རྒྱལ་སྤྱི།

ཟླ་འདིའི་ཚེས་༢༧ ཉིན་དཀྱིལ་ཤར་ཨ་རབ་ཀྱི་བརྙན་འཕྲིན་བརྒྱུད་ལམ་ཏུ་ཨ་རིའི་སྲིད་འཛིན་མཆོག་གིས། ཨ་རི་ནི་ཁ་ཆེ་བ་ཚོའི་དགྲ་བོ་མིན་ཞེས་པའི་གསུང་བཤད་ཅིག་སྤེལ་ཡོད་པ་རེད། སྲིད་འཛིན་ཨོ་བྷ་མས་༢༠༠༨ ལོར་འོས་བསྡུའི་ལས་འགུལ་ཆེན་པོའི་སྐབས་སུ་ང་ཁ་ཆེའི་རྒྱལ་ཁབ་མང་ཆེ་བའི་རྒྱལ་ས་ཁག་ཏུ་གཏམ་བཤད་སྤེལ་བར་འགྲོ་མྱོང་ཡོད་པ་དང༌། ད་དུང་ང་ཁ་ཆེའི་རྒྱལ་ཁབ་ཨིན་དྷུ་ནི་ཤི་ཡར་ལོ་མང་རིང་སློབ་གྲྭར་བསྐྱོད་དེ་འཚར་ལོངས་བྱུང་བ་ཞིག་རེད། དོན་དངོས་ཐོག་ཁ་ཆེའི་མང་ཚོ་རྣམས་དད་པ་ཁོ་ནའི་རྗེས་སུ་འབྲང་མཁན་མིན་ལ། མང་ཚོགས་ཀྱིས་རྒྱུན་གནས་ལུགས་མཐུན་གྱི་འཚོ་བའི་དོན་དུ་རེ་བ་དང་རྨི་ལམ་མང་པོ་ཞིག་གཏོང་བཞིན་ཡོད།

རྒྱལ་སྤྱིའི་གསལ་ལམ་ཁག་ནས་གནས་ཚུལ་སྤེལ་གསལ་ལྟར་ན།  འདི་ཟླའི་ཚེས་ཉེར་བརྒྱད་ཉིན། རྒྱ་ནག་གི་སྲིད་བློན་ཝིན་ཅཱ་པོ་སུད་སིར་འཚམས་འདྲིར་བསྐྱོད་སྐབས། སུད་སིར་གནས་སྡོད་བོད་མི་ཚོས་སུད་སི་རྒྱལ་ས་བྷི་ཨན་དུ་ངོ་རྒོལ་ཤུགས་ཆེར་སྤེལ་བར་བརྟེན།  ཉེན་རྟོག་པས་བོད་མི་ཉེར་གཅིག་འཛིན་བཟུང་བྱས་པ་དང༌། སྲིད་འཛིན་ཁང་ཆེན་ཉེ་འཁོར་གྱི་ལམ་ཁ་བཀག་པ་མ་ཟད།  མི་མང་དང་གསར་འགོད་པ་རྣམས་ཉི་ར་སོགས་ཁང་སྟེང་དུ་བསྡད་མི་ཆོག་པའི་བཀའ་རྒྱ་བཏང་འདུག འོན་ཀྱང་ཉེན་རྟོག་པས་གསལ་བཤད་བྱས་པ་ལྟར་ན། སྐབས་དེར་བོད་མི་ངོ་རྒོལ་བ་ལྔ་བཅུ་ནས་བརྒྱད་ཅུ་ཙམ་སྲིད་འཛིན་ཁང་ཆེན་གྱི་མདུན་སྒོར་ཤོར་ཏེ་འཕྲེད་དར་འཕྱར་ཞིང་སྐད་འབོད་ཤུགས་ཆེར་བྱས་ཡོད་སྐོར་དང༌། གཞན་ཡང་སུད་སི་གནས་བཞུགས་བོད་མིའི་འགོ་ཁྲིད་ཅིག་གིས་བོད་མི་བརྒྱ་ལྷག་ངོ་རྒོལ་ནང་བཞུགས་ཡོད་སྐོར་གསུངས་འདུག

གསར་ལམ་ཁག་ཏུ་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༢༦ རེས་གཟའ་ཟླ་བའི་སྔ་དྲོ་ཆུ་ཚོད་ ༡༠ དང་སྐར་མ་ ༤༨ ཐོག་ཨ་རིའི་བུད་མེད་གཅིག་ལ་དུས་གཅིག་ཏུ་ཕྲུ་གུ་བརྒྱད་སྐྱེས་ཡོད་འདུག འདི་ནི་ཨ་རིའི་ལོ་རྒྱུས་ནང་དུས་གཅིག་ལ་ཕྲུ་གུ་བརྒྱད་སྐྱེས་པ་ཐེངས་གཉིས་པ་དེ་ཆགས་ཡོད་འདུག   དེ་ཡང་ཨ་རིའི་ཀ་ལི་ཧྷོར་ནི་ཡ་མངའ་སྡེའི་ཁོངས་གཏོགས་ལོ་སའིཨན་ཇི་ལའི་སྨན་ཁང་ཞིག་ཏུ་བུ་དྲུག་དང་བུ་མོ་གཉིས་སྐྱེས་ཡོད་འདུག ཨ་མའི་མངལ་དུ་ཟླ་བ་གཉིས་དང་བདུན་ཕྲག་གཅིག་ཙམ་ལས་སྦྲུམ་མེད་པས་སྐྱེས་དུས་མ་རྫོགས་པའི་སྔོན་ལ་བཤའ་བཅོས་བཏང་ཡོད་པ་རེད།

  དོམ་ཁྲའམ་བྱི་ལ་དོམ་ནི་སྟོངས་ལ་ཉེ་བའི་རི་སྐྱེས་སྲོག་ཆགས་ཤིག་ཡིན་ཞིང༌། ཡོངས་གྲགས་ལྟར་བྱས་ན་འདི་ནི་བོད་ཀྱི་ཐུན་མོང་མ་ཡིན་པའི་རི་སྐྱེས་སྲོག་ཆགས་ཤིག་ཡིན་པ་དང༌། ནུབ་ཕྱོགས་པའི་གློག་བརྙན་འགའ་རེའི་ནང་དོམ་ཁྲ་བོད་ཀྱི་ཐུན་མོང་མ་ཡིན་པའི་སྲོག་ཆགས་ཡིན་སྐོར་དང༌། རྒྱ་རིགས་རྔོན་པས་མང་པོ་བསད་པར་བརྟེན། སྟོངས་ལ་ཉེ་བ་ཡིན་སྐོར་ཡང་བརྗོད་ཀྱི་ཡོད་པ་རེད།
    དེ་ཡང་བྷི་བྷི་སིའི་དྲ་ཐོག་གི་ཆེད་རྩོམ་ཞིག་ནང་རྒྱ་མིའི་ལོ་གསར་དང་སྟབས་བསྟུན་ནས། ཐེ་ཝན་རྒྱལ་ས་ཐེའི་པེ་རུ་གཞུང་འབྲེལ་ཐོག་ནས་གཅན་གཟན་ཁང་ལ་གཟིགས་མོའི་ཁྲོམ་ཚོགས་

ཝ་ཤིང་ཊོན་ནས་གནས་ཚུལ་སྤེལ་གསལ་ལྟར་ན། ཕྱི་ཚེས་༢༣ ཉིན་བྷེ་རག་ཨོ་བྷ་མས་ཨ་རི་དང་སའོ་དྷི་ཨ་རབ་བྷི་ཡ་རྒྱལ་ཁབ་གཉིས་མཐུན་སྒྲིལ་ཡོང་བ་དང༌། གྷ་ཟའི་ནང་མཚོན་ཆ་ནག་ཚོང་བཀག་འགོག་བྱེད་རྒྱུ་སོགས་ཀྱི་སྐོར་ལ་རྒྱལ་པོ་ཨབ་དྷུལ་ལཱར་དང་ཁ་པར་བརྒྱུད་ནས་གྲོས་སྡུར་བྱས་ཡོད་ཅིང༌། དེ་ནི་ཁོང་གི་ཨ་རབ་ཀྱི་རྒྱལ་ཁབ་ལ་འབྲེལ་བ་བྱས་པ་ཐོག་མ་དེ་ཡིན་འདུག དེ་བཞིན་ཨོ་བྷ་མས་དབྱིན་ཇིའི་སྲིད་བློན་གྷོར་ཌོན་བྷ་རོན་དང༌། ཁེ་ན་ཌའི་སྲིན་བློན་ས་ཊ་ཕན་ཧར་པེར་སོགས་ལའང་ཁ་པར་བརྒྱུད་ནས་འབྲེལ་བ་བྱས་ཡོད་པ་རེད།

ཟླ་འདིའི་ཚེས་ ༢༤ རེས་གཟའ་སྤེན་པ་ཉིན་རྒྱ་གར་གྱི་སྲིད་བློན་མཆོག་སྙིང་ནད་དང་འབྲེལ་བའི་ན་ཚ་ཞིག་བཤའ་བཅོས་གཏོང་གཏན་འཁེལ་ཡོད་འདུག དེ་ཡང་གནས་ཚུལ་ཁུངས་ལྡན་ལྟར་ན། དགུང་ལོ་ ༧༦ ལ་སོན་པའི་རྒྱ་གར་གྱི་སྲིད་བློན་མན་མོ་ཧང་སིང་མཆོག་གི་སྙིང་ནད་དང་འབྲེལ་བའི་ནད་གཞི་བཤའ་བཅོས་ཀྱི་ཆེད་དུ། གྲོང་ཁྱེར་མུམ་བྷེ་ནས་ཨེ་ཤ་ཡའི་སྙིང་ནད་བཤའ་བཅོས་མཐུན་ཚོགས་ཀྱི་མཁས་དབང་སྐོར་ཞིག་ཡོང་རྒྱུ་ཡིན་པ་དང༌། ཟླ་འདིའི་ཚེས་ ༢༦ ཉིན་རྒྱ་གར་མང་གཙོའི་དུས་ཆེན་གྱི་མཛད་སྒོའི་ཐོག་སྲིད་བློན་མཆོག་ཕེབས་གཏན་འཁེལ་ཡོད་རུང༌།

གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། རྒྱ་ནག་གི་འོ་མའི་བཟོ་གྲྭ་ཞིག་གིས་འོ་མའི་ནང་རྫས་རིགས་རང་བཞིན་གྱི་དུག་རྫས་བསྲེ་བསླད་མང་དྲགས་པས། ཕྲུ་གུ་ ༦ ལ་སྲོག་སྐྱོན་དང་ ༣༠༠༠༠༠ ཙམ་ནད་པ་ཆགས་ཡོད་པ་དང༌། ཟླ་འདིའི་ཚེས་༢༢ ཉིན་བཟོ་གྲྭའི་འགོ་འཛིན་གཉིས་སྲོག་ཐོག་གཏོང་རྒྱུའི་ཁྲིམས་ཆད་དང༌། གཅིག་ལ་ཚེ་བཙོན་གྱི་ཁྲིམས་ཐག་བཅད་ཡོད་འདུག

ཟླ་འདིའི་ཚེས་ ༢༡ ཉིན་པེ་ཅིང་དུ་ཡོད་པའི་བྷི་བྷི་སིའི་གསར་འགོད་པས་གནས་ཚུལ་སྤེལ་གསལ་ལྟར་ན། ༡༩༩༨ ལོའི་ཨ་རིའི་སྲིད་འཛིན་བྷིལ་ཁིན་ཊོན་གྱིས་འགྲོ་བ་མིའི་ཐོབ་ཐང་དང་ཆོས་ལུགས་དད་པ་རང་དབང་གི་ཐད་ལ། རྒྱ་ནག་ནི་ད་དུང་ཡང་ནོར་འཁྲུལ་ཅན་གྱི་ལོ་རྒྱུས་ཀྱི་ཕྱོགས་སུ་ལྷུང་ནས་བསྡད་ཡོད་གསུངས་མྱོང་བ་ལྟར། རྒྱ་ནག་ད་དུང་ཡང་ནོར་འཁྲུལ་ཅན་གྱི་ལོ་རྒྱུས་ཀྱི་ཕྱོགས་གཅིག་ནས་ཐར་མེད་པ་དང༌། ཧང་སང་དགོས་པ་གཅིག་ལ་པེ་ཅིང་ཁྲོམ་གཞུང་དུ་ཨོ་བྷ་མའི་པར་རིས་ཁྲོ་ཉམས་ཅན་དང༌། གདོང་ངོས་སུ་ཁྲག་ཐིགས་བརྒྱབ་པ་ཅན་སྦྱར་འགྲེམས་བྱས་འདུག

དགུང་ལོ་ ༤༧ ལ་སོན་པའི་སྲིད་འཛིན་ཨོ་བྷ་མ་ནི་ཨ་རིའི་སྲིད་འཛིན་རིམ་བརྒྱུད་ཐེངས་ ༤༤ པའི་ནང་ནས་གཞོན་ཤོས་བཞི་པ་དེ་ཡིན་ལ། ཨ་རིའི་ལོ་རྒྱུས་ནང་མི་རིགས་ནག་པོ་སྲིད་འཛིན་ཆགས་པ་ཐོག་མ་དེའང་ཡིན་པ་རེད། ལོ་བཅུ་ཕྲག་འགའི་སྔོན་དུ་ཨ་རིའི་ནང་མི་རིགས་དཀར་ནག་དབྱེ་འབྱེད་ཀྱི་འཐབ་རྩོད་དེས། མི་རིགས་ནག་པོ་ཕལ་ཆེ་བ་བྲན་གཡོག་ཤ་སྟག་ཡིན་པ་རེད། དཔེར་ན། ཨོ་བྷ་མའི་སྲིད་འཛིན་གྱི་མཛད་སྒོ་ཚོགས་སའི་ཨ་རིའི་རྒྱལ་ཚོགས་ཁང་ཆེན་དེ་མི་རིགས་ནག་པོ་བྲན་གཡོག་ཚོའི་ནུས་ཤུགས་ལ་བརྟེན་ནས་བསྐྲུན་པ་ཞིག་ཡིན་པ་དང༌། དེ་རིང་མི་རིགས་ནག་པོ་གཅིག་གིས་ཁང་ཆེན་འདིའི་ནང་སྲིད་འཛིན་གྱི་མཛད་སྒོ་

    ཟླ་འདིའི་ཚེས་༡༦ ཉིན་བལ་ཡུལ་གཞུང་ནས་བལ་ཡུལ་དང་རྒྱ་གར་གྱི་མཐའ་མཚམས་ཇཱ་པ་ས་ཁུལ་དུ་བྱ་ནད་དངོས་སུ་ཁྱབ་ཡོད་པའི་དྲིལ་བསྒྲགས་བྱས་ཡོད་པ་དང༌། དེ་ནི་བྱ་ནད་བལ་ཡུལ་དུ་ཁྱབ་པ་ཐེངས་དང་པོ་ཡིན་འདུག
    ལོ་སྔོན་མར་བལ་ཡུལ་དུ་བྱ་ནད་ཁྱབ་ཡོད་པའི་དོགས་གཞི་ཙམ་ལས་དངོས་སུ་ཁྱབ་ཡོད་མེད་ར་སྤྲོད་བྱུང་མེད་མོད་ད་ལོ་བྱ་རོ་ཁག་ཅིག་ལ་བརྟག་དཔྱད་བྱས་འབྲས་སུ་བདུན་ཕྲག་གཉིས་ཙམ་གྱི་གོང་ནས་རྒྱ་གར་ས་མཚམས་བརྒྱུད་བྱ་ནད་དངོས་སུ་ཁྱབ་ཡོད་པ་ཤེས་རྟོགས་བྱུང་འདུག བལ་གཞུང་ནས་ཁུལ་དེར་ལས་མི་དང་སྨན་བཅོས་བྱེད་མཁན་བཏང་ཡོད་པ་མ་ཟད།