བོད།

ཟླ་འདིའི་ཚེས་ ༢༠ ཉིན་ཕྱི་དྲོ་ཆུ་ཚོད་ ༣།༤ ཙམ་ལ་བོད་ལྗོངས་ཆབ་མདོ་ས་ཁུལ་མཛོ་སྒང་རྫོང་དུ་བོད་མི་གཞོན་སྐྱེས་གསུམ་གྱིས་བོད་རང་བཙན་གྱི་སྐད་འབོད་དང༌། བོད་ཀྱི་རྒྱལ་དར་དང༌། བོད་རང་བཙན་འཁོད་པའི་འཕྲེད་དར་འཕྱར་ནས་མཛོ་སྒང་གྲོང་ནས་རྫོང་གི་ཁྲོམ་གཞུང་དུ་སྐར་མ་ ༤༠ ཙམ་གྱི་རིང་ངོ་རྒོལ་བྱས་ཡོད་པ་རེད། གོམ་བགྲོད་ཀྱིས་རྫོང་ཉེན་རྟོག་ལས་ཁུངས་ཀྱི་མདུན་དུ་མ་སླེབས་ཙམ་ལ་ཉེན་རྟོག་པ་ ༤༠ ཙམ་ཡོང་ནས་ཁོང་རྣམས་འཕྲལ་དུ་འཛིན་བཟུང་གིས་ཉེས་རྡུང་ཚད་མེད་བཏང་སྟེ་ཤི་མིན་རོ་མིན་དུ་བཟོས་ཡོད་འདུག  སྐབས་དེར་བུ་མོ་བདེ་ཆེན་སྒྲོལ་མ་ཞེས་པ་ཞིག་ཀྱང་དོགས་གཞིའི་འོག་འཛིན་བཟུང་བྱས་ཡོད་གནས་འདུག

 ༢༠༠༨ ལོའི་ཕྱི་ཟླ་༣ པའི་ཚེས་༡༠ ནས་ད་ལྟ་བར་དུ་བོད་ནང་གི་ས་གནས་གང་སར་རྒྱ་གཞུང་ལ་ངོ་རྒོལ་ཤུགས་ཆེན་བྱས་ཡོད་ལ། རྒྱ་ནག་གཞུང་གིས་ལུགས་མཐུན་མིན་པའི་བོད་མི་རྣམས་ལ་ཁྲིམས་ཆད་བཙོན་འཇུག་གི་གནས་སྟངས་མཚམས་བཞག་མེད་པ་རེད། ཉེ་ཆར་རང་ལོ་ཉེར་བདུན་ལ་སོན་པའི་རྔ་པ་ཀིརྟི་དགོན་པའི་གྲྭ་བློ་བཟང་ཀིརྟི་ལགས་ཡིག་ཆ་སྦྱར་འགྲེམས་བྱེད་མཁན་ཡིན་པའི་དོགས་གཞིའི་འོག་རྒྱ་གཞུང་གིས་ཕྱི་ཟླ་༡ པོའི་ཚེས་༡༥ ཉིན་རྔ་པ་རྫོང་ཐོག་ཏུ་འཛིན་བཟུང་བྱས་པ་དང༌། གཞན་པ་ཁག་ཅིག་ལ་བཙོན་འཇུག་ཁྲིམས་ཐག་བཅད་ཡོད་འདུག

    འདི་གར་དྷ་ས་ཏྲེ་ཧོར་སྐྱིད་སྡུག་ནས་གནས་ཚུལ་མཁོ་སྤྲོད་གནང་བ་ལྟར་ན། ཉེ་ཆར་དཀར་མཛེས་རྫོང་མཐིང་མཁར་ཤང༌། ལམ་གོང་གྲོང་ཚོའི་ཕ་བློ་བཟང་བརྩོན་འགྲུས་དང༌། མ་ཡེ་ཤེས་དབང་མོ་གཉིས་ཀྱི་བུ་མོ་རང་ལོ་༢༦ ཅན་བཀྲ་ཤིས་མཚོ་ལ་དུས་བཀག་བཙོན་འཇུག་ཁྲིམས་ཐག་ལོ་༢ དང་ཕྱེད། མཐིང་ཁ་ཤང་འབྲུག་ཉལ་ཚང་སྒྲོན་གཡང་གི་བུ་མོ་རང་ལོ་༢༠ ཙམ་ཅན་དུང་མཚོ་ལ་ལོ་༢ བཙོན་འཇུག་གི་ཁྲིམས་ཐག་བཅད་ཡོད་འདུག ཁོང་གཉིས་ནི་དཀར་མཛེས་དགེ་མ་བྲག་འོག་བཙུན་དགོན་གྱི་བཙུན་མ་ཡིན་པ་དང༌། ༢༠༠༨ ཟླ་༦ ཚེས་༡༨ ཉིན་དགོན་པར་དམ་དྲག་ཤིན་ཏུ་ཆེ་ཞིང་ཕན་ཚུན་འགྲོ་བསྐྱོད་མི་ཆོག་པའི་གནས་སྐབས་དེར་ཁོང་གཉིས་ནས་སྨན་ཁང་དུ་འགྲོ་བྱེད་ཀྱི་ལག་འཁྱེར་བླངས་ཏེ། དཀར་མཛེས་རྫོང་ཐོག་ཏུ་ཕྱིན་ནས་ཞི་རྒོལ་སྐད་འབོད་བྱེད་སྐབས་འཛིན་བཟུང་གིས་བཀག་ཉར་བྱས་པ་ཞིག་ཡིན་པ་རེད།

འབྲས་བློ་གླིང་གྲགས་པ་ཁང་ཚན་གྱི་གྲྭ་བློ་བཟང་རིན་ཆེན་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཕ་ཡུལ་སྨར་ཁམས་རྫོང་བར་ཤོད་ལུང་ཞིང་པ་ཚང་ཕ་བྱམས་པ་ཆོས་དབྱིངས་དང་མ་ངག་དབང་ལྷ་མོ་གཉིས་ཀྱི་བུ་རང་ལོ་༣༥ ལ་སླེབས་པའི་དཔལ་ལྡན་རྒྱུད་སྟོད་གྲྭ་ཚང་གི་གྲྭ་བུ་ཆུང་ཚེ་རིང་ལགས་ནི། ལོ་སྔོན་མའི་ཕྱི་ཟླ་གསུམ་པའི་གསུམ་ཅུའི་དུས་དྲན་སྐབས་སུ་རྒྱུད་སྟོད་གྲྭ་ལྔ་བཅུ་ཙམ་གྱིས་ཞི་བའི་སྐད་འབོད་བྱས་རྐྱེན་གྱིས་རྒྱ་གཞུང་གིས་འཛིན་བཟུང་བྱས་ཏེ་ཉེས་རྡུང་ཚབས་ཆེ་བཏང་ཡོད་པ་རེད།

ནོར་ཝེ་བོད་ཀྱི་རླུང་འཕྲིན་ཁང་གི་བལ་ཡུལ་གསར་འགོད་པས་གནས་ཚུལ་སྤེལ་བ་ལྟར་ན། མདོ་སྨད་རྔ་པ་ཁུལ་ཧུང་ཡན་རྫོང་སྦྲ་ཆེན་ཤང་དུ་སྦྲ་ཆེན་དགོན་པའི་ཚན་རྩལ་སློབ་གྲྭ་ཞེས་པའི་རིག་གཞུང་རྒྱུན་འཛིན་བྱེད་ཡུལ་སྒེར་བཙུགས་སློབ་གྲྭ་ཞིག་ཡོད་པ་དེ་སྔ་ལོའི་ཕྱི་ཟླ་གསུམ་པའི་ནང་སློབ་ཕྲུག་ཚོས་ཁུལ་དེའི་དགོན་སྡེ་ཁག་དང་ས་གནས་མི་མང་ལ། བོད་དོན་བདེན་པའི་འཐབ་རྩོད་ཀྱི་སྐུལ་སློང་དྲིལ་བསྒྲགས་དང༌། སྦྲ་ཆེན་ཤང་གི་ལས་ཁུངས་མདུན་དུ་བཙུགས་པའི་རྒྱ་གཞུང་གི་རྒྱལ་དར་ཕབ་པ་བཅས་ཀྱི་ལས་འགུལ་སྤེལ་སྟབས། རྒྱ་གཞུང་གིས་སློབ་གྲྭ་དེ་སྒོ་རྒྱག་ཏུ་བཅུག་པ་དང༌། ཉིན་བཅུ་ཙམ་རྗེས་ནས་སྒོ་ཕྱེ་ཆོག་ཚུལ་བརྗོད་ཀྱང་ད་བར་སྒོ་ཕྱེ་བཅུག་མེད་པ་རེད། སློབ་མ་རྣམས་སློབ་གྲྭ་གཞན་དུ་ཞུགས་ཀྱང་སློབ་ཡོན་གྱི་དཀའ་ངལ་ཆེན་པོ་ཡོད་པ་དང༌།

དཀར་མཛེས་དགོན་པའི་གྲྭ་ཚེ་བརྟན་ཕུན་ཚོགས་ཟླ་འདིའི་ཕྱི་ཚེས་༧ ཉིན་དྷ་སར་འབྱོར་ཡོད་པ་དང༌། ཁོང་ད་ལྟ་རང་ལོ་བཞི་བཅུ་ཡིན་ལ། བོད་ཤར་ཕྱོགས་དཀར་མཛེས་རྫོང་རྒྱ་མཁར་གྲོང་ནས་ཡིན་པ་རེད། ཁོང་༢༠༠༨ ལོར་དཀར་མཛེས་རྫོང་ཐོག་ནས་རྒྱ་རྒོལ་སྐབས་ལས་འགུལ་ནང་དངོས་སུ་ཞུགས་ཡོད་པ་རེད། ཁོང་ལ་དེའི་སྐོར་བཅར་འདྲི་བྱས་པར། ཁོང་གིས་ད་ལོའི་ཕྱི་ཟླ་༣ ཚེས་༡༨ ཉིན་དཀར་མཛེས་རྫོང་དུ་བྱུང་བའི་ཞི་བའི་ངོ་རྒོལ་སྐབས་ཀྱི་གནས་ཚུལ་ངོ་སྤྲོད་གནང་དོན།༢༠༠༨ ལོའི་ནང་ཞི་བའི་ངོ་རྒོལ་བྱེད་དགོས་དོན་གཙོ་བོ། ཕྱི་ལོ་༡༩༤༩ ནས་བཟུང་ད་བར་དུ་བོད་ནང་དྲག་པོའི་བཙན་གནོན་བྱས་དང་བྱེད་བཞིན་པ་དང༌།བོད་ལ་འགྲོ་བ་མིའི་ཐོབ་ཐང་མེད་པ་དང༌། བོད་ལ་རང་དབང་མེད་པ། ཆོས་ལུགས་དད་པ་རང་མོས་མེད་པ། དེ་ལ་བརྟེན་ནས་སེམས་ཀྱི་སྡུག་བསྔལ་ཕྱི་ལ་བཏོན་པ་རེད་ཅེས་འགྲེལ་བརྗོད་གནང་སོང༌།

འདི་ནས་ཁུངས་ལྡན་གནས་ཚུལ་ཤེས་གསལ་ལྟར་ན། ཉེ་ཆར་དཀར་མཛེས་ཁུལ་འབྲིང་རིམ་མི་མང་ཁྲིམས་ཁང་ནས་ལོ་གསུམ་གྱི་དུས་བཀག་བཙོན་འཇུག་ཁྲིམས་ཐག་བཅད་ཟིན་པ་གུ་རུ་རྡོ་རྗེར་རང་ལོ་ ༤༩སྔ་ཕྱིར་བཀག་ཉར་བྱས་རིང་དང༌། བཙོན་ཁང་བཅས་སུ་རྒྱ་གཞུང་གི་ཉེན་རྟོག་པ་དང་དམག་མི་བཅས་ནས་མི་སྤྱོད་ལས་འདས་པའི་ཉེས་བརྡུང་ཚད་མེད་བཏང་བར་བརྟེན་ད་ལྟ་གསོན་དཀའ་བའི་གནས་སུ་གྱར་ཏེ་ ༢༠༠༩ ཟླ་ ༡ ཚེས་ ༢ ཉིན་དཀར་མཛེས་ཁུལ་ཉེན་རྟོག་ལས་ཁུངས་ནས་དཀར་མཛེས་རྫོང་ཉེན་རྟོག་ལས་ཁུངས་སུ་ཁ་པར་བཏང་སྟེ་གུ་རུ་རྡོ་རྗེ་ལ་གློ་བུར་ན་ཚ་ཕོག་སྟེ་དར་རྩེ་མདོ་སྨན་ཁང་ནང་ཉལ་ཡོད་པས་ནང་མི་རྩིས་ལེན་དུ་ཡོང་དགོས་སྐོར་བཤད་ཡོད་འདུག

ཨེ་ཤ་ ཡའི་རང་དབང་རླུང་འཕྲིན་ཁང་གིས་གནས་ཚུལ་སྤེལ་གསལ་ལྟར་ན། ཁ་སང་ཕྱི་ཟླ་༡༢ ཚེས་༢༩ ཉིན་དཀར་མཛེས་རྫོང་སྟག་ཆུ་མདའ་མི་མང་འདུ་འཛོམས་ཆེ་བའི་ཁྲོམ་གཞུང་དཀྱིལ་དུ་ དཀར་མཛེས་ཁུང་རྡོ་གྲོང་ཚོ་ནས་ཡིན་པ་ཕ་ཚེ་དབང་མགོན་པོ་དང༌། མ་ལྷ་མོ་དབང་མཚོ་གཉིས་ཀྱི་བུ་མོ་བསྟན་མཆོག་ཅེས་པའི་བུད་མེད་ན་གཞོན་ཞིག་གིས་ བོད་རང་བཙན་གྱི་སྐད་འབོད་དང༌། ཤོག་བྱང་ཐོག་བྲིས་པའི་ཡིག་ཆ་བརྒྱ་ཕྲག་མང་པོ་འགྲེམས་གཏོར་བྱས་ཏེ་དུས་ཚོད་ སྐར་མ་ཁ་ཤས་ལས་མ་སོང་བར་རྒྱ་དམག་རླངས་འཁོར་གཅིག་དང༌། སྤྱི་བདེ་ཉེན་རྟོག་པ་བཅུ་གྲངས་ཤིག་གིས་གཅར་བརྡུང་བྱེད་བཞིན་འཛིན་བཟུང་གིས་ བཙན་ཁྲིད་བྱས་སྐབས་ཀྱང་“ྋརྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོ་

དཀར་མཛེས་ཁུལ་དུ་ཁྲིམས་ཐག་གཅོད་བཞིན་པ།
གནས་ཚུལ་འབྱོར་གསལ་ལྟར་ན་དཀར་མཛེས་ཁུལ། བྲག་འགོ་རྫོང་ཁོངས་ཏྲེ་ཧོར་ལྕོག་རི་དིལ་ཡུལ་གྲོང་ཚོ་ཕ་བློ་དགའི་བུ། རང་ལོ་༢༨ ཅན་བསོད་ནམས་ཡར་འཕེལ་ལ་ཉེ་ཆར་ཟླ་ཚེས་ཁ་གསལ་ཤེས་རྟོགས་མི་འདུགདཀར་མཛེས་འབྲིང་རིམ་མི་མང་ཁྲིམས་ཁང་ནས་ལོ་༡༢ བཙོན་འཇུག་ཁྲིམས་ཐག་བཅད་དེ་སི་ཁྲོན་ཁོངས་ཁྲན་ཆིང་ཞེས་པའི་ས་གནས་ཀྱི་བཙོན་ཁང་ཞིག་ཏུ་ཁྲིད་ཡོད་འདུག ད་ལོ་ཕྱི་ཟླ་༤ ཚེས་༢༩།༣༠ གཡས་གཡོན་ལ་ཁྲིམས་ཐག་བཅད་ཟིན་པའི་ལྕོག་རི་ངང་སྒོང་བཙུན་དགོན་གྱི་བཙུན་མ་༧ དང༌། ཏྲེ་བོ་གྲོང་སྡེ་ནས་ཡིན་པ་མི་སྐྱ་ཀུན་བཟང་རྡོ་རྗེ་སོགས་དཀར་མཛེས་ཁུལ་གྱི་ཁྲིམས་ཐག་བཅད་ཟིན་པའི་