Author: lobsang la

འདོན་ཐེངས་སྔོན་མའི་འཕྲོས།

བཤད་ཚུལ་དེ་ནི། གནའ་རབས་ཀྱི་ལོ་རྒྱུས་ཡིག་རིགས་ངོ་མ་དང་ཡང་རྩ་བ་ནས་མི་མཐུན་པར་མཐོང་སྟེ། བོད་ཀྱི་ལྟེ་གནས་གྲོང་ཁྱེར་ལྷ་ས་དང༌། གནའ་རབས་ལོ་རྒྱུས་ཀྱི་འབྱུང་ཡུལ་ལྷོ་ཁའམ། ཀོང་པོ། འབྲི་གུང་སོགས་ས་གནས་དུ་མར་གནའ་དུས་བཙན་པོའི་སྐབས་བསྐྲུན་པའི་རྡོ་རིང་གི་ཡི་གེ་བཟོ་བཅོས་ཀྱི་དྲི་མས་མ་གོས་པ་ཁག་གཅིག་ད་ལྟའང་དངོས་སུ་གནས་ཡོད་པ་དེ་དག་གི་ཏོག་ཆབ་སྲིད་དང༌། དམག་དོན། ས་རིས་བདག་དབང་གི་སྐོར་སོགས་འཁོད་ཡོད་ལ། ཆོས་ལུགས་འཛིན་སྐྱོང་ཐད་ཀྱི་གཙིགས་ཡིག་ཀྱང་ཚུད་པ་བཅས་ལོ་རྒྱུས་དཔྱད་གཞིའི་ནང་དོན་ཕུན་སུམ་ཚོགས་ཙམ་མཆིས།

དང་པོ། བོད་ཀྱི་བཙན་པོ་ཐོག་མ་གཉའ་ཁྲི་བཙན་པོའི་སྐོར་གླེང་བ།

འདོན་ཐེངས་སྔོན་མའི་འཕྲོས།

སྤྱིར་རྒྱལ་པོ་དེ་རྣམས་ཀྱི་ཚེ་བྲམ་ཟེ་རིག་བྱེད་ཀྱི་སྨྲེང་དང་མཚན་བརྟག་པ་ལ་མཁས་པའི་མདུན་ན་འདོན་སོགས་མང་ཞིང་སྐྱེ་བོ་གྲ་མ་རྣམས་ཀྱང་སྒྱུ་རྩལ་དྲུག་བཅུ་རྩ་བཞི་པོ་སློབ་པའི་ཕྱིར་བུ་མཚན་དཔེ་དང་ལྡན་པ་བཙས་ན་ལྟས་ངན་དུ་དོགས་པ་ག་ལ་སྐྱེ་ཞེས་དང༌། ཡང་ཁོང་གིས། སྐྱ་སེང་གིས་ལྷ་མཆོད་པས་རུ་པ་ཏི་ཕ་དང་གོ་དགུ་པོ་བསད་ཅིང༌། ཐ་ཆུང་རུ་པ་ཏི་མཚན་དང་ལྡན་པ་དེ་བཙོན་དུ་ཁྲིད་ནས་འོངས། སྐྱ་སེང་གིས་གསོད་པར་འཕངས་ནས་ཟངས་ནང་དུ་ཟས་སྐོམ་དང་གོས་དང་བཅས་ཏེ་ཆུར་བསྐྱུར་བ་ཞིང་པས་རྙེད་ནས་གསོས།

བོད་བཙན་པོའི་དུས་རིམ་ཞེས་པའི་ལེའུའི་ནང་བོད་ལོ་ ༠༡ ནས་ ༩༦༩ བར་དང༌། ཕྱི་ལོ་གོང་གི་ལོ་ ༡༢༧ ནས་ཕྱི་ལོ་ ༨༤༢ བར། འདས་ལོ་ ༤༡༧ ནས་ ༡༣༨༦ བར་ཁྱོན་བསྡོམས་ལོ་གྲངས་ ༩༦༩ རྫོགས།བོད་ཀྱི་བཙན་པོ་ཐོག་མ་གཉའ་ཁྲི་བཙན་པོ་གཉའ་ཁྲི་བཙན་པོ་ནས་ད་ལྟའི་རྒྱལ་དབང་བཅུ་བཞི་པའི་བར་བོད་ཀྱི་རྒྱལ་པོ་སོགས་དུས་རབས་ཀྱི་སྲིད་འཛིན་མི་སྣ་གཙོའི་མཚན་བྱང་དང༌། དུས་ཚིགས་རགས་རིམ་ཚིགས་བཅད་ཀྱི་ཐོག་ནས་གཤམ་དུ་གསལ།ནས་རྒྱལ་རབས་མཐའ་མ་འུ་དུམ་བཙན་པོ་སྟེ་རྒྱལ་པོ་གླང་དར་མའི་བར་གྱི་དུས་རིམ་འདུས།