དེ་ཁོང་གིས་ནོར་བ་རེད།
ཨ་རིའི་ཨིན་ཌི་ཡ་ན་གཙུག་ལག་སློབ་གྲྭ་ཆེན་མོའི་བོད་ཀྱི་ལོ་རྒྱུས་སློབ་དཔོན་ཆེན་མོ་ཨེ་ལོ་ཐི་སི་པར་ལིང་(Prof.Eliot Sperling)གིས་བརྩམས།
མཇུག་མཐར་རྒྱ་ནག་གིས་བཤད་པ་འགྲིག་པ་རེད། དེ་ནི་ཚང་མ་ཏཱ་ལའི་བླ་མའི་སྐོར་ལ་རེད། མ་འོངས་པའི་བོད་ཀྱི་ལས་འགུལ་སྐོར་ལ་གྲོས་བསྡུར་ཆེད་བདུན་ཕྲག་གཅིག་གི་དམིགས་བསལ་ཚོགས་ཆེན་གྱི་རྗེས་སུ། བོད་ཀྱི་བཙན་བྱོལ་ཁོར་ཡུག་གང་ས་ནས་ཕེབས་པའི་སྐུ་ཚབ་རྣམས་ཀྱིས་རྒྱ་ནག་གི་མངའ་ཁོངས་རང་དུ་ཚད་མཐོའི་རང་སྐྱོང་སློང་བའི་ཏཱ་ལའི་བླ་མའི་བོད་རྒྱ་ནག་གི་ཆ་ཤས་སུ་ངོས་ལེན་བྱེད་པའི་ལོ་ངོ་སུམ་ཅུའི་སྲིད་བྱུས་རྙིང་པ་དེ་རྒྱུད་མཐུད་བྱེད་རྒྱུར་ཧ་ལམ་མོས་མཐུན་བྱུང་ཡོད། ཁ་ཅིག་གིས”ཧ་ལམ་”བརྗོད་ཀྱི་ཡོད་རེད། རྒྱུ་མཚན་ནི་ཚོགས་ཆེན་དེ་སྲིད་བྱུས་དེར་མངོན་གསལ་དོད་ཤོས་ཀྱིས་འདོད་བློ་མ་ཚིམ་པའི་ཚོགས་ཁག་རྣམས་ཀྱི་སྒང་ལ་དབང་ཤུགས་སླེབས་པ་རེད་ཅེས་གནས་ཚུལ་ཐོན་ཡོད།
རྒྱས་པར་གཟིགས།
མེས་དབོན་གཙུག་ལག་དཔེ་སྟོན་སློབ་གྲྭ་དབུ་བརྙེས་ནས་ལོ་ངོ་གསུམ་འཁོར་ཟིན་ཡོད་པ་དང༌། ཟླ་འདིའི་ཚེས་༡ ཉིན་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་སློབ་ཕྲུག་ཚོས་བྲིས་པའི་རི་མོ་དང་ཡིག་གཟུགས་སོགས་ཀྱི་འགྲེམས་སྟོན་ཞིག་གོ་སྒྲིག་བྱས་ཡོད་པ་རེད། དེར་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་སྐུ་མགྲོན་གཙོ་བོར་ཕེབས་ཡོད་པ་རེད། 
ཟླ་འདིའི་ཚེས་༡ ཉིན་ནི་འཛམ་གླིང་གཉན་ནད་རེག་དུག་(HIV/AIDS)གི་ན་ཚའི་ཉིན་མོ་ཡིན་པ་དང༌། ཉིན་དེར་དྷ་ས་ཟློས་གར་ཚོགས་ཁང་དུ་བོད་གཞུང་འཕྲོད་བསྟེན་ལས་ཁུངས་ཀྱིས་མི་མང་ལ་ན་ཚ་སྔོན་འགོག་སྐོར་ལ་ངོ་སྤྲོད་གནང་བ་དང་འབྲེལ་བོད་པའི་སྤྱི་ཚོགས་ནང་གཉན་ནད་རེག་དུག་གི་ནད་གཞི་ངོ་སྤྲོད་དང༌། སྔོན་འགོག་ཐབས་ལམ་སོགས་ཀྱི་སྐོར་ལ་སློབ་གསོའི་ལས་འགུལ་རྒྱ་ཆེ་སྤེལ་རྒྱུའི་ལས་རིམ་ནང་འདི་ལོའི་ཕྱི་ཟླ་༡༢ ཚེས་༡ ནས་༢༠༠༩ ལོའི་ཟླ་༣ ཚེས་༣༡ བར་ས་གནས་གང་ས་ནས་རིན་མེད་ཐོག་བརྟག་དཔྱད་བྱ་རྒྱུ་ཡིན་པ་འགྲེལ་བརྗོད་གནང་ཡོད་པ་རེད། དེ་བཞིན་བོད་གཞུང་སྨན་རྩིས་ཁང་གི་སྨན་པ་བསྟན་འཛིན་རྣམ་གྲོལ་ལགས་ཀྱིས་བོད་པའི་སྤྱི་ཚོགས་ནང་ནད་གཞི་དེ་ཇེ་མང་དུ་འགྲོ་བཞིན་ཡོད་པ་ངོ་སྤྲོད་དང༌། 
ཟླ་འདིའི་ཚེས་༡ ཉིན་བོད་གཞུང་འཆར་འགོད་ལས་ཁུངས་ཀྱིས་བཙན་བྱོལ་བོད་མིའི་ཆེད་ལས་ལས་འཆར་བཟོ་འགོད་དང༌། འཛུགས་སྐྲུན་ལག་བསྟར་ཆེད་དམིགས་བསལ་འོས་སྦྱོང་ཞེས་པ་གོ་སྒྲིག་དང་འོས་སྦྱོང་དེའི་འགོ་འཛུགས་མཛད་སྒོ་སྟབས་བདེ་ཞིག་གནང་ཡོད་པ་རེད། མཛད་སྒོའི་ཐོག་སྐུ་མགྲོན་གཙོ་བོ་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་དང༌། འཆར་འགོད་འགན་འཛིན་འབུམ་རམས་པ་དཀོན་མཆོག་བརྩོན་འགྲུས་ལགས་ཕེབས་ཡོད་པ་དང༌། འོས་སྦྱོང་སྤྲོད་མཁན་འཆར་འགོད་ལས་ཁུངས་ཀྱི་ལས་བྱེད་ཁག་ཅིག འོས་སྦྱོང་བ་མཐོ་སློབ་ཐོན་པའི་སློབ་མ་ས་གནས་གང་ས་ནས་ཕེབས་པ་གྲངས་བཅོ་ལྔ་དང༌། གསོག་སྒར་སློབ་གྲྭ་ནས་ཐོན་པ་གཅིག་བཅས་ཁྱོན་བསྡོམས་འོས་སྦྱོང་བ་བཅུ་དྲུག་ཡོད་པ་རེད།