Opinions

    རྭ་རྒྱ་འཕྲིན་ལས།     ནོར་གླིང༌།
སྤྲང་པོ་ནི་རང་ཉིད་ཀྱི་ནུས་ཤུགས་ལ་བརྟེན་པའི་རྒྱུ་ནོར་ལ་ནམ་ཡང་རེ་བ་མི་བྱེད་པར་གཞན་གྱི་རྒྱུ་ནོར་དང་ཟས་གོས་འཚོལ་སྒྲུབ་བྱེད་ཅིང༌། གང་ན་མི་ཚོགས་མང་ས་དང་གང་ན་བླ་མ་དང་གྲྭ་བ་ལྟ་བུ་ཡོད་པའི་སྙིང་རྗེའི་ཁོར་ཡུག་ཅིག་ཡོད་ན་དེ་ལ་འཚང་ཁ་བྱེད་ལ། ཁོ་ཚོས་རང་ཉིད་ཀྱིས་འབད་བརྩོན་བྱས་པའི་རྒྱུ་ནོར་རང་མཚན་པ་ཞིག་འཚོལ་རྒྱུར་རེ་བ་མི་རྒྱག་པར་གཞན་གྱི་ནོར་དང་གཞན་གྱི་ཐོང་ཁ་དང་རྐང་འོག་བརྒྱུད་དེ་འགྲོ། གལ་ཏེ་མི་ཞིག་གིས་ཁོ་ལ་དངུལ་ཐན་ཐུན་ཞིག་སྤྲད་ཚེ་དེ་མ་ཐག་དགའ་གུས་དང་ལུས་འདུད་བྱེད་ཅིང་ཐེངས་རྗེས་མར་ཡང་མི་དེ་འདྲའི་རིགས་ཀྱི་རྐང་འོག་ཏུ་འཛུལ་ཅི་ཐུབ་བྱེད། དེ་ནི་སྤྲང་འཁྱམས་པ་ཚོའི་གཤིས་ཀ་རེད་ལ་ཁོ་ཚོ་ལ་ནམ་ཡང་གཞན་གྱི་གོན་འཕྲོ་དང་ཟོས་འཕྲོ་ལག་དངུལ་ཐན་ཐུན་གྱི་ཕུང་གསོག་ཙམ་ལས་གཞན་གང་ཡང་ཐོབ་མི་སྲིད་ལ། དེ་ལས་མཐོ་བ་ཞིག་ལ་ནམ་ཡང་ཁོ་ཚོས་རེ་བ་མི་རྒྱག དེ་ནི་སྤྲང་པོ་ཚོའི་གཤིས་ཀ་རེད། གཤིས་ཀ་འདི་དང་ལྡན་པའི་ཁ་སང་དེ་རིང་གི་འུ་ཚོའི་ན་གཞོན་རྩོམ་པ་པོ་མང་པོ་ཞིག་གིས་ནམ་ཡང་གཞན་གྱི་ཟེར་སྒྲོས་དང༌།

 བཀྲ་ཤིས་འགྱུར་མེད།་     སཱ་ར།

འཛིན་གྲྭའི་ནང་ནས་རྒན་ངག་དབང་རྡོ་རྗེ་ལགས་ཀྱིས་དེང་སང་བང་ཆེན་ནང་ས་རཱའི་སྐོར་ལ་འདྲ་མི་འདྲ་བྲིས་འདུག་ཁྱེད་རང་ཚོས་མཐོང་སོང་ངམ་གསུངས་ཀྱང་ཕལ་ཆེར་འཛིན་གྲོགས་སུ་ཞིག་གིས་མ་མཐོང་བའི་ཚུལ་དུ་འདུག ང་འཛིན་གྲྭ་གྲོལ་རྗེས་ཉལ་ཁང་དུ་སོང་ནས་བང་ཆེན་འདོན་ཐེངས་གཉིས་བཀླགས་ཀྱང་ས་རཱའི་སྐོར་ལ་ཚིག་གཅིག་ཀྱང་མཐོང་མ་ཐུབ། ད་དུང་དེའི་སྐོར་ལྟ་འདོད་དབང་གིས་རྗེས་ནས་རོགས་པ་ཁ་ཤས་ལ་སྐད་ཆ་དྲིས་པར་བང་ཆེན་དྲ་རྒྱའི་ནང་དུ་ཡོད་རེད་ཅེས་བཤད་སོང༌། ཕྱི་ཚེས་དགུ་བརྟན་བཞུགས་ཉིན་མོ་མེག་ལོར་ནས་བང་ཆེན་དྲ་རྒྱ་ཁ་བསྔོགས་ནས་ཟིན་བྲིས་ཀྱི་ཚན་པ་ནང་དུ་ལྟ་དུས། ས་རཱ་མཐོ་སློབ་ཀྱི་སྐོར་ལ་དམའ་འབེབས་དང་མཐོང་ཆུང་ད་དུང་ཟུར་ཟ་དང་སྐྱོན་བརྗོད་ཀྱི་བགྲོ་གླེང་བཟོས་དང་བཟོ་བཞིན་པ་རེད་འདུག
    ཉེ་ཆར་སྐྱབས་མགོན་རིན་པོ་ཆེས་བོད་ཁྱིམ་མཛད་སྒོའི་ཐོག་ཏུ་ང་ཚོ་འགན་འཁུར་མཁན་ཚོས་ཞན་ཆ་གང་ཡོད་པ་དང་འཐུས་ཤོར་གང་ནས་འགྲོ་གི་ཡོད་པ་རྣམས་བཤད་དགོས་ཞེས་གསུངས་ཡོད་པ་མ་ཟད་སྨྲ་བརྗོད་རང་དབང་ཡིན་པས་གཞན་ལ་སྐྱོན་བརྗོད་བྱེད་མི་ཆོག་པ་མ་ཡིན་ཡང༌།

ཚེ་བརྟན་བཀྲ་ཤིས།  ས་རཱ།

འཛམ་གླིང་ཞི་བདེར་གནས་དགོས་ན། ཞི་བདེའི་འབྱུང་ཁུངས་ལ་རྟོགས་ཞིབ་ནན་མོ་བྱ་རྒྱུ་ནི་བསམ་དོན་མངོན་འགྱུར་ཐུབ་ཐབས་ཀྱི་ཆ་རྐྱེན་གཙོ་བོ་དེ་རེད་ལ། བདེ་སྡུག་ཚོར་བས་ཟིན་པའི་མི་ཞིག་ཡིན་ཕྱིན་འཛམ་གླིང་ཞི་བདེ་ཡོང་བར་བློ་རྒྱ་བསྐྱེད་ཐུབ་མིན་ཇི་ལྟར་ཡང༌། རང་བདེ་འདོད་པ་སྨྲོས་མེད་རེད། དེས་ན་བདེ་བ་འདོད་བཞིན་དུ་སྡུག་བསྔལ་འབད་པས་སྒྲུབ་ཀྱིན་པ་ནི། མིག་ཡོད་བཞིན་གཡང་སར་མཆོང་བ་དང་ཅིས་མི་མཚུངས། ལྷག་དོན་ང་ཚོ་ནི་བྱམས་སྙིང་རྗེའི་རིག་གཞུང་ཁྲོད་ནས་ཚར་ལོངས་བྱུང་བའི་མི་རིགས་ཤིག་ཡིན་པའི་ཆ་ནས་དང༌། ྋགོང་ས་མཆོག་གི་དགོངས་གཞི་སྟེ་མ་འོངས་བོད་དེ་འཚེ་མེད་ཞི་བའི་བསྟི་གནས་ཤིག་ཏུ་བསྒྱུར་རྒྱུ་བཅས་ལས་གཞན་ལ་འཚེ་བ་ནི་མི་སྲིད་པ་ཞིག་དང་མི་འོས་པ་ཞིག་ཀྱང་རེད། ད་ལྟའི་ཆར་ང་ཚོའི་འཐབ་རྩོད་ནི་གཞན་དབང་སྟབས་བསྟུན་ཁོ་ན་ལས་རང་འདོད་བཞིན་རྩོད་དབང་མེད་པས་གནས་ཚུལ་མང་པོར་མཁྱེན་རྟོགས་ཐུབ་པའི་སྒོ་ནས་ལས་འགུལ་རྩོམ་དགོས་གལ་ཆེ།

ཟླ་འདིའི་ཚེས་༡༩ ཉིན་པེ་ཅིང་དུ་ཡོད་པའི་བྷི་བྷི་སིའི་གསར་འགོད་པ་ཇཱ་མིའི་སིས། ཨ་རིའི་རྒྱལ་དོན་དྲུང་ཆེ་པེ་ཅིང་དུ་མ་སླེབས་པའི་ཉིན་གཅིག་གི་སྔོན་དུ་བྲིས་པའི་ཆེད་རྩོམ་ཞིག་ལི་ཐང་འཇམ་བཟོད་གྱིས་བོད་བསྒྱུར་བྱས།
    ཟླ་འདིའི་རེས་གཟའ་པ་སངས་ཉིན་ཨ་རིའི་རྒྱལ་དོན་དྲུང་ཆེ་ཧཱི་ལཱ་རི་ཁི་ལིན་ཊོན། རྒྱ་ནག་གི་དཔོན་རིགས་ཚོ་དང་ལྷན་དུ་བཀའ་མོལ་གནང་བར་ཕེབས་གཏན་འཁེལ་ཡོད་པ་དང༌། འདི་ནི་རྒྱལ་དོན་དྲུང་ཆེ་ཨོ་བྷ་མའི་འཛིན་སྐྱོང་གི་ཆེས་མཐོའི་དཔོན་རིགས་ཀྱི་ངོ་བོའི་ཐོག་ནས་ཐུག་འཕྲད་གནང་བ་ཐོག་མ་དེ་ཆགས་ཡོད་ཅིང༌། མི་མང་པོས་རྒྱལ་དོན་དྲུང་ཆེས་དམངས་ཁྲོད་དུ་འགྲོ་བ་མིའི་ཐོབ་ཐང་སྐོར་གཏམ་བཤད་གནང་གི་ཡོད་མེད་ལ་དོ་སྣང་ཧ་ཅང་ཆེན་པོ་བྱེད་བཞིན་ཡོད་པ་རེད།
    འདས་པའི་དུས་རིམ་ནང་ཨ་རིའི་དཔོན་རིགས་ཚོས་རྒྱ་ནག་དམངས་ཁྲོད་དུ་ཁ་མཁས་གཏམ་སྙན་ཡང་ཡང་བཤད་མྱོང་བ་དང༌། བརྙན་འཕྲིན་ལེ་ཚན་སོགས་སུ་ཕོག་ཐུག་ཆེ་བའི་ཚིག་རྩུབ་སོགས་ལ་འཛེམ་གང་ཐུབ་བྱེད་བཞིན་ཡོད། གནད་ལ་ཁེལ་བའི་དཔྱད་གཏམ་མང་པོ་ཞིག་ཐུག་འཕྲད་ཀྱི་སྔ་ཕྱི་གཉིས་གང་རུང་ལ་བཤད་པ་མ་གཏོགས། དངོས་སུ་སྡིངས་ཆའི་སྟེང་ཤོད་མཁན་ཧ་ཅང་དཀོན་པོ་ཡིན། ལོ་སྔོན་མར་སྲིད་འཛིན་བྷུ་ཤི་རྒྱ་ནག་གི་རྩེད་འགྲན་ཆེན་པོར་འབྱོར་ལ་ཉེ་བའི་སྐབས་དེར། རྒྱ་ནག་ལ་སྐྱོན་བརྗོད་ཀྱི་དཔྱད་གཏམ་ཞིག་ཐཱེ་ལན་ཌིའི་རྒྱལ་ས་ནས་བརྒྱུད་བསྒྲགས་བྱས་ཡོད་པ་རེད། ཡིན་ཡང་རྒྱལ་དོན་དྲུང་ཆེ་མཆོག་གིས་སྔོན་དུས་རྒྱ་ནག་ཏུ་ཆབ་སྲིད་ཀྱི་ལམ་ཕྱོགས་ཤིག་བཟོས་ཡོད་པས་དེའི་རྗེས་སུ་འཇུག་དགོས་ངེས་ཡིན།

 ས་རཱ་ནས་ཚེ་བརྟན་བཀྲ་ཤིས་ཀྱིས།

སྤྱིར་འཇིག་རྟེན་ཐོག་གི་རྩོད་རྙོག་ཐམས་ཅད་རང་བྱུང་ཁམས་ཆེན་མོ་འདི་ཆགས་པ་དང་དུས་མཉམ་དུ་བྱུང་བ་ཞིག་མ་ཡིན་ལ། མི་དང་མིའི་བར་ལ་དགྲར་འཛིན་གྱི་བསམ་པ་ཡང་ལྷན་སྐྱེས་ནས་རང་ཆས་སུ་ཡོད་པ་ཞིག་མ་ཡིན་པར་དེ་ནི་ཕྱི་ནང་གིས་མི་མཐུན་ཕྱོགས་ཀྱི་རྐྱེན་དུ་མའི་དབང་གིས་ཉོན་མོངས་ལ་སྟངས་འཛིན་བྱེད་མི་ཐུབ་པར་འཕེལ་རྒྱས་སོང་བ་ལ་བརྟེན་ནས། མི་དང་མི་ཕན་ཚུན་གྱི་འགལ་བ་སྟེ་ཁྲག་དྲི་བྲོ་བའི་འཐབ་རྩོད་དག་བྱུང་བར་སྙམ། དེའི་རྒྱུ་མཚན་ཡང་གདོད་མ་ནས་རང་ཆས་སུ་ཡོད་ཅིང་རྐྱེན་ཅུང་ཟད་ཙམ་གྱིས་དགའ་སྡུག་གི་ཚོར་སྣང་སྐྱེན་པའི་རང་གཅེས་འཛིན་གྱི་དགྲ་ཟླར་ཐོག་མར་རང་ཉིད་ནས་འགོ་བརྩམས་ཏེ། སྤྱི་ཡོངས་ཀྱི་ནུས་ཤུགས་གཅིག་ཏུ་བསྒྲིལ་ཞིང་གཞན་ཕན་གྱིས་བསམ་པ་རྒྱ་ཆེར་སྤེལ་མི་ཐུབ་པའི་ཞན་ཆའི་དབང་གིས་དཀའ་རྙོག་དེ་དག་ལས་གྲོལ་མི་ཐུབ་པ་རེད། ཐམས་ཅད་ལྟོས་གྲུབ་ཀྱི་རང་བཞིན་འདི་དག་ལས་ང་ཚོས་རྟོགས་ཐུབ་པ་དང་ཤེས་སླ་བ་ནི་དཀའ་ཚེགས་ལ་མི་ལྟོས་པར་མཐུན་ཕྱོགས་ཀྱི་རྒྱུ་ཚོགས་བསྒྲུབ་ཐབས་ལ་འབུངས་ན་དཀའ་ངལ་གྱི་རྒྱུ་རྐྱེན་དག་ཉམས་ཆག་གིས་མཐར་སྡུག་བསྔལ་གྱི་མུན་པ་ཇེ་གསལ་དང་རྐྱེན་ངན་གྱིས་འཆིང་རྒྱ་ལས་གྲོལ་ཐུབ་པ་དེ་རེད།