བཙན་བྱོལ།

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་ཀརྨ་ཆོས་འཕེལ་མཆོག་གི་ལས་རྒྱུན་རྫོགས་པ་དང༌། ཟླ་འདི་ཚེས་༡༦ ཉིན་ཚོགས་གཙོ་གསར་པ་སྤེན་པ་ཚེ་རིང་མཆོག་གིས་སྤྱི་འཐུས་ཚོགས་གཙོའི་དམ་འབུལ་གནང་བ་དང༌། ཚོགས་གཙོའི་ལས་དོན་དབུ་འཛུགས་གནང་ཡོད་པ་རེད། ཚོགས་གཙོ་གསར་པ་སྤེན་པ་ཚེ་རིང་མཆོག་ལ་དེ་སྔོན་སྤྱི་འཐུས་ནང་དུ་འཐུས་ཤོར་འདི་ཕྱིན་འདུག་བསམ་པའི་དགོངས་ཚུལ་ཡོད་མེད་སྐོར་བཅར་འདྲི་ཞུས་པར།

ྋགོང་ས་ྋསྐྱབས་མགོན་ཆེན་པོའི་ལམ་སྟོན་དང༌། དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་ཤུགས་ཆེ་ཐོབ་ཡོད་པ་བཅས་ལ་བརྟེན། ད་ཆ་བཙན་བྱོལ་གཞུང་གིས་གདེང་ཚོད་ཆེན་པོས་དབུ་མའི་ལམ་གྱི་སྲིད་བྱུས་རྒྱུན་འཁྱོང་དམ་འཛིན་ཐུབ་རྒྱུ་མ་ཟད། རྒྱལ་སྤྱིའི་ནང་སྒྲུབ་ཕྱོགས་ཀྱི་ལས་འགུལ་ཤུགས་ཆེ་རུ་གཏོང་རྒྱུ་དང༌། ཁྱད་པར་རྒྱ་ནག་མང་ཚོགས་དང་འབྲེལ་མོལ་གོང་མཐོར་སྤེལ་དགོས་པའི་གོ་སྐབས་སུ་སླེབས་ཡོད། དེ་བཞིན་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཚོས་ང་ཚོའི་བསམ་འཆར་ཡིག་ཆའི་ཐོག་གྲོས་མོལ་རྒྱུན་སྐྱོང་གནང་འདོད་ཡོད་ཚེ་ང་ཚོའི་ངོས་ནས་གྲོས་མོལ་གྱི་སྒོ་མོ་རྒྱུན་དུ་ཕྱེ་ཡོད་ཅེས་བཀའ་བློན་ཁྲི་པ་མཆོག་གིས་གསུངས་ཡོད་པ་རེད།

ཟླ་འདིའི་ཚེས་༡༤ ཉིན་ྋགོང་ས་མཆོག་བཞུགས་སྒར་དྷ་སར་ཞབས་སོར་འཁོད་ཡོད་པ་དང༌། ཉིན་དེར་དྷ་ས་མེག་གྷན་དུ་རྒྱ་གར་ཉེན་རྟོག་པས་རྒྱ་མི་ཞིག་འཇུ་བཟུང་བྱས་ཡོད་འདུག གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ཀང་ར་རྫོང་གི་སྐོར་སྲུང་སྤྱི་ཁྱབ་པས་འཇུ་བཟུང་བྱས་པ་དེ་རྒྱ་ནག་གི་མི་ཡིན་པ་དང༌། ཁོང་ལ་དགོས་ངེས་ཀྱི་ཡིག་ཆ་གང་ཡང་མེད་པར་བརྟེན། སྐོར་སྲུང་བས་ཕྱི་རྒྱལ་མི་སྣའི་ཁྲིམས་གཞིའི་འོག་ནས་འདྲི་རྩད་དང་འཇུ་བཟུང་བྱས་པ་ཡིན་སྐོར་བརྗོད་ཡོད་འདུག ཡང་ཁག་ཅིག་གིས་བརྗོད་གསལ་ལྟར་ན་རྒྱ་རིགས་དེར་དགོས་ངེས་ཀྱི་ཐོང་མཆན་ལག་ཁྱེར་གང་ཡང་མེད་པར་རྒྱ་གར་ནང་ཐེངས་ཁ་ཤས་ལ་ཡོང་བ་དང༌། ཁོང་གསང་ཉུལ་བའི་དོགས་གཞིའི་འོག་འཇུ་བཟུང་བྱས་པ་ཡིན་སྐོར་བརྗོད་མཁན་ཡང་འདུག ཡང་ཉིན་དེར་ྋགོང་ས་མཆོག་ཆིབས་བསྒྱུར་མ་གནང་བའི་ཅུང་སྔོན་དེར་མི་ཁ་ཤས་ཀྱིས་གཙུག་ལག་ཁང་གི་ཉེ་འགྲམ་དུ་ཕོ་སར་མེ་མདའ་ལྐོག་ཉར་བྱས་ཡོད་མཁན་བཞི་ཙམ་མཐོང་བ་དང༌།

ཟླ་འདིའི་ཚེས་ ༡༠ ཉིན། བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་ྋགོང་ས་ྋསྐྱབས་མགོན་ཐམས་ཅད་མཁྱེན་པ་མཆོག་ལ། སྐྱེ་རྒུའི་བདེ་སྡུག་དོན་དུ་ཆེས་རླབས་ཆེན་གྱི་མཛད་རྗེས་བཞག་ཡོད་པ་མཚོན་སླད་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་ནས་ལོ་ངོ་ཧྲིལ་པོ་བཅུ་དགུ་འཁོར་བའི་དུས་དྲན་དང་བསྟུན་ནས། བཙན་བྱོལ་དུ་ཡོད་པའི་བོད་རིགས་ན་གཞོན་གཞས་པ་ཁག་ཅིག་གིས་མ་སྐུལ་དང་བླངས་ངང་རྡ་རམ་ས་ལར་ལྷན་འཛོམས་ཀྱིས་བོད་ཀྱི་གཞས་སྣ་འཁྲབ་སྟོན་ཞེས་པ་ཞིག་གོ་སྒྲིག་ཞུས་ཡོད་པ་དང༌། དེར་རྡ་རམ་ས་ལའི་བོད་མི་དང༌། རྒྱ་གར་ཡུལ་མི། ཕྱི་རྒྱལ་བ་སོགས་མི་རིགས་སྣ་ཚོགས་ཀྱི་མི་མང་བརྒྱ་ཕྲག་མང་པོ་སྤྲོ་སེམས་འཁོར་བའི་ངང་ནས་བོད་ཀྱི་གླུ་གཞས་ཀྱི་སྒྱུ་རྩལ་ལ་རོལ་མྱོང་བྱེད་པའི་གོ་སྐབས་ཤིག་ཀྱང་ཕུལ་ཡོད་པ་རེད།

མོན་གྷོ་འདོད་རྒུ་གླིང་དུ་གཟེངས་རྟགས་དང་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོའི་མཛད་སྒོ།
འདི་ཟླའི་ཚེས་༡༠ ཉིན་རྒྱ་གར་ལྷོ་ཕྱོགས་འདོད་རྒུ་གླིང་གཞིས་ཁོངས་ཀྱི་གཞུང་དང་གཞུང་འབྲེལ་མིན་པའི་ཚོགས་སོགས་ཀྱིས་མཛད་སྒོ་དང་བསྟུན་ནས་དམིགས་ཡུལ་དང་དགོས་པ་འགའ་ཞིག་ལ་དམིགས་ནས་འཚོག་འདུ་འཚོགས་པ་དང༌། བགྲོ་གླེང་གོ་སྒྲིག མྱ་ངན་གུས་འདུད་མར་མེ་ཁྲོམ་སྐོར། པར་རིགས་འགྲེམས་སྟོན་སོགས་གནང་སོང༌།

འདི་ག་མོན་གྷོ་གཞིས་ཁོངས་དགའ་ལྡན་རྣམ་པར་རྒྱལ་བའི་གླིང་དུ་འཇང་དགུན་ཆོས་ཚོགས་ཆེན་མོ་འཚོགས་ནས་བདུན་ཕྲག་གཉིས་ཙམ་ཞིག་འགྲོ་བཞིན་ཡོད་པ་དང༌། འདི་ཟླའི་ཚེས་༧ རེས་གཟའ་ཉི་མའི་དགོང་མོ་དགའ་ཤར་ཆོས་རར་མཚན་ཕུད་དམ་བཅའ་ཆེན་མོ་འཚོགས་ཡོད་པ་དང༌། གདན་ས་གསུམ་དང་རྒྱུད་གྲྭ་སྟོད་སྨད། རྭ་སྟོད། བཀྲ་ཤིས་ལྷུན་པོ། རྫོང་དཀར་ཆོས་སྡེ། རྣམ་རྒྱལ་གྲྭ་ཚང་སོགས་ཕྱོགས་མཐའ་ཀུན་ནས་དགེ་འདུན་པ་སྟོང་ཕྲག་མང་པོ་ཆེད་ཕེབས་གནང་ཡོད་པ་རེད་འདུག

སྤྱི་ཟླ་༡༢ ཚེས་༡༠ ཉིན་ནི་ྋགོང་ས་སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་ཐོབ་པའི་ཉིན་མོ་དང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་བཅས་དུས་ཆེན་ཉིས་འཛོམས་ལ་ཁེལ་སྟབས་འཛམ་གླིང་ཕྱོགས་གང་ས་ནས་དུས་དྲན་སྲུང་བརྩི་ཞུ་སྲོལ་ཡོད་པ་བཞིན།

ཚེས་༡༠ ཉིན་རྒྱ་གར་ལྷོ་ཕྱོགས་བྷེལ་ཀོབ་མི་མང་གིས་ྋགོང་ས་མཆོག་ལ་འཛམ་གླིང་ནོ་སྦེལ་ཞི་བདེའི་གཟེངས་རྟགས་ཕུལ་བཞེས་བྱུང་ནས་ལོ་འཁོར་༡༩ འཁོར་བའི་དུས་དྲན་དང་འགྲོ་བ་མིའི་ཐོབ་ཐང་ཉིན་མོ་སྲུང་བརྩི་བྱས་ཡོད་པ་རེད།

ཕྱི་ལོ་༢༠༠༨ཟླ༡༡ཚེས་༢༧ཉིན་གནས་མཆོག་ལུམྦིནིའ་དཔལ་ས་སྐྱའི་འཛམ་གླིང་ཞི་བདེ་སྨོན་ལམ་ཆེན་མོ་སྐབས་བཅུ་བདུན་པ་དབུ་བཙུགས་པའི་ཉིན་དང་པོར་འདུས་མང་ལྔ་སྟོང་ལྷག་ཙམ་གྱི་མཁན་ཆེན་ཞི་བར་གཤེགས་པ་ངག་དབང་ཀུན་དགའ་དབང་ཕྱུག་མཆོག་གི་དགོངས་རྫོགས་འབུམ་མཆོད་དང༌། ཡང་འདི་ཟླའི་ཚེས་༡ དུས་ཆེན་གསུམ་འཛོམས་ཀྱི་ཉིན་མོ་དཔལ་ས་སྐྱ་མཐོ་སློབ་ཀྱི་སློབ་པ་མཐར་སོན་སྐབས་བདུན་པའི་མཛད་སྒོའི་ཚོགས་མགོན་དུ་ཇི་ལྟར་གསོལ་བ་བཏབ་པ་བཞིན།

ལོ་ལྟར་བཞིན་སྲོང་བཙན་སློབ་གྲྭའི་ཁང་ཚན་བཞིའི་སློབ་མ་ནང་ཁུང་ལུས་རྩེད་འགྲན་བསྡུར་བྱེད་སྲོལ་ཡོད་པ་བཞིན། ཟླ་འདིའི་ཚེས་༥ ཉིན་སློབ་གྲྭ་རྩེད་འགྲན་ཐེངས་༢༣ པ་དེ་སློབ་དེ་གའི་རྩེད་ཐང་དུ་གནང་ཡོད་པ་རེད། དེར་སྐུ་མགྲོན་གཙོ་བོར་ཆུ་བཟང་རིན་པོ་ཆེ་མཆོག་དང༌། བལ་ཡུལ་གནས་སྡོད་སྤྱི་འཐུས་རྣམ་པ། ཕ་མ་ཚོགས་ཆུང་བཅས་མི་མང་ཕོན་ཆེ་འདུ་འཛོམས་ཐོག། ཐོག་མར་སློབ་མ་ཡོངས་ནས་རིམ་པས་ཁང་ཚན་སོ་སོའི་མིང་བྱང་ཁྱེར་ནས་རུ་སྒྲིག་གིས་གོམ་བགྲོད་བྱས་རྗེས། སྐུ་མགྲོན་གཙོ་བོ་ཆུ་བཟང་རིན་པོ་ཆེས་ཨོ་ལིམ་ཕིག་གི་དར་ཆ་མཁའ་དབྱིངས་སུ་བསྒྲེངས་ཤིང༌། རྩེད་འགྲན་དབུ་འཛུགས་ཀྱི་ཁྱབ་བསྒྲགས་ཀྱང་གནང་བ་རེད།