བོད།

བོད་ས་གང་སར་ལོ་འདིའི་ལོ་སྟོད་ཙམ་ལ་ཞི་རྒོལ་ཁྲོད་ཞུགས་མཁན་ཚོར་རིམ་བཞིན་ཁྲིམས་ཐག་གཅོད་བཞིན་ཡོད་པ་དང༌། ཉེ་བའི་ཆར་དཀར་མཛེས་ཁུལ་ནས་ཞི་བའི་ཡར་ལངས་ཁྲོད་ཞུགས་མཁན་རྣམས་ལ་དཀར་མཛེས་ཁུལ་འབྲིང་རིམ་མི་དམངས་ཁྲིམས་ནས་རིམ་བཞིན་ཁྲིམས་ཐག་གཅོད་བཞིན་ཡོད་པ་རེད། དེ་ཡང་ཕྱི་ཟླ་༤ ཚེས་༢༣ ཉིན་ངོ་རྒོལ་སྐད་འབོད་བྱེད་མཁན་གྱི་གྲས་སུ་ཡོད་པ་དཀར་མཛེས་བྲག་དཀར་བཙུན་དགོན་གྱི་བཙུན་མ་བསོད་ནམས་བདེ་སྐྱིད་ལོ་༣༢ ཡིན་པ་ཁོང་ལ་ཕྱི་ཟླ་༡༡ ཚེས་༧ ཉིན་དཀར་མཛེས་ཁུལ་འབྲིང་རིམ་མི་དམངས་ཁྲིམས་ཁང་ནས་ལོ་༣ གྱི་ཁྲིམས་ཐག་བཅད་ཡོད་པ་དང༌། དགོན་པ་དེ་ཉིད་ནས་ཡིན་པ་བཙུན་མ་ཐུབ་བསྟན་སྒྲོལ་མས་ཕྱི་ཟླ་༥ ཚེས་༡༡ ཉིན་ངོ་རྒོལ་འཛིན་བཟུང་བྱས་པ་ཁོང་ལ་ལོ་༤ ཁྲིམས་ཐག་བཅད།

འབྲེལ་ཡོད་ནས་འདི་གར་ནས་གནས་ཚུལ་མཁོ་སྤྲོད་གནང་བ་ལྟར་ན། ཉིན་ཤས་སྔོན་དུ་ཁམས་དཀར་མཛེས་རྫོང་ཁུལ་དུ་ཡོད་པའི་ཁང་སར་སྐྱབས་མགོན་སྤྲུལ་སྐུའི་སློབ་གྲྭ་དང་སྨན་ཁང༌། ལམ་བྲག་སྤྲུལ་སྐུའི་སྨན་ཁང༌། དཀར་མཛེས་རྫོང་བོད་ཡིག་སློབ་འབྲིང་བཅས་སྒོ་རྒྱག་རྒྱུའི་གྲོས་ཆོད་བཞག་ནས་མང་ཚོགས་ལ་ཁྱབ་བསྒྲགས་བྱས་འདུག ཕྱི་ཟླ་༡༢ པའི་ཚེས་༡ ཉིན་དཀར་མཛེས་རྫོང་གྲོང་ཁུལ་དུ་ཡོད་པའི་སློབ་ཕྲུག་གི་ཕ་མ་སོགས་རྒན་རྒོན་བགྲེས་སོང་དང་ན་གཞོན་སོགས་བོད་རིགས་མི་མང་ཚོས་བློ་ཕམ་ཆེན་པོའི་ངང་ནས་མ་བསྐུལ་དྭང་བླངས་ཀྱིས་རྫོང་སྲིད་གཞུང་དུ་སྨན་ཁང་དང་སློབ་གྲྭ་དེ་ཚོ་སྒོ་བརྒྱབ་ན་མི་འགྲིག་པའི་ཡི་གེ་དང་ཞུ་བ་ཕུལ་ཡོད་འདུག

ཁམས་དཀར་མཛེས་ཁུལ་སྡེ་དགེ་རྫོང་རྫ་བར་མ་ཤང་དགོན་གསར་དགོན་པའི་དགེ་འདུན་པ་གཉིས་ལ་དཀར་མཛེས་ཁུལ་འབྲིང་རིམ་མི་མང་ཁྲིམས་ཁང་གིས་ཕྱི་ཟླ་༡༡ ཚེས་༤ ཉིན་ཁྲིམས་ཐག་བཅད་ཡོད་འདུག

ད་ལྟ་བོད་ནང་དུ་ཁྲིམས་ཆད་གཏོང་ས་མང་དུ་འགྲོ་བཞིན་ཡོད་པ་ལྟར། ཉེ་ཆར་གནས་ཚུལ་ཤེས་གསལ་ལྟར་ན། འདི་ལོའི་ཧོར་ཟླ་༡༠ ཚེས་༢༢ ཉིན་མདོ་སྨད་ཤིས་ཚང་སྒར་གསར་དགོན་པའི་གྲྭ་ཆོས་གྲགས་རྒྱ་མཚོ་དང༌། འཇམ་དབྱངས་བསྟན་པ། ཤིས་ཚང་དཔོན་སྐོར་སྡེ་བའི་མི་སྐྱ་པོ་ཧྲི་དང༌། དར་རྒྱས་ཟེར་བ་བཅས་རྒྱ་ནག་གཞུང་ཀླུ་ཆུ་རྫོང་དུ་ཁྲིད་ནས་གྲྭ་ཆོས་གྲགས་རྒྱ་མཚོ་ལོ་༨ ཀྱི་ཁྲིམས་ཆད་དང༌།

ཕྱི་ལོ་༢༠༠༨ཟླ་༣ཚེས་༡༠ ཉིན་ནས་བཟུང་བོད་ས་ཡོངས་སུ་རྫོགས་པའི་རྩམ་ཟན་བོད་མི་ཚང་མས་རྒྱ་ནག་དམར་པོའི་མི་སྤྱོད་ལས་འདས་པའི་མནར་གཅོད་དེ་དག་ལ་མི་བཟོད་པར་ཞི་བའི་ལས་འགུལ་སྣ་ཚོགས་སྤེལ་བར་རྒྱ་དམར་ནས་དྲག་གནོན་གྱིས་བོད་མི་གྲངས་ལས་འདས་པ་དམར་གསོད་དང་འཛིན་བཟུང་ཕྱོགས་གང་ས་ནས་བྱས་པ་དང༌། དེ་བཞིན་ས་གནས་གང་སར་རྒྱལ་གཅེས་ཆོས་གཅེས་ལས་འགུལ་མི་མཐུད་དུ་སྤེལ་བ་དང་ཐ་ན་གཟུགས་མཐོང་བརྙན་འཕྲིན་གྱི་ཉིན་རེའི་གསར་འགྱུར་ཐོག་ཏུ་ཡང༌། ྋགོང་ས་མཆོག་ལ་མཚན་སྨད་དང༌།

གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་ནག་ནང་གི་བོད་རིགས་མཁས་དབང་བརྒྱ་དང་བརྒྱད་ཀྱིས་རྒྱ་ནག་གཞུང་ལ་བོད་དོན་དང་འབྲེལ་བའི་སྙན་ཞུ་ཞིག་བཏང་ཡོད་པ་དང༌། དེའི་ནང་ྋགོང་ས་མཆོག་ལ་རྒྱ་ནག་གཞུང་གིས་མཚན་སྨོད་ཞུས་པ་བོད་མི་ཡོངས་ལ་མཐོང་ཆུང་བྱས་པ་མཚོན་གྱི་ཡོད་པས་འཕྲལ་དུ་མཚམས་འཇོག་དགོས་པ། འདི་ལོའི་གསུམ་བཅུ་དུས་དྲན་སྐབས་ནས་འཇུ་བཟུང་བྱས་པ་རྣམས་འཕྲལ་དུ་གློད་བཀྲོལ་དང༌། གུན་གསབ་སྤྲད་དགོས་པ།

སྒྲོལ་དཀར་སྐྱབས་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཕྱི་ལོ་༢༠༠༨ བོད་ཟླ་༡༠ ཚེས་༡༦ ཉིན་རྨ་ཆུ་རྫོང་དུ་བོད་མི་ཞི་རྒོལ་བ་རྨ་ཆུ་རྫོང་མཚེ་རུ་མ་ཤང་དམེ་སྐོར་གྱི་མགོན་པོ་ཚེ་ཁོ་༼རང་ལོ་༣༠༽ལ་ཞི་རྒོལ་ཆེན་མོའི་སྣེ་ཁྲིད་གཙོ་བོའི་ཉེས་མིང་བཙན་འགེལ་གྱིས་ལོ་༡༤ ཁྲིམས་ཐག་བཅད་ཡོད་པ་དང༌། རྨ་ཁུག་རྟ་རའི་ཚ་ཚ་ཚང་གི་ཚེ་ཁོ་ལ་ཁྲིམས་ཆད་ལོ་༥ སྨད་མ་ཞང་བླ་གཅོད་ཚང་གི་རྡོ་རྗེ་ལ་ཁྲིམས་ཆད་ལོ་༤ བཅས་བཅད་ཡོད་པ་རེད།