ཅེས་ཉེན་བརྡ་བཏང་ཡོད་པའི་གནས་ཚུལ་ཐོན་འདུག
    དེ་ཡང་ཡུ་རོབ་མཉམ་འབྲེལ་གྱི་ཚོགས་གཙོ་ཇཱོ་སི་བྷ་རོ་སོ་དང་རྒྱ་ནག་གི་སྲིད་བློན་ཝོན་ཇཱའོ་པོ་གཉིས་ཀྱིས་ཚོགས་འདུའི་སྟེང་གསུང་བཤད་གནང་སྐབས། རྒྱ་ནག་གི་སྲིད་བློན་གྱིས། ཡུ་རོབ་མཉམ་འབྲེལ་དང་རྒྱ་ནག་གཞུང་གཉིས་ཀྱིས་ཕན་ཚུན་གུས་བརྩི་དང་མཉམ་མཐུན་བྱས་པ་ལས། ཕྱོགས་གཉིས་ཀྱི་ནང་སྲིད་ལ་ཐེ་གཏོགས་བྱས་པ་དེ་ལུགས་མཐུན་ཞིག་མིན་ལ་བྱེད་དོན་ཡང་མེད་ཅེས་བརྗོད་ཡོད་པ་རེད།

ཟླ་འདིའི་ཚེས་༡༧ ཉིན་རྒྱ་གར་གྱི་ཀོང་རི་སི་ཆབ་སྲིད་ཚོགས་པར་འོས་བསྡུའི་རྒྱལ་ཁ་ཐོབ་པ་ཁྱབ་བསྒྲགས་བྱས་པ་དང༌།    བཙན་བྱོལ་བོད་གཞུང་གི་སྤྱི་འཐུས་ལྷན་ཚོགས་ཀྱི་ངོས་ནས་ཀོང་རི་སི་ཆབ་སྲིད་ཚོགས་པར་སླར་ཡང་ལོ་ལྔའི་རིང་འཛིན་སྐྱོང་གི་རྒྱལ་ཁ་ཐོབ་པར། འཚམས་འདྲི་ཞུས་ཡོད་པ་དང༌། སྤྱི་འཐུས་ཀྱི་སྐུ་ཚབ་བོད་མི་དམངས་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་དང༌། སྤྱི་འཐུས་ཚོགས་གཙོ་ཟུར་པ་རྐ་མ་ཆོས་འཕེལ། སྤྱི་འཐུས་བསོད་ནམས་བསྟན་འཕེལ་བཅས་རྒྱ་གར་གྱི་རྒྱལ་ས་ལྡིར་ཆེད་ཕེབས་ཀྱིས་འཚམས་འདྲི་ཞུས་ཡོད་པ་རེད།།

རྒྱ་གར་འོས་བསྡུ་ཆེན་པོ་ཐེངས་༡༥ པའི་ནང་ཞུགས་མཁན་མི་རྒན་པ་ཧ་ཅང་མང་པོ་བྱུང་ཡོད་པ་དང༌། དེའི་ནང་ལོ་ན་རྒན་ཤོས་༡༢༧ དང་དེ་ནས་རིམ་གྱི་༡༠༥ ༡༠༢ ༡༠༡ ༩༥ བཅས་ཡིན་པ་རེད།    རྒྱ་གར་གྱི་གསར་ལམ་ཁག་ནས་གོང་འཁོད་ཀྱི་མི་དེ་དག་རྒྱ་གར་རྒྱལ་ཡོངས་ཀྱི་འོས་བསྡུའི་ནང་ཞུགས་མཁན་ལོ་ན་རྒན་ཤོས་ཡིན་པའི་ཁྱབ་བསྒྲགས་བྱས་ཡོད་པ་དང༌། དེ་བཞིན་འཛམ་གླིང་ནང་འོས་བླུག་མཁན་རྒན་ཤོས་ཀྱི་གྲས་ཡིན་པའི་གནས་ཚུལ་ཡང་ཐོན་ཡོད་པ་རེད།

ཉེ་ཆར་བརྒྱུད་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་དམངས་ཁྲོད་དུ་མནའ་འབྲེལ་ཁྲིམས་ལུགས་ལྟེ་གནས་ཅེས་པའི་ཚོགས་པ་དེའི་མི་སྣ་ཁག་ཅིག་གིས་བོད་ཀྱི་གནས་སྟངས་དངོས་ཤེས་རྟོགས་ཡོང་ཆེད། མཚོ་ལྷོ་བོད་རིགས་རང་སྐྱོང་ཁུལ་དང། ཨ་མདོ་བླ་བྲང་དང་དབུས་གཙང་ཁུལ་གྱི་ལྷ་ས་གྲོང་ཁྱེར། སྣེ་གདོང་རྫོང་བཅས་ས་ཁུལ་ཁག་བཞིར་བསྐྱོད་དེ་བོད་མི་མཁས་དབང་དང་སེར་མོ་བ། ཞིང་པ་དང་འབྲོག་པ། སྒྱུ་རྩལ་བ་དང་ཚོང་པ། དེ་མིན་ཡུལ་གཞན་ནས་ཡོང་བའི་མི་མང་ལ་བཅར་འདྲི་བརྒྱུད་སྙན་ཐོ་ཞིག་བཏོན་ཡོད་པ་དང། དེའི་ནང་དུ་༢༠༠༨ ལོའི་བོད་ཀྱི་ངོ་རྒོལ་དེ་ཕྱི་ཕྱོགས་ཀྱི་ཤུགས་རྐྱེན་གཅིག་པུ་མིན་པར། ནང་ཁུལ་དུ་དཔལ་འབྱོར་སོགས་ཀྱི་གནས་སྟངས་ཐོག་ནས་དོན་རྐྱེན་དེ་དག་བྱུང་སྐོར་བརྗོད་འདུག

ཟླ་འདིའི་ཚེས་༡༧ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཤྲིལངྐའི་གཞུང་དམག་གིས་སྟག་གྱེན་ལངས་ཚོགས་པ་རྩ་མེད་བཏང་ཡོད་པ་དང། སྟག་གྱེན་ལངས་ཚོགས་པའི་དམག་དཔོན་སྨན་ཁང་གི་ནད་པ་མྱུར་སྐྱོབས་རླངས་འཁོར་ཞིག་ནང་ནས་གསང་བྲོས་བྱེད་སྐབས། གཞུང་དམག་གིས་མེ་མདའ་བརྒྱབ་ནས་བསད་ཡོད་པའི་གནས་ཚུལ་ཐོན་ཡོད་པརེད།

ཟླ་འདིའི་ཚེས་༢༠ ཉིན་ཅེག་སྤྱི་མཐུན་རྒྱལ་ཁབ་ཀྱི་ས་ཁུལ་པིར་རྒུའི་ནང༌། ཡུ་རོབ་མཉམ་འབྲེལ་དང་རྒྱ་ནག་གཉིས་ཀྱི་ལྷན་ཚོགས་ཤིག་ཚོགས་རྒྱུ་ཡིན་པ་དང༌། ྋགོང་ས་མཆོག་གི་ཡུ་རོབ་མཉམ་འབྲེལ་དང་རྒྱ་ནག་བར་གྱི་ལྷན་ཚོགས་ལ་དགའ་བསུ་ཞུས་ཡོད་མ་ཟད། ཚོགས་ཐོག་ཏུ་ཡུ་རོབ་མཉམ་འབྲེལ་གྱི་གཙོ་སྐྱོང་པ་ཚོས་བོད་ནང་གི་བོད་མི་ཚོར་འགྲོ་བ་མིའི་ཐོབ་ཐང་མེད་པའི་དངོས་ཡོད་གནས་ཚུལ་དང༌།

ཟླ་འདིའི་ཚེས་༡༦ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་རྒྱལ་ཡོངས་འོས་བསྡུ་ཐེངས་༡༥ པའི་འགྲན་རྩོད་ཁྲོད་ནས་ཀོང་རི་སིའི་ཆབ་སྲིད་ཚོགས་པར། སླར་ཡང་ལོ་གྲངས་༥ རིང་གཞུང་འཛིན་སྐྱོང་གི་རྒྱལ་ཁ་ཐོབ་ཡོད་པ་དང༌། འདི་ལོའི་འོས་བསྡུ་ཆེན་མོའི་ནང་ཀོང་རི་སི་ཆབ་སྲིད་ཚོགས་པའི་རྒྱལ་ཁ་དེས། ཁ་གཏད་ཚོགས་པའི་ཆབ་སྲིད་མི་སྣ་ཚོ་ཧང་སང་དུ་བཅུག་ཡོད་པའི་གནས་ཚུལ་ཐོན་ཡོད་པ་རེད།

ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་བུད་མེད་གསར་འགོད་པ་གཉིས་བྱང་ཀོ་རི་ཡ་དང་རྒྱ་ནག་གི་ས་མཚམས་སུ་འཇུ་བཟུང་བྱས་ཡོད་པ་དང༌། བྱང་ཀོ་རི་ཡས་གསར་འགོད་པ་གཉིས་གློད་གྲོལ་གཏོང་བར་ཁྲིམས་གཏུགས་བརྒྱུད་དགོས་པ་ལས། རང་འཚམས་ཀྱིས་གློད་གྲོལ་གཏོང་རྒྱུ་མིན་པའི་གནས་ཚུལ་ཕྱིར་བསྒྲགས་བྱས་ཡོད་པ་རེད།

ཟླ་འདིའི་ཚེས་༡༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གྱི་གཞུང་དམག་གིས་ཏ་ལིན་བྷན་འཇིགས་སྐུལ་རིང་ལུགས་པ་རྩ་མེད་གཏོང་ལ་ཉེ་བ་དང༌། ཤྲཱིལངྐའི་དམག་དཔུང་གིས་སྟག་གྱེན་ལངས་ཚོགས་པའི་ས་ཁུལ་སྟངས་འཛིན་བྱེད་ལ་ཉེ་བ་ཡོད་པས། གལ་ཏེ་ཉེན་ཚབས་ཆེ་བའི་འཇིགས་སྐུལ་རིང་ལུགས་པའི་སྡེ་ཁག་གཉིས་དེ་རྩ་་མེད་གཏོང་ཐུབ་ན། ཤར་གླིང་ཨེ་ཤ་ཡར་ཞི་བདེ་ལྷིང་འཇགས་ཡོང་སྲིད་པའི་གནས་ཚུལ་ཐོན་ཡོད་པ་རེད།

ཟླ་འདིའི་༧  ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ནོ་བྷེལ་ཞི་བདེའི་གཟེངས་རྟགས་ཐོབ་མྱོང་མཁན་འབར་མའི་དམངས་གཙོ་ཚོགས་པའི་ཚོགས་གཙོ་ལྕམ་ཨཱང་སན་སུན་ཅི་འབར་མའི་དམག་གཞུང་གི་དཔོན་རིགས་ཚོས་བཟང་བཙོན་བཀག་ཉར་བྱས་ཏེ་མི་ལོ་༡༩ འཁོར་ལ་ཉེ་བ་དང༌། ཟླ་འདིའི་ཚེས་༢༧ ཉིན་ཁོང་གིབཀག་ཉར་བཙོན་འཇུག་གི་དུས་ཚོད་རྫོགས་རྒྱུ་ཡིན་རུང༌། དམག་མིའི་གཞུང་གིས་སླར་ཡང་དམ་དྲག་བྱས་ཏེ་གློད་གྲོལ་གཏོང་འཆར་མེད་པའི་གནས་ཚུལ་ཐོན་ཡོད་པ་རེད།