དཔེ་དེབ་ངོ་སྤྲོད།

རྗེ་བཙུན་རིན་པོ་ཆེ་སློབ་དཔོན་བསོད་ནམས་རྩེས་མོས་མཛད་པའི་<<བྱང་ཆུབ་སེམས་དཔའི་སྤྱོད་པ་ལ་འཇུག་པའི་འགྲེལ་པ་>>དེ་བོད་མི་མང་སྤྱི་འཐུས་མཁན་པ་ཀཿ བྲག་དངོས་གྲུབ་བསོད་ནམས་ཀྱིས་པར་སྐྲུན་བྱས་ཡོད་པ་དང་།

བོད་མི་མང་སྤྱི་འཐུས་ཚོགས་གཞོན་ཨཅཱརྱ་ཡེ་ཤེས་ཕུན་ཚོགས་ཀྱིས་བོད་ཡིག་ཐོག་ཕྱོགས་བསྒྲིགས་བྱས་པའི་<<མང་གཙོའི་རྒྱལ་ཁབ་འདྲ་མིན་གྱི་རྩ་ཁྲིམས་ཕྱོགས་བསྡུས་>>ཞེས་པའི་དཔེ་དེབ་པར་སྐྲུན་བྱས་ཡོད་པ་དང་། ༢༠༢༠ ལོའི་ཕྱི་ཟླ་༩ ཚེས་༢༥ ཉིན་སྲིད་སྐྱོང་བློ་བཟང་སེང་གེས་དཔེ་དེབ་དེ་དབུ་འབྱེད་གནང་ཡོད་པ་རེད།

དགེ་བཤིས་འཇིགས་མེད་བློ་གྲོས་ཀྱིས་བརྩམས་པའི་<<གཙུག་ལག་གཞུང་ཆེན་མཇལ་བའི་ཟིན་ཐོ་>>ནི་བོད་ཀྱི་དཔེ་མཛོད་ཁང་གིས་ནང་ཆོས་དེབ་ཕྲེང་༣༣ པའི་ངོ་བོར་པར་སྐྲུན་བྱས་ཡོད་པ་དང་།

ཉི་ཧོང་གི་ཆབ་སྲིད་དཔྱད་བརྗོད་པ་ཡཱ་བྷད་ཐེས་ཇིས་(Yabe Teiji 1902-1967) བརྩམས་པའི་ཆབ་སྲིད་རིག་པའི་འཇུག་སྒོ་ནི། ཉི་ཧོང་གི་ཐའོ་ཡུན་ཁོ་ཧ་མ་སློབ་གྲྭ་ཆེན་མོའི་དགེ་རྒན་ཆོས་ལྡན་འབུམ་གྱིས་བོད་བསྒྱུར་བྱས་ཏེ། སློབ་དཔོན་ཆེན་མོ་རྒྱ་རི་པདྨ་རྒྱལ་པོས་ཆེད་བརྗོད་བྲིས་ནས། ཉེ་ཆར་བོད་ཀྱི་དཔེ་མཛོད་ཁང་ནས་པར་སྐྲུན་འགྲེམས་སྤེལ་བྱས་ཡོད་པ་རེད།